Hosea 8:13 - Katɔti Ɔku Kedee

¹³ Bɛɛdú bina bebuo babuni ƒui taabla akpala na bɛɛdi akpala ammɔ lɛnɔ, nsu ami Unwoti anwu muuní bina akpala ammɔ. Mina anumi adubɔsia bina ekpidi lɛlɔ na lɛni-mii kɔtu na bɛsɔ binwini bisie Egyipte.

Hosea 8:13 Referans Kwoze

Hosea 9:9

Bibo kalala na ɔkɔ ala bɔbla bɔ́ƒɔ-mii lɛlɔ kemmo ƒui aani Gibea ɔma bekyuli. Nsu Unwoti anu asia bina ekpidi ƒui lɛlɔ na ɔdubo-mii kɔtu bɔni.

Hosea 9:6

Na si ina badi bákana ɔgbankpi ɔmmɔ bukeli ni, Egyipte na badubusie batáwɔlɔ, na bava-ma na Memƒis ɔma unengudi kemmo. Na bina sika ɔƒualadi akɛla ƒui adubɔyii akya liyu alakpi akɔ na livo lɛkwɛ lɛƒɔ ekpo ani ƒui na bina nvo búnye ƒui.

Amos 8:7

Unwoti úse kenye ɔkɛnku kalɛ na Israelƒuɔ baabu-nwu kenye ɔnini, “Lɛɛɛdubo ala ani udu na bábla mɛni bɔyiƒala.

Amos 5:22

Na lɛɛɛdubo bina etela ku bebuo bani na bɛɛkyula teete-mi bɔƒɔ ina dɛ na bɛ́klibi-nya na adi akpala enengudi ƒui ani na bɛɛnu ka adia. Bina lɛsɛ likpludi lɛmmɔ lɛ́wɔ ɔƒaamu.

Hosea 11:5

“Béni ka bani bede-mi, anwuɔsu ɔlɛka basɔ benwini besie Egyipte kalɔ lɛlɔ, na Asiria ɔdubɔdi-ma lɛlɔ.

Hosea 5:6

Na badubuti bana bebuo lidu lidu bada na babawia ami bana Katɔti ulu, nsu balanu-mi, ɔsika línwini kama lɛ́kya-ma.

Yeremia 14:10

“Mina bekyuli, bɛɛyɔ́ ka bitaagyú lɛgba taatɔlɔ-mi kudɔ uwi ndi uwi na bilakya ɔkplu ka bɛni bide-mi. Anwuɔsu ɔƒɛni ni, ami lɛnɔ ndubo-mii atu budie. Na lɛni-mii kɔtu na bina ekpidi ani na bɛ́bla ɔsu. Ami Unwoti násu.”

Yesaia 1:11

Unwoti ɔnini, “Bina akpala pii ani na biiboku-mi alaƒɔ-mi anu. Límo-nya na aaba-mi ɔkwɛ! Bi mɔɔka-nya? Na bina baƒonu ku bebuo bamba ƒui lɛmwi ni, naaawia-ni naaanu. Bina ɔmantɛ bakɔ ku baƒonu ku bese bammɔ ubugya uusé-mi lɛlɔ na naaawia-nwu naaanu.

Lɛkpa Ulu 28:68

Na bina Unwoti ɔdubuti lɛkɔlɔ libendi libendi na uti-mii ɔkya-ni kemmo na unwini-mii usienku Egyipte kalɔ kesii kani na ɔ́su ka bɛsɔ bilésie kudii. Na si bíduo mmɔ ni, bɛdubuti lɛlɔ biye bite Egyipte kalɔƒuɔ bammɔ na bitaabla kabla teete-ma. Nsu ukyuli biala uláyɔ ka uye-mii.

Budie Taatina 16:19

Na ɔma unengudi ɔmmɔ ɔ́bwɛ úle akpa atɛ, na lɛma linengudi lɛkladi lɛni nkya kayawi ekpo ƒui lɛ́bwɛ ƒui. Mmɔ ni, Katɔti únyimo Babilon ɔma unengudi ɔmmɔ ekpidi na ɔ́ya na ɔ́ni nwuna kɔnyi lɛbibo ɔɔƒɛɛ ɔmmɔ ƒui.

Korintoƒuɔ 1 11:29

Ɔsika si útanu lɛla lɛni na Blɔti ɔlɔna ɔmɛni ɔdanku útati uwi ɔni na ɔɔdi bodobodo ɔmmɔ iye ɔɔní na ɔɔƒɛɛ ɔmmɔ kemmo ni, ɔɔdi na ɔɔní na uuti litemi bɔtɛ teewi lɛlɔ.

Korintoƒuɔ 1 11:20

Na si bɛ́sala aani lɛkpa ni, ɔɔɔdi Blɔti adila kedee na bíbo bibadi.

Hosea 12:11

Alaekpidi ani na baabla na Gilgal ábɔ ágya na badubo babayii udu na kawɔlɔkɔ. Baadú ɔmantɛ bakɔ taakpa na bana akpabi ani na béti atabi bátu mmɔ lɛlɔ. Nsu badubo atabi ammɔ ƒui bugyingya bɔ́kya alakpi akɔ na kalɔ kammɔ kemmo.

Hosea 7:16

“Béni banii belenwini belebo-mi kudɔ na basia Baal baƒiɔ anu bani neeebo ɔyikun ɔdi. Anwuɔsu na bese aani kataminta kani naaadia, na bana batɔnkune ƒui badubo kuwii kenye bɔtɛ na ukyuli tabu ku enyekpi ani na baatɛmi ɔsu. Na Egyipteƒuɔ badubo-ma buti bunwini lɛmala.”

Hosea 7:2

Na bana ɔdi ulakali taanu ɔnii mɔɔnu kalɛ na bana ekpidi áka ámana-ma aani kalɛ na beenyimi lɛla lɛdi, nsu mɔɔnu ɔmɛni ƒui.

Hosea 4:9

Na lɛlakpa linwi ndubɔlɛku bakpane ku bekyuli bammɔ ƒui, ɔsika ndubɔni bana ƒui kɔtu na bana ablala ɔsu, na lɛƒɔ-ma kayu kani námanku ala ani na bábla kenye.

Agba 21:27

Unwoti ukisi ukyuli ukpidi akpala. Na ɔni nsɔ ntulo ƒui ndi ka ute-nya ku kasusu kekpidi ka ɔkɛ nwuna lɛla lɛdi ɔsu.

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.

Israelƒuɔ Bɔlɛ 32:34

Nsu ɔƒaani ni, teesie na atákpanku bekyuli bammɔ esienku kesii kani lɛ́su-ɔ líse. Na enyimo ka mina ɔtu ɔdubo-ɔ bɔgyumana. Nsu uwi ɔdi ɔdubo ɔni na ndubo bekyuli bamɛni kɔtu bɔni ɔkɛnku likpidi lɛni bábla ɔsu.”

Israelƒuɔ Bɔlɛ 20:3

Bitese benwoti badi bitebunku-mi lɛlɔ.

Luka 12:2

Ala ani ƒui na bekyuli bábla bábɛ ni, adubo bɔda bɔlɛ keyi nwaa.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Esekiel 29:16

Mina kadi bekyuli Israelƒuɔ basɔ baaadubo-mii anu bɔsia na beti lɛlɔ bekpo-mii lɛlɔ. Na geen si banii Israelƒuɔ bammɔ benyimo lɛla lɛni nábla amii Egyipteƒuɔ ni, nka ama alati badubo bɔnu bɔti bɔƒiɔ bɔni na báaƒiɔ si bénwini bébo-mii kudɔ banii baawia kebunku kadi basiku-mii kudɔ. Na Israelƒuɔ badubo bɔnu bɔti ka ami Unwoti Katɔti nábla ala amɛni.’ ”

Hosea 7:11

“Israelƒuɔ báta bénwini aani bakpaƒɛɛlɛ bani nkɛ esu esu beeveyi teesie taasɔ, na Egyipteƒuɔ ku Asiriaƒuɔ ntɛ baawia kabɛkɔ.

Hosea 9:7

Israelƒuɔ, bina kɔtu bɔni uwi údu ka bɛƒɔ ala ani ƒui na bɛ́bla kayu na amii alati bɛdubɔnu bɔti. Amii mɔɔsu bɛnii, “Katɔti kenye bediene bádɔlɔ na nwuna batu beekpi libuo.” Na bina ekpidi pii ani na bɛɛbla áya na bíti-mi bukisi geen.

Hosea 6:6

Kɔnyana bɔnu na mɔɔwia, na ɔɔɔdi bebuo buti taakpa. Na bekyuli banu-mi bati utulo bebuo buti taakpa.

Amos 3:2

Amii kani na lɛ́ƒuna na kayawi kadi bekyuli ƒui akɔ, anwuɔsu na ndubo-mii kɔtu bɔni na bina alaekpidi ɔsu.”