Hosea 6:4 - Katɔti Ɔku Kedee

⁴ Unwoti ɔnini, “Amii Israelƒuɔ ku Yudaƒuɔ, bi na bɛnii mblaku-mii? Bina bɔyɔ bɔni na bibo bite-mi ni, buse kani buse aani ulɔyɔ iye ɔtanta amii ani mɔɔyii taakya si ɔƒɛ ɔ́tu na kadi kaata.

Hosea 6:4 Referans Kwoze

Hosea 13:3

Ɔmmɔ ɔsu na bɛdubo udu bɔyii ƒui kede kede aani kalɛ na ulɔyɔ ɔɔyii taakya, na amii aakwii na ala lɛlɔ, na ɔƒɛƒɛɛ uuti aƒaƒaa na kemo taatɔlɔku, na uyɔ lɛnɔ ɔɔyii taakya na asi kemmo.

Hosea 11:8

“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu.

Mateo 13:21

Nsu ka litemi lɛmmɔ lítaƒɔ-ma lɛlɔ kemmo ɔsu ni, lilélie-ma kemmo teetu uwi ɔdi. Anwuɔsu si lɛbibo iye bukpoku bɔdi búbo-ma lɛlɔ na litemi lɛmmɔ ɔsu ni, enu aaƒɛ-ma kɔnakunwi.

Yeremia 34:15

Nsu amii bɛ́lɛ ugyii ka bɛdubunu-mi litemi na bɛbla lɛla lɛni na lɛ́manku bite bina banwani bammɔ na bite-ma bɔnwuna ƒui kede kede. Na ɔɔɔdi kesii bamba kadi na bínye bɛ́su ɔmɛni mmomu mina kakpakɔ kemmo geen na bíduo bísie bítálɛ ɔmɛni ugyii na mina lɛnyi lɛlɔ. Nsu bítabu-mi lɛnyi munu munu mmomu bíbile bunyimi bɔmmɔ na bɛ́sɔ bísie bítenye bina kabla bablane bammɔ lɛlɔ na básɔ bénwini bébo baabla-mii kabla.

Yeremia 9:7

“Anwuɔsu ndubo mina bekyuli kɔnyi bukpo na lɛƒɔ-ku lɛbla sɛɛn aani kalɛ na baakya sika ugyiedi ogya kemmo taaƒɔ-nwu na ɔɔbla sɛɛn. Nsɔ liiibo ulu bamba ɔdi lɛlɔ na ndubo bɔsia.

Yeremia 5:23

Amii batuɔkplune bɛ́ta bínye-mi lɛlɔ na bínwini kama bɛ́kya-mi.

Yeremia 5:9

Bi ɔsu na útalɛka lɛni Yuda kadi bekyuli kɔtu?

Yeremia 5:7

Unwoti ɔnini, “Amii Yudaƒuɔ, dɛ na ndubɔkana na liti bina kɔtu bɔni lɛkyie-mii? Líte-mii lɛla biala na bɛɛwia, nsu bíni-mi na bísie bɛɛkpá baƒiɔ. Amii banana bɛ́lɛ bina beleku kama na bísie bɛsiaku bayalɛ.

Yeremia 3:19

“Ami ɔlati násu nnini, ‘Lɛ́yɔ ka lɛbla-mii mina bebi na lite-mii kalɔ kabunidikɔ ƒui kani mɔɔdia bɔnu teetulo na kalɔ kammɔ ƒui lɛlɔ.’ Na lɛ́yɔ ka bɛnu-mi bɛti na bɛlɔ-mii bɛnii Ati, na bɛsɔ bilatɔlɔ-mi kudɔ.

Yeremia 3:10

Na ɔni násɔ úbie útulo ƒui ndi ɔni na Yuda ɔ́nyi ɔkɔ ɔ́bla lɛlɔ aani si bunwini na ɔ́sɔ únwini úbo-mi kudɔ.

Hosea 7:1

“Na uwi biala na nnii mɔɔbwi mina kadi bekyuli Israelƒuɔ lɛsiku bana lɛlɛ lɛni na beeƒi kudɔ ni, kalala ku ɔkɔ bɔnyi ku ekpidi lidu bamba kani na mɔɔnu. Na beyune baabwɛ teeduo bekyuli kɔduli na bakɛ lilu lɛlɔ ƒui baaví.

Litemi Batɛne 3:12

Amu na Israelƒuɔ básɔ bábla likpidi na Unwoti anumi. Na ɔ́si likpidi lɛni bábla mɛni ɔsu ni, Unwoti ɔ́ya na Moab ɔga ɔni baalɔ banii Eglon ɔ́kɛ ɔyikun na Israelƒuɔ lɛlɔ.