Hosea 8:4 - Katɔti Ɔku Kedee

⁴ Bɛ́ƒuna baga ku batɔnkune bíte lɛlɔ, na bíteye-mi kasusu. Na bíti sika ugyiedi ku ɔƒualadi bɛ́bla baƒiɔ bíte lɛlɔ, na ama nákpanku-mii bátákya bɔkywi kemmo.

Hosea 8:4 Referans Kwoze

Hosea 13:2

Na ɔƒaani ni, bɛmu binye likpidi lɛmmɔ kani bɔbla lɛlɔ, na bíti sika ɔƒualadi bɛ́vɔ ɔmantɛ bakɔ bebi udu baƒiɔ bíte lɛlɔ, na básu-mii banii bitaakyula akpala teete-nwu na bɛɛkya-ma kɔgbu taaƒuƒuɛ muedi.

Hosea 2:8

Nsu útati ɔnii antabi ku kamu ku ntɛ buni bɔmmɔ ƒui ni, adi etela ani nási-mi kudɔ. Na nwuna sika ugyiedi ku ɔƒualadi ƒui ni, ami néte-nwu na anwu na ɔda uuyé ala taakpa Baal baƒiɔ.

Baga 1 16:31

Ɔ́sia Yerobeam ekpidi ani na ɔ́bla kama na ammɔ lɛti átabɔ-nwu. Mmomu úsie útéti Sidomƒuɔ Ɔga Etbaal ubidi ulekubi ɔni baalɔ banii Isebel ɔ́bla ulekudi, na úse kalɔ ɔɔkpá Baal baƒiɔ na ɔɔbla-ma kabla.

Galatiƒuɔ 4:9

Nsu ɔƒɛni ɔni na bɛgyi Katɔti mɛni iye lɛsu nnii Katɔti ɔgyi-mii mɛni ni, bi ɔsu na bɛ́sɔ bíti lɛlɔ biite ɔyikun ɔmmɔ bene udu? Munuu bɛɛyɔ́ ka ɔda bubo bɔdi bɔsɔ butaadi-mii lɛlɔ?

Yohane 10:14

“Ami ndi baƒonu ɔdane ɔbuni. Na aani kalɛ na Ati ɔgyi-mi na ami lɛnɔ ngyi-nwu ni, lɛni kani na ngyi mina baƒonu, na ama lɛnɔ bagyi-mi. Na lɛ́tuna ka likpi na bana lili.

Baga 1 12:28

Na ka ɔ́wia bekyuli kasusu únu ni, ɔga ɔmmɔ úti sika ugyiedi ɔ́bla bakɔ bebi inyɔ. Na ɔ́su bekyuli bammɔ ɔnini, “Yerusalem busie teesie taatábla akpala ɔdubuduoku-mii lɛlɔ bɔvili. Ɔmmɔ ɔsu ni, O Israel, bɛɛnu bina benwoti bani nákpanku-mii bálɛku Egyipte kalɔ lɛlɔ.”

Luka 13:27

“Nsu anwu ɔdubɔsɔ udie kenye ɔnii, ‘Lɛɛɛgyi-mii! Bɛkpɛ bisie-mii lɛlɔ, amii bekyuli bekpidi.’

Luka 13:25

Uwi ɔdubo ubedu ɔni na Unwoti ɔmmɔ ɔdubɔta na ɔkalɛ kayakun kammɔ. Na amii bani nébu binye keyi bɛdubo kɔnu kayakun buteebo bɛnii, ‘Ati, lɛmi-bu!’ “Nsu Unwoti ɔmmɔ ɔdubudie kenye ɔnii, ‘Lɛɛɛgyi-mii!’

Mateo 25:12

“Na uleku ɔgya ɔmmɔ ɔ́su-ma ɔnini, ‘Kudi kudii! Lɛɛɛgyi-mii.’ ”

Esekiel 18:31

Bini bina alaekpidi lilu lɛni ƒui lɛlɔ na bɛsia na bise kalɔ bitaabla kasusu kabuni na bɛsiaku-mi kama siin! Munuu bɔyɔ geen na bɛɛyɔ́ ka badu-mii na bina ekpidi bɔbla ɔsu?

Baga 1 13:34

Na likpidi lɛmɛni nébo Yerobeam kaduli lɛlɔ na nwuna lɛgadi lɛ́bɔ-nwu. Ɔmɛni ɔsu Katɔti ɔ́yila nwuna udu ɔ́lɛku kayawi kamɛni kemmo.

Yeremia 16:20

baƒiɔ bekpludi bani na bekyuli béti enu bábla.’ ”

Daniel 3:1

Ɔga Nebukadnesar údie lɛdi ɔnii batu sika ugyiedi baƒiɔ lɛtabi lɛdi na nina bɔkuku bɔdi lɛgba bɔka liti ku aavlene na nina bɔbɛbɛ bɔdi lɛgba bɔka yaalenwi. Na ɔ́ya na béti-ni bálɛ kesii kani baalɔ banii Dura Kɔwɛ na mmɔ ude Babilon ɔma unengudi ɔmmɔ kudɔ.

Hosea 8:3

Nsu bina bekisine badubo-mii bɔbɔku ka bíni bunyimi bɔbuni bɔni na ami ku-mii búnyimi ɔsu.

Hosea 13:1

Si bina batɔnkune baatɛmi ni, lɛlɔ lɛɛtɔ́ ukyuli biala ku liƒu na bɛɛbu-ma geen. Nsu bɛ́bla likpidi na ɔni na bísie bɛɛkpá Baal baƒiɔ ɔsu na báyii udu.

Hosea 13:11

Kɔnyi kemmo na líte-ɔ ɔga ɔni na aawia na líti-nwu lɛ́tɔlɔku na livoƒi kemmo.