Hosea 6:10 - Katɔti Ɔku Kedee

¹⁰ “Lɛ́nu lɛla likpidi lɛdi geen na Israel kalɔ lɛlɔ ka bɛ́lɛ-mi kama bɛsiaku ala bamba bɛɛkpá-nya na biisé lɛlɔ. Anwuɔsu na bítamanku ka bɛkpa-mi.

Hosea 6:10 Referans Kwoze

Hosea 5:3

Ngyi Eƒraim kaba bekyuli bani ndi Israelƒuɔ ablala ƒui kede kede, na ɔdi útabɛ-mi. Ɔƒaani bénwini basɔnɔdine na baabla lɛyalɛ ala, na bébile lɛlɔ, na beesé lɛlɔ lɛnɔ.

Yeremia 23:14

Na amii kenye bediene bani nkya Yerusalem ɔdi ɔsɔ utulo bana ɔdi ƒui. Bɛɛlɛ́-mi kama taatásiaku ala bamba kama na bilásu litemi geen lɛdi. Na bɛɛtɔnku bekyuli bamba muedi na baabla likpidi na uwi ɔni na nka bibunku-ma na benwini na bana ekpidi kama na bebo-mi kudɔ. Amii ku Yerusalemƒuɔ ƒui bɛdi bekyuli bekpidi aani Sodom ku Gomora kadi bekyuli.

Hosea 4:17

Eƒraim kaba kemmo bekyuli bamɛni béti lɛlɔ bátámana lɛƒiɔkpa, anwuɔsu bɛnyonu bana keyi bite-ma!

Hosea 4:11

“Ntɛ bɔnani ku bɔwɔdi bɔ́ya na mina bekyuli kasusu kékpi-ma na basɔ belenu lɛla lɛdi kalɔ!

Esekiel 23:5

“Na ina ka Ohola ɔdi mina uleku muedi ni, ɔmu ɔkya ɔɔdi kɔsɔnɔ taabla nwuna lɛyalɛ ala. Na ɔkɛ ɔsiaku nwuna Asiriaƒuɔ basɔnɔ kama.

Yeremia 18:13

“Anwuɔsu na ami Unwoti lídie-mii lɛdi nnii biye kadi bekyuli bammɔ ƒui binu si badi báabla likpidi bonwu lɛni udu na bɛ́bla mɛni na bínu dii.

Yeremia 3:6

Uwi ɔni na Yosaia ɔdi ɔga ni, Unwoti ɔ́su ɔnini, “Yeremia, Israel lɛga kadikɔ ƒui káta kénye-mi lɛlɔ aani uleku utidi ɔni nálɛ ɔgyani kama na únwini ɔyalɛ na ɔkɛ abi ƒui eli ku egyii enengudi ɔyuli kalɔ ɔɔtɛ taavi.

Baga 2 17:7

Ala amɛni ƒui álɛku Israelƒuɔ na likpidi lɛni na bábla báƒiɔ bana Unwoti Katɔti ɔni nékpo ɔ́ƒɔ-ma ɔ́lɛku Egyipteƒuɔ kalɔ lɛlɔ ku bana Ɔga Ƒarao enu kemmo ɔsu. Bákya bátaakpa baƒiɔ lidu bamba,

Baga 1 15:30

Na ɔmɛni úbo úte lɛni, ɔsika Yerobeam ɔ́kya Unwoti ɔni ndi Israelƒuɔ Katɔti kɔnyi ɔ́kɛnku likpidi lɛni na ɔ́bla ku lɛla lɛni na ɔ́ya na Israelƒuɔ lɛnɔ bábla ɔsu.

Baga 1 12:8

Nsu Rehabeam úni benengu bammɔ bɔlɛ bɔmmɔ. Na únwini úsie bekyuli bani ndi nwuna ligyekpa na baabla-nwu kabla kudɔ mmomu útéye-ma bana kasusu.

Esekiel 23:7

Ɔ́tɛ bekpone bani náƒɔ lɛnyi mmɔ ƒui kudɔ na ɔsia ɔɔkpá bana baƒiɔ bani muusé lɛlɔ mmɔ lɛnɔ.

Hosea 4:12

Na bakɛ beebó like na egyiiku kudɔ ka bati lɛla lɛni na babla! Na egyiiku ammɔ lɛnɔ aasu-ma lɛla lɛni na baawia bati! Bányonu-mi aani uleku ɔni nányonu ɔnana na únwini ɔyalɛ, na bakɛ basiaku ala bamba kama.