Kɔnyana Buwulo 1:5 - Katɔti Ɔku Kedee

⁵ Nwuna bekisine nénwini ɔma ɔmmɔ lɛlɔ badine, na bekisine bammɔ belie-nwu ƒaa. Ekpidi bonwu ani na ɔɔbla ɔsu na Unwoti ɔ́ya na lɛbibo lɛmmɔ udu líbo-nwu lɛlɔ, na ɔ́ya na bekisine béƒie nwuna bebi bátɔlɔku na béténwini bana bekisine kalɔ bakyane.

Kɔnyana Buwulo 1:5 Referans Kwoze

Esekiel 9:9

Amu na Unwoti údie kenye ɔnini, “Israel ku Yuda kadi bekyuli bábla ekpidi ani ndi ekisila geen. Na bekyuli badune béyii kalɔ kammɔ kemmo na Yerusalem alati ni, kalala kábɔ mmɔ geen na baakali ka lídie-ma atu ɔsu naaanu ala ani na baabla.

Yeremia 39:9

Babilonƒuɔ bagyumanane lɛlɔ ɔnune unengu ƒui ɔni baalɔ Nebusaradan ɔ́ya na bákpanku bekyuli bani ƒui nébu bakya Yerusalem mmɔ ku bani néeti lɛlɔ béte-nwu ƒui bátɔlɔku aani bekyuli beƒiedi kalɛ úsienku Babilon kalɔ lɛlɔ.

Kɔnyana Buwulo 3:46

“Na bula bekisine beewida-bu.

Kɔnyana Buwulo 2:17

Lɛla lɛni na Unwoti ɔ́su úse kuuku ka wabla ni, ɔ́bla-ni lɛni kani, na ɔ́yila-a udu ɔni na útanu-ɔ kanyana, na ɔ́ya na ƒula bekisine baakun lɛmɛnɛ ka bana ɔyikun udu ɔdi ɔsɔ uuubo.

Kɔnyana Buwulo 1:18

“Unwoti ablala ƒui ese siin. Na ami mmomu, néni na neeenu-nwu litemi. Na ɔƒaani ni, mɔɔsu-mii nnii binwini bɛnu abi ani na muubó. Béƒie-mi bakloƒu ku begblebi ƒui bátɔlɔku bésienku kaƒɔ.

Yeremia 23:14

Na amii kenye bediene bani nkya Yerusalem ɔdi ɔsɔ utulo bana ɔdi ƒui. Bɛɛlɛ́-mi kama taatásiaku ala bamba kama na bilásu litemi geen lɛdi. Na bɛɛtɔnku bekyuli bamba muedi na baabla likpidi na uwi ɔni na nka bibunku-ma na benwini na bana ekpidi kama na bebo-mi kudɔ. Amii ku Yerusalemƒuɔ ƒui bɛdi bekyuli bekpidi aani Sodom ku Gomora kadi bekyuli.

Yeremia 12:7

“Lɛ́yɔ mina bekyuli na lɛ́ƒuna-ma línwini mina badi geen. Nsu ɔƒɛni ni, ndubo-ma buni na liti-ma lɛkya bana bekisine enu kemmo.

Yeremia 5:29

Ɔlɛka bani-mii kɔtu, anwuɔsu ndubo-mii kasi budie.

Yesaia 63:18

Keliekɔ kedee kani na éte-bu ni, uwi klukwii ɔdi kani na búlie mmɔ asa na bekisine bébebile mmɔ báyila-ka udu.

Kɔgya 89:42

Áya na nwuna bekisine mmomu enu náta katɔ na lɛlɔ lɛɛyɔ́-ma

Kɔgya 80:6

Áya na búnwini bekyuli bani muuboku lɛsɛ na bula liku bekyuli akɔ na basɔ balánu-bu taakya lɛla lɛdi kemmo. Anwuɔsu bɔ́ta búnwini bana lɛmala.

Lɛkpa Ulu 31:29

Ngyi ka mina kekpima ni, bekyuli bamɛni badubo bekyuli bekpidi bunwini na badubo ala ani na lɛ́tina-ma mɛni buni. Na uwi ɔdi ɔdubo ɔni na badubo ɔgbankpi bɔsiaku, na uwi ɔdi ɔdubo ɔni na badubo Unwoti kɔnyi bɔkya na bataabla ala ani na úbo-ma ɔda ɔnii batabla.”

Yesaia 22:5

Unwoti Ɔyikune Ƒui limeyi lɛni na liƒu bonwu lɛdubuƒie bekyuli na bakɛ beteetu lɛgba kalɔ taakɔ taayu ku bɔyia geen na baaagyi lɛla lɛni na baabla ni, ani na bɔɔnu na Ala Bɔnu Kɔwɔ kɔmɛni kemmo. Na badubɔƒɛ awodu bewi kalɔ na bekyuli bataava taakpali abi ka bebebunku-ma.

Yeremia 10:20

Bábwɛ-bu kɔduli na bádu-bu bebi. Na ukyuli ɔdi ɔ́sɔ útebu na ubunku-bu na bɔkɛ kesii kani na bulie.”

Kɔnyana Buwulo 1:8

Ekpidi bonwu ani na Yerusalem ɔ́bla ɔsu bekyuli béti ɔma ɔmmɔ bénwini lɛmala. Na bekyuli bani na nka baabu ɔma ɔmmɔ beekisi-nwu ɔƒaamu, ɔsika údie lɛlɔ kasɔngya na únwini anumi ku kɔƒa ku keku ku edumo.

Esekiel 9:10

Anwuɔsu lɛɛɛdubo-ma kɔnyana bɔnu iye liti lɛkyiɛ-ma lɛnɔ. Ndubo-ma kɔtu bɔni na ala ani na bábla kenye.”

Baga 2 21:15

Ndubɔbla mina bekyuli kalala kamɛni, ɔsika bábla likpidi na mina anumi na bákya-mi kɔnyi. Úti ɔ́si uwi ɔni na bana bati kuuku bálɛ Egyipte kalɔ lɛlɔ ubedu ɔmwi kadi.”

Kɔnyana Buwulo 1:16

“Ɔmɛni ɔsu kɔnyana kani na muuwulo, na imii bɔ́ƒɔ-mi anumi uwi ƒui. Na ukyuli ɔdi uuubo na ɔsia-mi kɔnu iye ɔkya-mi ogya lɛnɔ. Kekpo kádi-mi lɛlɔ na mina bekyuli beebó abi.”