Hosea 7:7 - Katɔti Ɔku Kedee

⁷ Kɔnyi kɔmmɔ kɔ́ya na báƒɔ ogya bakɛ aani ogya ku lɛyu na bádu bana batɔnkune ƒui unwi unwi. Na bana ɔdi útabla kasusu ɔnii ɔɔkpali-mi uvele kebunku kadi.

Hosea 7:7 Referans Kwoze

Baga 2 15:30

Na lɛkwa aavlanyɔdi lɛlɔ na Yudaƒuɔ Ɔga Usia ubidi Yotam lɛga bɔdi uwi ni, Ela ubidi Hosea ɔ́bla kasusu kekpidi na Ɔga Peka lɛlɔ na ɔ́du-nwu na úti-nwu keliekɔ aani ɔga kalɛ.

Baga 2 15:25

Na Pekahia bekpone benengu akɔ unwi ɔni ndi Remalia ubidi Peka ɔ́sa lili likpidi ku nwuna bekpone liti bani nási Gilead, na anwu ku Argob ku Arie nátádu Pekahia na Samariaƒuɔ ɔga kaduli kagyumanakɔ kpakplaa kammɔ kemmo. Na Peka úti-nwu keliekɔ aani ɔga kalɛ.

Baga 2 15:14

Na Gadi ubidi Menahem nási Tirsa úsie Samaria útádu Salum. Na úti-nwu keliekɔ aani ɔga kalɛ.

Baga 2 15:10

Na Yabes ubidi Salum úti kasusu kekpidi na únyimi na Sakaria lɛlɔ, na úténye ɔ́siaku-nwu na bekyuli anumi. Na ɔ́du-nwu na úti-nwu keliekɔ aani ɔga kalɛ.

Hosea 8:4

Bɛ́ƒuna baga ku batɔnkune bíte lɛlɔ, na bíteye-mi kasusu. Na bíti sika ugyiedi ku ɔƒualadi bɛ́bla baƒiɔ bíte lɛlɔ, na ama nákpanku-mii bátákya bɔkywi kemmo.

Hosea 7:10

Israelƒuɔ lɛlɔ katɔ bɔkɔliku muudie-ma teete, na balatuna banii beenwíni bebo ami bana Unwoti Katɔti kudɔ iye bawia-mi kama ulu na lɛƒɔ-ma.

Yesaia 64:7

Ukyuli ndi ukyuli ɔsɔ ulákpali-ɔ lɛnyi iye unye kpakplaa ute-ɔ, ɔsika ábɛla-bu ƒula anumi. Na bubie kani náƒɔ-bu keliela ƒui na bɔɔyii udu na bula alaekpidi ammɔ ɔsu.

Yesaia 43:22

“Ami Unwoti lɛ́su amii Israelƒuɔ nnii bíitu lɛlɔ geen, nsu ɔɔɔdi ami na bɛɛkpali.

Yesaia 9:13

Nsu bekyuli bamɛni belenu kalɔ ka benwini bebo ukyuli ɔni mɔɔní-ma kɔtu kudɔ, bana Unwoti Ɔyikune Ƒui kudɔ.

Hiob 36:13

“Bekyuli bani na baaagyi Katɔti ni, beeti kɔnyi kukpidi taavili. Na baaagyi kalɛ na bevele Katɔti na ubunku-ma si uwi ɔni na ɔɔní-ma kɔtu.

Hosea 7:14

Belewulo taakpali-mi geen taasiku bana kayi kemmo, mmomu bebi bana kɔtɛnkɔ beewulo kɔnyana, na baabla lɛlɔ ulikplu ala ani na basiaku ala bamba baabla na basia anu ka ɔmmɔ ɔdubɔya na bakɛ kebunku na wete-ma kusɛ kusɛ na bakɛ edula pii ani na baawia.

Hosea 5:15

Na ndubɔsɔ linwini ntélie mina keliekɔ wetédu uwi ɔni na ama alati báƒɔ enu ka bábla ekpidi na benwini babawia-mi kama ulu. Na ɔkɛnku bana lɛbibo ɔsu ni, badubunwini kayi na basiaku-mi kpakplaa.”

Daniel 9:13

Na bula ɔdi útakana na ɔlɛ ewida ala ani na Mose únweni úse mmɔ ɔdi kemmo. Nsu búni na bulévele-ɔ ka anu-bu kɔnyana na bunwini kama bɔkya bula ekpidi bɔbla, ɔsika awɔ aadi ƒula etemila lɛlɔ siin na alalɛ-nya kama kudii.

Esekiel 22:30

“Lɛ́sia anu nnii makɛ ukyuli ɔni medie ɔma unengudi ɔmɛni na ɔgyumana-nwu kalɛ na naaakyula-nwu na mina kɔnyi ɔsu. Nsu ńtakɛ ukyuli ɔdi.

Baga 2 10:14

Amu na Yehu ɔ́su nwuna bekyuli ɔnini, “Biƒie-ma enu ku enu.” Anwuɔsu béƒie-ma na bákpanku-ma bésienku Bet-Eked libiɔ kɔtu na bátádu bana nkyuli aavlene-inyɔ na mmɔ ɔni na útaya na ɔdi ubu.

Baga 2 10:7

Uwi ɔni na Yehu kakunkɛ kébeduo Samaria ɔma batɔnkune bammɔ kudɔ ni, batɔnkune bammɔ bádu bagabi liti ku aavlanyɔ bammɔ ƒui. Na béti-ma eli bákya kɔgyigyɛ kemmo bésienku Yehu na Yesreel.

Baga 2 9:33

Na Yehu ɔ́su bekyuli bammɔ ɔnini, “Biƒwimi-nwu bɛlɛku ɔtɔ liƒi kalɛmikɔ mmɔ.” Amu na ama lɛnɔ béƒwimi-nwu báva kalɔ. Na nwuna ubugya úwi lɛwoduku lɛlɔ ku bapɔnkɔ bammɔ lɛlɔ na kalɛ na bánya-nwu bávi ɔsu.

Baga 2 9:24

Mmɔ na Yehu ɔ́tu nwuna kataminta úmene na kátálɛ Yoram lɛmangba kama. Na kataminta kammɔ kaƒuala-nwu na útáda-nwu utu na ɔ́lɛ úbo ɔ́siku nwuna ɔpɔnkɔ kɛɛkɛ lɛlɔ úbayu kalɔ.

Baga 1 16:18

Uwi ɔni na Simri ɔ́nu ka báka ɔma unengudi ɔmmɔ bákya ni, úkeli úsie ɔga kaduli na útéduo ɔtɔ kagyumanakɔ kpakplaa kammɔ kemmo na ɔ́tu ogya ɔ́mana lɛlɔ. Na ɔ́du lɛlɔ ɔ́kya ogya ɔmmɔ kemmo.

Baga 1 16:22

Na kawɔlɔkɔ ƒui ni, bekyuli bani nnye Omri kama nádi lɛlɔ.

Baga 1 15:28

Na Basa ɔ́du Nadab na Asa lɛga bɔdi lɛkwa lɛtɛdi kemmo. Anwuɔsu Basa úti Nadab keliekɔ aani Israelƒuɔ ɔga kalɛ.

Hosea 13:10

Aasu anii ɔga ku lɛlɔ badine na aawia ɔƒaani ka lise lite-ɔ. Ama nɔɔ? Lɛma lɛmani kemmo na bakya na bebebunku-ɔ?

Mika 2:1

Bɔbuɛ muute amii bani na likpidi kɔkwɛ kani na bɛɛkya na bɛɛtɛ bina atɛla lɛlɔ teeti likpidi kasusu uwi biala. Na si kadi kégye na bɛɛnu ka bɛ́bla lɛla lɛmmɔ, ɔsika bɛɛnu ka bibo ɔyikun.

Kɔgya 14:4

Amii alaekpidi bablane bamɛni, bíni bɛnii bɛɛɛdubo lɛla lɛdi bɔtɛya! Bi ɔsu na bɛ́yila mina bekyuli udu aani kalɛ na baadi adila, na bíni bɛnii bilakpali Unwoti lɛnyi?

Yesaia 64:4

Na ɔ́si bati kuuku uwi ƒui ni, ukyuli biala útenu ku nwuna kɔtu iye ɔnu ku nwuna lɛnumi ka Unwoti bamba ɔdi ɔkya aani ƒula kalɛ na uukpó teete bekyuli bani na béti bana anu ƒui básia-nwu lɛlɔ lɛni.

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.