Hosea 5:5 - Katɔti Ɔku Kedee

⁵ Israel kadi bekyuli lɛlɔ katɔ bɔkɔliku muudie bana ekpidi keyi. Anwuɔsu na ama bani ndi Eƒraim kaba kemmo bebi mmɔ badubo bubuli, na Yuda kadi bekyuli lɛnɔ bebunku-ma, na bana ƒui badubo bubuli.

Hosea 5:5 Referans Kwoze

Hosea 7:10

Israelƒuɔ lɛlɔ katɔ bɔkɔliku muudie-ma teete, na balatuna banii beenwíni bebo ami bana Unwoti Katɔti kudɔ iye bawia-mi kama ulu na lɛƒɔ-ma.

Amos 5:2

“Awɔ ɔni nse aani adagyaa ni, ébuli, na asɔ aaadubo bɔkana bɔta bunye ligeen kudii. Aanu-ɔ ntɛ enukplu ɔni na asɔ eeebo lɛla lɛdi bɔbla, na eeebo ukyuli ɔni mebunku-ɔ lɛnɔ.”

Luka 19:22

“Mmɔ na Unwoti ɔmmɔ ɔ́su-nwu ɔnini, ‘Kabla ɔblane ukpidi na adi! Awɔ ɔlati ƒula kenye etemila na ndubuti lɛdu-ɔ kɔtɔ! Agyi ka udu ubo-mi ɔkplu. Na muuti lɛla lɛni naaadi ami lɛdi teenwini ami lɛdi. Na mɔɔƒɛ edula ani na ńtakya.

Mateo 23:31

Nsu bina ala ani bɛɛbla mɔɔtina geen ka bekyuli bani nádu Katɔti kenye bediene bammɔ kaba bebi na bɛdi.

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Hosea 8:14

Israelƒuɔ, ami nédie-mii, nsu bɛ́yiƒala-mi. Na awɔ ku Yuda ƒui bɛ́tu baga kuliekɔ bonwu bonwu ku lɛma linengudi pii lɛni mbo kɔgyumanakɔ bíte lɛlɔ. Nsu ndubo bɔya na ogya ubo ubakyula lɛma lɛmmɔ ku kɔgyumanakɔ kɔmmɔ ƒui na ubile lɛla biala.”

Hosea 5:14

Anwuɔsu ndubo-ma lɛlɔ aani gyata ɔni na anumi égyie-nwu geen ku kɔnyi na lɛduli-ma ligyingya kɔkɛ kɔkɛ lɛtɔlɔku. Na ɔdi uuubo na ɔkana-mi lɛla lɛdi buye iye utile-mi kuƒi.

Hosea 4:5

Na amii ku kenye bediene bammɔ ƒui bɛdubo butaabla gyuma gyuma usien ku ɔƒɛ. Na ndubo bina beni udu bɔyila.

Yeremia 14:7

Ɔdi litemi geen ka bula alaekpidi bonwu ani bɔɔbla adubɔkana na aya na ani-bu kɔtu. Nsu si édie-bu ni, Unwoti, ukyuli biala ɔdubo bɔnu kalɛ na ébo.

Yesaia 59:12

O Unwoti Katɔti, bɔ́ɔƒiɔ-ɔ kɔlɛ kɔlɛ, na bɔ́ta búnye-ɔ lɛlɔ. Na bula ekpidi aadú-bu kɔtɔ ka bɔ́bla likpidi!

Yesaia 44:9

Bekyuli bani ƒui mɔɔnwí ala na baavɔ́ ala teete lɛlɔ aani baƒiɔ, baaadi bekyuli badi ama alati, na ala ani na bánwi mmɔ na béti anu básia-nya lɛlɔ lɛnɔ aaadi lɛla lɛdi. Baƒiɔ bakpane ƒui badi banumbwɛne bani naaagyi lɛla lɛdi. Na bana lɛla tati bɔmmɔ ndubo bɔya na anumi ewi-ma kalɔ geen.

Yesaia 3:9

Na bana anumi lɛlɔ muedi adubɔnu bana bɔƒiɔ ati. Na anumi ku anumi na baabla ekpidi ammɔ, aani Sodom kadi bekyuli kalɛ na balábɛla-nya muedi. Bɔbuɛ ute-ma! Ama alati néti bana ɔgbankpi kɔtu bɔni béboku lɛlɔ.

Agba 30:13

Baakɔliku lɛlɔ katɔ teetuloku lɛlɔ na baanu lɛla biala tapii.

Agba 24:16

Ɔsika si ina bébuli maatɛ muedi badubɔsɔ bata. Nsu si ɔgbankpi ɔ́siaku bekyuli bekpidi ama ni, ɔɔyila-ma ku udu kɔnakunwi.

Agba 14:32

Bekyuli bekpidi ni, bana alaekpidi mɔɔyila-ma udu. Nsu bekyuli babuni bebo katamikukɔ si békpi.

Agba 11:21

Ɔbla-a nwaa ka Unwoti ɔdubɔni bekyuli bekpidi kɔtu. Nsu bekyuli babuni bebi ni, badubɔlɛ sɛɛn ɔni na lɛla lɛdi lilabla-ma.

Agba 11:5

Bekyuli babuni ni, bana litemi lɛlɔ bɔdi ulu lɛlɔ mɔɔtina-ma kasiakɔ. Na balalane ama ni, bana ekpidi unu mɔɔsia-ma lɛlɔ.

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Yesaia 3:8

Yerusalem ku Yuda lɛma ƒui lɛdubo bubie na ala ƒui eƒu akya, ɔsika bana etemila áta énye Unwoti lɛlɔ, na béni ka babu anwu ɔni muukeye na bana akɔ.

Hosea 14:2

Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.