Hosea 9:10 - Katɔti Ɔku Kedee

¹⁰ Unwoti ɔnini, “Bɔnu na lɛ́nu amii Israelƒuɔ lídie aani kɔdingyii ebi na kalɔ kakwiidi kadi kemmo, na lɛ́nu bina bati kuuku aani kɔnwingyie ebi edeedi ani náka bɔnwu. Nsu Baal-Peor baƒiɔ bani muusé lɛlɔ na bísie bɛɛkpá. Anwuɔsu na amii lɛnɔ biisé lɛlɔ aani baƒiɔ bani na bɛɛyɔ́ mmɔ kalɛ.

Hosea 9:10 Referans Kwoze

Hosea 4:14

“Na lɛɛɛdubo-ma kɔtu bɔni na ɔmɛni ɔsu, ɔsika amii alati kakpakɔ bayalɛ bɔmmɔ kama na bɛsia, na amii ku-ma bɛɛsála taabla akpala teete baƒiɔ. Na ɔmmɔ geen na lɛsugba lɛmɛni lɛɛtina lɛnini, ‘Bɔyii na bekyuli bani na beeebo kasusu badubo bɔyii ku udu.’

Mika 7:1

Litemi lɛmɛni bunu ɔ́ya na lɛ́bla ƒaaƒaa aani ukyuli ɔni na kɔka kútulo-nwu na ɔɔwia egyiibi ani na ɔdi, nsu béde-nya bédie egyii ammɔ ƒui lɛlɔ kede kede, na ina unwi ɔsɔ ɔɔɔsia, na egyii ammɔ ese ukpludi ku ani na muuyile bɔnwu mmɔ muedi.

Hosea 2:15

Na ndubɔsɔku nwuna adingyii mmo lite-nwu. Na lɛbibo ɔkwalɛ ɔni kemmo na ala ékpoku-nwu ɔdubo bunwini Lɛnunsia Ɔkwalɛ. Na ɔdubɔtuna ute-mi ɔnii, ‘Ɛɛn,’ aani kalɛ na ɔ́bla uwi ɔni na ɔdi ugblebi na ɔ́si ɔɔlɛ́ Egyipte kalɔ lɛlɔ.

Esekiel 20:8

Nsu ɔmmɔ ƒui kama ni, bámu báta bénye-mi lɛlɔ. Na béni banii baaadubo-mi litemi bunu na kadi bamba ala anwidi ku avɔdi baƒiɔ bɔkpa bɔmmɔ lɛlɔ kani na benye. “Ɔmmɔ ɔsu na lɛ́kɛku-ma kɔnyi geen na lɛ́lɛ ugyii ka nka mɔɔní-ma kɔtu na Egyipte kalɔ lɛlɔ mmɔ.

Amos 4:5

“Amii biti bina etela lidu bitátina na bitaakun lɛmɛnɛ ɔsika ɔmmɔ udu kani na bɛgyi na bɛɛyɔ́ ka bitaabla. Ami Unwoti násu!

Hosea 11:1

“Lɛ́yɔ Israel uwi ɔni na ɔdi ɔnamu na lɛ́lɔ mina ubi lɛ́siku Egyipte.

Yeremia 31:2

“Na ketele kalɔ kakwiidi kemmo ni, lɛ́bla bani ka kukpi kútadu lɛƒɔndia. Na lɛ́ya na bákɛ keyi buɛɛ. Na si uwi ɔmmɔ údu ni, ndubɔbla lɛni kani lite amii lɛnɔ. Ami Unwoti násu lɛni.”

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Yesaia 28:4

Na nwuna bɔdia bɔni muukeye nsu uuubo bɔyɛyɛ na ɔkwalɛ ɔni nélie lɛmwi mmɔ ni, útavumana ku kɔnwingyie ebi ani mɔɔka bugyie. Na si ukyuli ɔdi ɔ́nu-nya na ɔɔkpɔɔlɔ-nya ɔdi udie kɔnakunwi.

Kɔgya 81:12

Ɔmmɔ ɔsu lídie-ma atu na baabla bana likyulikpi ala ani baayɔ́.

Baga 1 16:31

Ɔ́sia Yerobeam ekpidi ani na ɔ́bla kama na ammɔ lɛti átabɔ-nwu. Mmomu úsie útéti Sidomƒuɔ Ɔga Etbaal ubidi ulekubi ɔni baalɔ banii Isebel ɔ́bla ulekudi, na úse kalɔ ɔɔkpá Baal baƒiɔ na ɔɔbla-ma kabla.

Litemi Batɛne 6:32

Anwuɔsu ɔ́si limeyi lɛmmɔ básia Gideon lɛnyi banii Yerubaal, ɔni kalɔ ndi “Bɛya na Baal alati ukpoku Gideon.” Ɔsika ɔ́ƒɛ Baal lɛkpabi.

Lɛkpa Ulu 32:17

Bádu bebuo bákpa béte baƒiɔ bani naaadi ku lɛla, baƒiɔ bani bana bati kuuku baaagyi kudii, baƒiɔ bani na Israel úni ka balakpa kudii.

Lɛkpa Ulu 32:10

Na bese-nwu aani bekyuli bakɛdi na kalɔ kakwiidi kani kemmo na ɔƒɛƒɛɛ ɔni mɔɔkula ala uukpó uwi ƒui ku kudu. Na Katɔti nébenwini bana kabɛkɔ. Na ɔkya ɔɔgyumana-ma aani nwuna lɛnumi kebi.

Lɛkpa Ulu 4:3

Amii alati bɛ́nu ku bina anumi lɛlɔ lɛla lɛni na Katɔti ɔ́bla na Peor Kɔbi lɛlɔ, kalɛ na ɔ́yila ukyuli biala ɔni muuti ala taatákpa baƒiɔ banii baalɔ Baal udu.

Bumomo Bɔka 15:39

Na adi linwo lɛmmɔ lɛdubɔbla enyimola ute-mii na uwi biala bɛ́nu adi ammɔ ni, bɛdubo buteenyimo mina ɔda bubo na bitaadi-nwu lɛlɔ kalɛ na bilálɛ-mi kama na bitásiaku amii alati ɔbladu kama.

Romaƒuɔ 6:21

Na bi kɔsia na bɛ́kɛ bɛ́siku ala ani bɛ́bla bɛ́vi na eekpó-mii kɔƒa ɔƒɛni lɛlɔ? Ala ammɔ ƒui kɔsia ndi kukpi.

Kɔgya 115:8

Na bekyuli bani návɔ ala ammɔ udu bélieku ala ani na bávɔ mmɔ pɛpɛɛpɛ. Na lɛni kani na bani néti bana anu basia-nya na báƒɔ-nya bádi mmɔ lɛnɔ bese.

Yeremia 3:24

Na ɔ́si bula bati kuuku uwi ɔni na bɔmu bɔdi banamu ni, Baal baƒiɔ bani na bɔ́kpa na ɔdi kɔƒa ala bɔbla áya na bula edula áyii udu ku bebuo ku bebi bananabi ku belekubi ƒui.

Yeremia 24:2

Na kagyigyɛ kenwi kemmo ni, egyiibi ani négyie kaduɛ na adia bɔdi néyi-ka kemmo. Na kanyɔdi aka ni, egyiibi ebudi ani naaadi bɔdi sɔɔn néyi-ka kemmo.

Hosea 4:18

Ntɛ banine badivone na badi. Na si báni-mu békpi báwɔlɔ lɛni ni, na bana lɛyalɛ ku lɛsɔnɔdi ala lɛɛkɔ́-ma katɔ. Na baayɔ́ kɔƒa ala ammɔ teetulo bana kenyekɔ ku ɔbu ɔni na nka ɔkya-ma lɛlɔ mmɔ.

Bumomo Bɔka 18:13

Na kalɔ kammɔ ƒui edula edeedi ani béti béboku Unwoti adubɔbla bina ɔdi. Na ukyuli biala nlie-ɔ kaduli na use sɛɛn ɔkana ɔdi adila ammɔ adi.

Baga 2 17:11

Na bakɛ abi ƒui eli baakyula oloƒui aani kalɛ na kadi bamba bekyuli bani na Unwoti ɔ́bɔku ɔ́lɛku kalɔ kammɔ kemmo bátaabla. Ɔmmɔ ɔsu bákya Unwoti kɔnyi ɔkɛnku bana ulikplu ala bɔbla ɔsu.

Lɛnu Ƒui Ɔnu 3:6

Ukyuli ɔmani na bɔɔnu ka ɔ́si kalɔ kakwiidi lɛlɔ ɔdubo mɛni aani liƒlukutu uyɔ ɔdi udu? Uyɔ ɔmmɔ ɔdanku nard ugyulo ku oloƒui ku kutu akyala ƒɛƒɛɛ ɔnyi.

Yeremia 3:25

Bɔ́ta búnye-ɔ lɛlɔ aani bula bati kuuku kalɛ kani. Na bula alaekpidi eekpó-bu kɔƒa.’ ”

Hosea 13:5

Lɛ́nu-mii lɛlɔ na kalɔ kakwiidi kemmo kesii kani na ntu buuubo mmɔ.