Hosea 5:2 - Katɔti Ɔku Kedee

² Na bina ekpidi áya na Sitim ɔma únwini ubu gbion, nsu ndubo-mii kɔtu bɔni ƒui kede kede.

Hosea 5:2 Referans Kwoze

Hosea 9:15

Unwoti ɔnini, “Bana ulikplu ala ani na bábla na Gilgal na lɛ́nu ɔsu muukisi-ma geen. Na bana alaekpidi ɔsu ndubo-ma bɔbɔku budie mina kaduli na nsɔ lɛɛɛdubo-ma bɔyɔ, ɔsika bana batɔnkune bálɛ-mi kama.

Yesaia 29:15

Bɔbuɛ beete bekyuli bani mɔɔbla ala bɔbɛ kemmo na baakali ka Unwoti ɔɔɔgyi, na baabla ala lɛdisa kemmo na beeye banini, “Ɔma mɔɔnu-bu? Na ɔma ndubo bɔti?”

Hosea 6:9

Bina bakpane bénwini beyune kasala na batɛ kuludɔ baatú bekyuli. Bádu bekyuli na Sekem ulu lɛlɔ na baabla alaekpidi lidu bamba lɛnɔ.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.

Hosea 6:5

Ɔmmɔ ɔsu na lɛ́ya na mina kenye bediene béti litemi lɛni muukúlo kayi aani kewii béboku-mii na litemi bɔtɛ bɔni náƒɔ ogya aani ɔƒɛ bɔsia-nwu kama ku kɔtɔ bɔdu.

Hosea 4:2

Lɛlɔ buwida ku ɔkɔ bɔnyi ku bekyuli bɔdu ku kuyu ku lɛsɔnɔdi lɛlɔ kani na binye uwi ndi uwi.

Yeremia 18:18

Bekyuli bammɔ badi básu banini, “Bɛya na bɔyila Yeremia udu! Na bakpane badubɔkya-bu kudɔ uwi ndi uwi na batina-bu Unwoti ɔda bubo. Na bɔdubɔkɛ banundane na balɛ-bu. Na bɔkɛ kenye bediene bani ndubɔsu-bu Unwoti kenye kani na ubo ute-bu. Anwuɔsu si ɔni na bɔsɔ buteenu Yeremia etemila bɔsu ɔsu ni, bɛya na bɔda-nwu kenye ka ɔ́bla likpidi bonwu lɛdi.”

Yeremia 6:28

Na adubɔnu ka bebo ɔkplu geen aani abuala egyiedi ku atonwudi. Na badi bekyuli bani mɔɔta teenye-mi lɛlɔ na ɔkɔ kani na baanyi uwi ndi uwi.

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Yesaia 1:5

Bi ɔsu na binye bɛɛwia lɛbibo teete lɛlɔ lɛni? Bi ɔsi na bɛdubɔta binye-mi lɛlɔ lɛni biteesie uwi ƒui? Bilánu ka bise aani bekyuli bani na bébo-ma eli bábwɛ na biinú ɔlɛ na bina kayi kemmo.