Kɔnyana Buwulo 1:17 - Katɔti Ɔku Kedee

¹⁷ Sion údie enu na ɔɔwia ubunkune nsu útakɛ kɔnu ɔsiane. Unwoti ɔ́ya na kadi bekyuli bani náka bámana Sion báta bénye Yakob bebi ku bawɔ ƒui lɛlɔ. Yerusalem únwini aani lɛla lɛni muusé lɛlɔ na nwuna liku bekyuli ƒui anumi.

Kɔnyana Buwulo 1:17 Referans Kwoze

Yeremia 4:31

Muunú aani si ukyuli muudumo ku keku. Uleku ɔdi ntɛ kɔkwalawɔ? Oowo, Yerusalem na ɔdi mɔɔnwuna taanɔ na ɔtɛ uuvele ka banu-nwu kɔnyana na ɔɔsu ɔnini, “Bukpi na nda! Bádu-mi.”

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Kɔnyana Buwulo 1:9

Nwuna ekpidi énwini ala éduo-nwu adala na uleti kasusu lɛla lɛni ndubo-nwu bɔlɛku na uwi ɔni ntɔ-nwu anumi adubo lɛlɔ. Anwuɔsu Yerusalem kalɔ bubo bɔdi kɔnyana litemi bonwu, na ukyuli ɔdi uuubo na ɔsia-nwu kɔnu uwi ɔni na ɔ́su ɔnini, “Unwoti, nu kalɛ na mina bekisine bádi-mi lɛlɔ na muubó abi na anu-mi kɔnyana.”

Kɔnyana Buwulo 1:19

“Lɛ́lɔ mina bebunkune bakpana nsu bákya-mi kakya. Mina bakpane ku kadi batɔnkune békpi uwi ɔni na bakya baawia adila ani na badi.

Kɔnyana Buwulo 1:16

“Ɔmɛni ɔsu kɔnyana kani na muuwulo, na imii bɔ́ƒɔ-mi anumi uwi ƒui. Na ukyuli ɔdi uuubo na ɔsia-mi kɔnu iye ɔkya-mi ogya lɛnɔ. Kekpo kádi-mi lɛlɔ na mina bekyuli beebó abi.”

Baga 2 25:1

Amu na lɛkwa yaalenwidi kɔbuli leevudi kuna limeyi leevudi ka Sedekia ɔɔdi lɛga ni, Babilon Ɔga Nebukadnesar ɔ́tɔnku nwuna bekpone ƒui ka betékpo Yerusalem. Bekpone bammɔ bábla kakyakɔ na kesii kadi asa na adubuduo ɔma unengudi ɔmmɔ kemmo. Na bábla bekpone kunyekɔ bámana awodu ammɔ ƒui.

Hosea 8:8

Israel amii ɔdi ɔ́sa, na kadi bamba bekyuli badubo-mii bɔnu ka bɛɛɛdi lɛla lɛdi.

Esekiel 36:17

“Esekiel, ɔyawine ubi, uwi ɔni na Israelƒuɔ beli ama alati kalɔ lɛlɔ ni, bébile kalɔ kammɔ ekisila na kasɔ keeese sɛɛn na bana ala ɔbladu ɔsu kalɛ kani na si uleku ɔ́lɛ ɔtɔ na uubile ekisila pii na ɔsɔ uuuse sɛɛn kalɛ.

Kɔnyana Buwulo 4:15

Mmomu bekyuli ƒui baava taabɔku-ma banini, “Bɛgyu-bu lɛlɔ mɛni biteesie, na bitetuku-bu! Ɔsika biisé lɛlɔ, na bítamanku ka amii lɛnɔ bɛbla Katɔti bekyuli akɔ badi.” Ɔmmɔ ɔsu ɔlɛka batɔlɔ mmɔ na beténwini baƒɔ na kalɔ bamba. Nsu mmɔ lɛnɔ ni, kalɔ kammɔ bekyuli básu-ma banini, “Bilakana bula kalɔ mɛni lɛnɔ bulie!”

Kɔnyana Buwulo 1:21

“Ukyuli biala únu kalɛ na muudumo, nsu ukyuli biala uuubo na ɔsia-mi kɔnu. Na mina bekisine lɛnɔ bánu lɛbibo lɛni kemmo na éti-mi ákya báti. Na ɔmɛni ɔ́ya na baakɛ́ ebiti na mina lɛlɔ geen. Buvele, babla na ebo abáni-ma kɔtu na kenye kani na ése-mi ése kenye.

Kɔnyana Buwulo 1:2

Keku kani nda usien umodi. Na imii bɔɔgbá-nwu anumi ƒui. Na útakɛ ukyuli ɔni na ɔsia-nwu kɔnu na nwuna bayɔne ƒui akɔ. Mmomu bénwini-nwu bekisine ɔƒaamu.

Yeremia 16:6

Balakɛne ku bawabane ƒui badubukpi bewi na ɔdi uláva-ma. Na ɔdi ulewulo-ma keku iye kɔnyana na ukulo lɛlɔ kesii kadi iye ukpeyi kuli.

Yeremia 6:3

na bana baƒonu bakun livo bedie-ka lɛlɔ ƒui.

Baga 1 8:38

na enu bana bɔkpali. Na si ƒula bekyuli bammɔ badi bakya bewulo kɔnyana na bákɔliku enu bátina kakpakɔ kamɛni na bákpali Katɔti ni,

Baga 1 8:22

Ɔmmɔ kama, na bekyuli bammɔ ƒui anumi ni, Salomo úsie úténye lɛkpabi lɛmmɔ anumi na ɔ́talaku enu katɔ,

Yeremia 8:18

Kayi kaakpulu-mi geen aani ala na nti mɔɔnɔ na mɔɔyɔ́ lite lili.

Yeremia 12:9

Mina bekyuli bese aani aasɛ ɔni na basangbii básala beebó na lɛƒɛnyi ƒui lɛlɔ. Bɛsu beƒiebuo bammɔ na bebo na babakun na badi bemo.

Kɔnyana Buwulo 1:8

Ekpidi bonwu ani na Yerusalem ɔ́bla ɔsu bekyuli béti ɔma ɔmmɔ bénwini lɛmala. Na bekyuli bani na nka baabu ɔma ɔmmɔ beekisi-nwu ɔƒaamu, ɔsika údie lɛlɔ kasɔngya na únwini anumi ku kɔƒa ku keku ku edumo.

Etemila 4:1

Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Yesaia 54:11

“Yerusalem, mɔɔnu ka eewulo kɔnyana na enu áƒɛ-ɔ, na ɔƒɛƒɛɛ ɔɔda-a uubó taavinku. Nsu ami Unwoti ndubɔsɔku ɔma unengudi ɔmmɔ lɛtu ku atabi ani na áƒɔ kuye geen. Na sika atabi kpakplaa ani náƒɔ kuye na baalɔ-nya Saƒir na ndubuti lɛkya ɔma ɔmmɔ kowodu ɔka kalɔ.

Yeremia 15:5

“Ɔma na amii Yerusalemƒuɔ lɛlɔ lɛdubo kɔnyana bɔbla? Ukyuli ɔdubuti ɔsia lɛlɔ na uye unu si dɛ na use-mii?