Hosea 8:14 - Katɔti Ɔku Kedee

¹⁴ Israelƒuɔ, ami nédie-mii, nsu bɛ́yiƒala-mi. Na awɔ ku Yuda ƒui bɛ́tu baga kuliekɔ bonwu bonwu ku lɛma linengudi pii lɛni mbo kɔgyumanakɔ bíte lɛlɔ. Nsu ndubo bɔya na ogya ubo ubakyula lɛma lɛmmɔ ku kɔgyumanakɔ kɔmmɔ ƒui na ubile lɛla biala.”

Hosea 8:14 Referans Kwoze

Lɛkpa Ulu 32:18

Na báyiƒala bana Katɔti ɔni ndi bana Ɔƒɔne Ɔyikune ƒui ɔni náya na belie ngba.

Yeremia 17:27

Nsu si bɛɛgyú ala teeti taasia kɔyakun kɔmɛni taalɛ na Lɛnwunameyi lɛlɔ na bɛɛla ala nina lɛlɔ aani limeyi keeke bamba biala ni, ndubo ogya bɔtu bɔkya kɔyakun kɔmmɔ na lɛkyula ɔma unengudi ɔmmɔ ƒui ku kɔgyumanakɔ kɔmmɔ ƒui.”

Amos 2:5

Anwuɔsu ndubɔya na ogya ubakyula Yuda ɔma na ubile kɔgyumanakɔ kɔni na bátu na Yerusalem.”

Hosea 13:6

Nsu ka bíbeduo kalɔ kabuni kemmo kesii kani na ntu ku adila akya na bɛɛní na bɛɛdi teemo ni, bɛ́yiƒala-mi na bíse kalɔ bɛɛtina lɛlɔ.

Yesaia 17:10

Bɛ́yiƒala bina Katɔti ɔni mɔɔƒɔ́-mii ngba, na bítenyimo bina kagyumanakɔ kpakplaa kani ndi lɛtakpɛ lɛni lɛlɔ na bíkpo kama. Ɔkɛnku ɔmmɔ ɔsu ni, ina ka bɛ́lɛ egyii abuni, na bíye adingyii abuni bɛ́siku kaƒɔ bíbalɛ,

Amos 1:10

Anwuɔsu ndubɔya na ogya ubakyula Tiro ɔma na ubile bana ɔma kɔgyumanakɔ kɔni na bátu.”

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Amos 1:14

Anwuɔsu ndubɔya na ogya ubakyula Raba ɔma na ubile nwuna kɔgyumanakɔ kɔni na ɔ́tu. Na bekisine badubo kudu butaabla na bebekpo-ma aani ɔƒɛƒɛɛ ɔni mɔɔkya ligede.

Amos 1:12

Anwuɔsu ndubɔya na ogya ubakyula Teman ɔma na ubile nwuna kɔgyumanakɔ kɔni na ɔ́tu na Bosra.”

Amos 1:4

Anwuɔsu ndubɔya na ogya ubakyula Ɔga Hasael kesii ku kagyumanakɔ kani na Ɔga Ben-Hadad ɔ́tu.

Hosea 2:13

Na ndubo-nwu kɔtu bɔni na uwi ɔni na úti ɔ́kpa Baal baƒiɔ na ɔ́kyula oloƒui úte-nwu kenye. Na ndubo-nwu kɔtu bɔni na uwi ɔni kemmo na údie-mi atu na ɔ́yiƒala-mi na úye kɔkwɛnimi ku asɛɛ lidu ɔ́kya atu ku limɔ ka ɔɔwia ka nwuna basɔnɔ bataayɔ-nwu ɔsu. Ami Unwoti nébimi kenye lɛ́su, na ndubo bɔbla bɔsiaku lɛni!

Yeremia 23:27

Baasu lɛlɔ ana ani na bégye na baada bekyuli kasusu teedie-mi lɛlɔ kalɛ na beni-mi aani kalɛ kani na bana bati kuuku béni-mi na bésie baakpá Baal baƒiɔ.

Yeremia 3:21

Unwoti ɔnini, “Binu lɛsɛ lɛni nda na abi ammɔ eli! Israelƒuɔ na badi na muuwulo taakpali-mii banii nnu-ma bɔkpali. Báyiƒala-mi na béti ulu ukpidi.

Yeremia 2:32

Uleku utidi uláyiƒala nwuna asɛɛ bɔkya si uwi ɔni na bésela-nwu kawɛɛkɔ. Nsu amii bɛɛyiƒala-mi limeyi ndi limeyi.

Yesaia 43:21

Lɛ́bla-ma na badi mina kadi bekyuli kalɛ na beti ɔbu bete-mi.

Yesaia 42:25

Úti kɔnyi ɔ́kya-ma, anwuɔsu na ɔ́ni-ma kɔtu na kekpo kénwini ogya na ɔɔda na bana kɔlɔ lɛlɔ. Nsu ɔmɛni ƒui útabla-ma lɛla lɛdi na benu-nwu litemi. Na baaadaku-ni ina dɛ na ogya ɔmmɔ ɔ́ka ɔ́mana-ma na uuƒí-ma muedi.

Yesaia 42:13

Unwoti ɔ́nya kalɔ ɔɔví aani ukpone, na uudie lɛdi ku kɔnyi momoomo uwi ɔni na uubó nwuna bekisine teewi kalɔ.”

Yesaia 29:23

Ɔsika si bánu bana bebi pii bani na bebo ku kalɛ na líte-ma kusɛ kusɛ na bákɛ ala pii ni, badubo ami Israel Katɔti kedee butaabu na beteemwi-mi.

Kɔgya 106:21

Na báyiƒala Katɔti ɔni nédie-ma

Ala Alɛdi 2 27:4

Ɔ́tu lɛma lɛwɔdi ɔ́kya Yudaƒuɔ abi ammɔ lɛlɔ na ɔ́tu kɔgyumanakɔ kpakplaa lidu ɔ́kya aku ammɔ kemmo ƒui.

Ala Alɛdi 2 26:10

Na ɔ́tu kɔgyumanakɔ bamba únyene kalɔ kakwiidi kammɔ kemmo. Na ubo bebuo na bemomo-nwu geen na bakya abi ammɔ kaƒɔna ku kalɔ ƒiaa kani nwi mmɔ kemmo lɛnɔ. Ɔmmɔ ɔsu ɔ́ya na bátu abiɔ lɛnɔ na emomo kalɛ na utaaƒɔ ntu teete-ma uwi biala kemmo. Na ka ɔɔyɔ́ kemo busie ɔsu ni, ubo edula ku adingyii lidu mmo geen na abi lɛlɔ kesii kani na kalɔ kammɔ kadia geen ƒui na ɔ́ƒɔ bekyuli ɔ́kya mmɔ na baanu mmo bɔmmɔ lɛlɔ na ɔɔƒɔ-ma kayu.

Baga 1 16:31

Ɔ́sia Yerobeam ekpidi ani na ɔ́bla kama na ammɔ lɛti átabɔ-nwu. Mmomu úsie útéti Sidomƒuɔ Ɔga Etbaal ubidi ulekubi ɔni baalɔ banii Isebel ɔ́bla ulekudi, na úse kalɔ ɔɔkpá Baal baƒiɔ na ɔɔbla-ma kabla.

Baga 1 12:31

Yerobeam ɔ́sɔ ɔ́tu aƒiodu bamba na abi eli na anwu ɔlati údie bakpane ɔ́siku kesii biala na ɔɔyɔ́ ina ka baaadi Lewiƒuɔ.

Baga 2 18:13

Na lɛkwa leevu-linedi kemmo ɔni na Hesekia ɔɔdi lɛga ni, Asiriaƒuɔ Ɔga Sanaherib útékpoku Yuda lɛma linengudi lɛni na bátu awodu bámana ƒui na úƒie-ni ɔ́ƒɔ.

Kɔgya 95:6

Bibo na bɔkya lili kalɔ bɔkpa Unwoti. Na bɔlɛ-nwu akɔnkɔ kalɔ, ɔsika anwu ndi bula Unwoti na anwu nédie-bu.

Yesaia 9:9

Na bekyuli ƒui badubo-ni bɔnu bɔti, Eƒraim ku Samaria kalɔ lɛlɔ bekyuli ƒui. Ama mɔɔkun lɛmɛnɛ na baakɔliku lɛkɔ katɔ taasu banii,

Yesaia 9:10

“Unwoti ɔkɛnku bula bekisine lɛlɔ na ɔ́ya na báƒɛ bula awodu atimbɔ lɛtɔ ƒui béwi kalɔ, nsu bɔdubo lɛni ndia ntulo lɛmmɔ bɔtu ku atabi abwɛdi ani na bánwi kaduɛ. Na báƒɛ ɔtɔ ɔmmɔ ligyii ka liiibo ɔkplu ɔsu, nsu bɔdubɔvumana-ni ku ligyii kpakplaa geen.”

Yeremia 5:17

Bina edula na kadi bekyuli bamɛni badubo bɔdi na bakun bina bebuo. Na adingyii ebi adi elébu na bina adingyii mmo. Na ina ka bɛɛkali bɛnii bɛ́kɛ kakyakɔ na bina awodu kpakplaa ani na bɛ́tu bɛ́mana bina ɔma ɔmmɔ kama ni, badubo-mii lɛma bubo bɔbwɛ na badu bina bebi.”

Esekiel 23:35

“Buse geen na ése éni-mi ƒui kede kede, anwuɔsu na ami lɛnɔ líse kenye ka adubɔkɛ ƒula lɛtuni na ala ani na ábla aani ɔyalɛ na eesé lɛlɔ mmɔ ɔsu.”

Hosea 4:6

Amii bani na bɛdi bakpane bíni-mi, na mina bekyuli baayii udu ka béni mina ɔda bubo ɔsu. “Na ɔƒaani ni, ami lɛnɔ ndubo-mii buni na lɛyiƒala bina bebi ɔsika amii bɛ́yiƒala mina ɔda bubo.