Hosea 7:2 - Katɔti Ɔku Kedee

² Na bana ɔdi ulakali taanu ɔnii mɔɔnu kalɛ na bana ekpidi áka ámana-ma aani kalɛ na beenyimi lɛla lɛdi, nsu mɔɔnu ɔmɛni ƒui.

Hosea 7:2 Referans Kwoze

Luka 12:2

Ala ani ƒui na bekyuli bábla bábɛ ni, adubo bɔda bɔlɛ keyi nwaa.

Kɔgya 90:8

Na bula alaekpidi ku ala ani na bɔ́bla bɔ́bɛ ƒui ni, agyi-nya kede kede.

Amos 8:7

Unwoti úse kenye ɔkɛnku kalɛ na Israelƒuɔ baabu-nwu kenye ɔnini, “Lɛɛɛdubo ala ani udu na bábla mɛni bɔyiƒala.

Yeremia 14:10

“Mina bekyuli, bɛɛyɔ́ ka bitaagyú lɛgba taatɔlɔ-mi kudɔ uwi ndi uwi na bilakya ɔkplu ka bɛni bide-mi. Anwuɔsu ɔƒɛni ni, ami lɛnɔ ndubo-mii atu budie. Na lɛni-mii kɔtu na bina ekpidi ani na bɛ́bla ɔsu. Ami Unwoti násu.”

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Hosea 9:9

Bibo kalala na ɔkɔ ala bɔbla bɔ́ƒɔ-mii lɛlɔ kemmo ƒui aani Gibea ɔma bekyuli. Nsu Unwoti anu asia bina ekpidi ƒui lɛlɔ na ɔdubo-mii kɔtu bɔni.

Yeremia 32:19

Aata ala ani na aayɔ́ abla kɔkwɛ teese ɔkɛnku ƒula lɛnunda bonwu lɛlɔ. Na lɛla bula lɛla biala lɛni na bɔɔbla lɛdi lítabɛ-ɔ.

Yeremia 16:17

Mɔɔkana taanu lɛla biala lɛni na bɛɛbla ina dɛ na bɛnii bɛɛbɛla-mi bina ekpidi ani na bɛɛbla.

Yeremia 4:18

“Na amii Yudaƒuɔ ni, bɛdubo ɔlɛ bunu geen na kayi kataakpulu-mii, nsu amii alati na ɔ́si ɔsu na badubo-mii kɔtu bɔni lɛni.”

Yesaia 5:12

Biiti lɛnu lɛni mɔɔdia bunu ku ntɛ bɔbuni teesienku bina emeyi kadikɔ ku lɛbentaa ku ese ku atoloyii ku kɔkpɛɛ lidu lidu. Nsu bina kasusu kadi biala kelesie Unwoti ku nwuna ablala lɛlɔ.

Kɔgya 25:7

Na takali tánu mina lɛkloƒu uwi ekpidi ani na lɛ́bla. Mmomu kali nu ƒula lɛƒɔndia ku bɔyɔ bɔni na átina-mi.

Kɔgya 9:16

Unwoti, bekyuli ƒui bagyi-ɔ ka aabla ala ulu geen ɔmmɔ lɛlɔ. Nsu balalane ni, bana ablala eenwíni kakpagyuɛ teedie-ma.

Hosea 8:13

Bɛɛdú bina bebuo babuni ƒui taabla akpala na bɛɛdi akpala ammɔ lɛnɔ, nsu ami Unwoti anwu muuní bina akpala ammɔ. Mina anumi adubɔsia bina ekpidi lɛlɔ na lɛni-mii kɔtu na bɛsɔ binwini bisie Egyipte.

Yesaia 1:3

Ɔmantɛ akɔ ɔgyani ɔgyi nwuna ɔtɔlati. Na ebuo ala utine ɔgyi kalɛkɛ kani kemmo na nwuna ɔtɔlati uuwi-nwu adila. Nsu mina kadi bekyuli Israelƒuɔ ni, ama beeese lɛni. Na belenu tɔ lɛla lɛdi kalɔ úti úbedu ɔƒɛni.”

Kɔgya 50:22

Bɛkali ala amɛni lɛlɔ bɛnu kaduɛ amii bani náyiƒala-mi. Si ɔɔɔdi lɛni ni, ndubo-mii udu bɔyila ɔni na ɔdi ulakana-mii bɔƒɔ.

Hiob 34:21

“Ɔsika ɔɔnu bekyuli ƒui ablala na lɛla lɛdi lítabɛ-nwu.

Lɛkpa Ulu 32:29

Ɔsika bátawia-nwu kemmo na banu lɛla lɛni ɔsu na bádi-ma lɛlɔ. Na belenu kalɔ lɛla lɛni ɔsu na ɔ́lɛ lɛni.

Bumomo Bɔka 32:23

“Nsu si bɛ́nyi ɔkɔ na bítesie bítetékpo bɔdi ni, na bɛnu bɛti ka bɛ́bla likpidi na lɛdubo-mii budie bute.

Yesaia 44:19

Beeebo kasusu kani na bati beye lɛlɔ banini, “Ligyiiku lɛmɛni kakɛ kani na líti lɛ́kya ogya líƒulo adila ku lɛna na kakɛ kakladi na líti lɛ́nwi lɛla lɛni neeebo kalɔ na lɛɛɛdi lɛla lɛdi mɛni. Bi ɔsu na ɔlɛka ntaabu ligyiiku?”

Yesaia 26:16

Unwoti, uwi ɔni na lɛbibo lɛ́siaku-bu na bɔ́ɔnɔ na bula lɛtuni kemmo ni, bɔ́wia-a kama ulu.

Yeremia 17:1

Unwoti ɔnini, “Ukyuli ɔdi ulakana amii Yuda kadi bekyuli bina ekpidi ani na bɛ́bla bunine budie. Bénweni-nya básia bina kɔyi lɛlɔ aani kalɛ na beebeyi lɛtabi teenweni lɛla lɛdi taasia-ni lɛlɔ iye ala ani na bɛɛnwí taasia bebuo ese ani nlɛ bina akpabi lɛlɔ na akpabi ammɔ ekpo ammɔ.

Yeremia 44:21

“Bilakali ka Unwoti ɔ́ti ka lɛni na amii ku bina bati kuuku ku bina batɔnkune ku baga ku bekyuli bakladi ƒui bítaakyula oloƒui teete baƒiɔ bamba na Yerusalem ku Yuda kesii biala?

Hosea 4:9

Na lɛlakpa linwi ndubɔlɛku bakpane ku bekyuli bammɔ ƒui, ɔsika ndubɔni bana ƒui kɔtu na bana ablala ɔsu, na lɛƒɔ-ma kayu kani námanku ala ani na bábla kenye.

Hosea 9:15

Unwoti ɔnini, “Bana ulikplu ala ani na bábla na Gilgal na lɛ́nu ɔsu muukisi-ma geen. Na bana alaekpidi ɔsu ndubo-ma bɔbɔku budie mina kaduli na nsɔ lɛɛɛdubo-ma bɔyɔ, ɔsika bana batɔnkune bálɛ-mi kama.

Hosea 12:2

Unwoti údie Yudaƒuɔ bani ndi Yakob kaba bebi bɔƒiɔ. Na ɔdubo-ma kɔtu bɔni na bana ala bɔbla ɔsu.

Yona 1:2

“Ta na esie ɔma unengudi ɔni baalɔ banii Niniwe, na atákɔ lɛsa ete-ma ka ami Unwoti mɔɔnu kalɛ na ɔma ɔmmɔ bekyuli baabla likyulikpi ala.”

Kɔgya 10:11

Ukyuli ukpidi ɔɔsu lɛlɔ ɔnini, “Unwoti ɔɔɔdaku-ni. Úbile nwuna anumi ɔ́kya-mi ɔsu ulanu-mi.”

Esekiel 21:29

Amonƒuɔ balalane, ɔkɔ kɔyu kemmo ala na bɛɛnu na ɔkɔ kenye na bɛɛƒɔ́ taadi. Nsu bina kɔtu bɔni limeyi líide suɛlɛ suɛlɛ na mina kewii kadubo-mii bɔdu ƒui!

Hosea 6:2

Ɔdubo bɔya na bɔsɔ bɔta na abu ku-nwu bɔsɔ bulie bɔsala na emeyi anyɔ ku atɛ kama.