Hosea 4:5 - Katɔti Ɔku Kedee

⁵ Na amii ku kenye bediene bammɔ ƒui bɛdubo butaabla gyuma gyuma usien ku ɔƒɛ. Na ndubo bina beni udu bɔyila.

Hosea 4:5 Referans Kwoze

Hosea 2:2

“Bɛtɛmiku bina uni! Bɛlɛ-nwu kaduɛ! Ina ka ɔsɔ ɔɔɔdi mina ulekudi, na ami Unwoti lɛnɔ nsɔ lɛɛɛdi ɔgyani. Bivele-nwu na ɔda lɛyalɛ ku lɛsɔnɔdi lɛmmɔ ɔya na ɔda-mi kama bɔlɛ ɔya.

Yeremia 15:8

Bekpinele badubo bumomo na Yuda butulo kalɛ na ɛpu kɔnwinimi kuse na ɛpu kɔtu. Bekisine badubo-mii buyu bɔtu na bekpo-mii na ɔƒiiwi na bebi beni beteewulo bana bebi.

Galatiƒuɔ 4:26

Nsu Yerusalem ɔni nkya katɔ ni, lɛla lɛdi lɛɛɛda-nwu, na anwu ndi kɔduni ɔni ndi bula uni.

Sakaria 13:2

Unwoti Ɔyikune Ƒui ɔnini, “Si uwi ɔmmɔ úbedu ni, ndubo baƒiɔ ƒui udu biala bɔyila na kalɔ kammɔ lɛlɔ, na bekyuli bayiƒala-ma ƒui úti úsela uwi ƒui kemmo. Na ndubo bana kenye bediene ku ayu ekpidi ani na atɔnku-ma mmɔ ƒui udu bɔyila.

Sakaria 11:8

Útedu kɔbuli kunwi asa na lɛ́ya na baƒonu badane ɛtɛ badi bátɔlɔ. Na lɛ́nu ka baƒonu balayɔ-mi litemi, na ńsɔ ńtakɛ kayi ńtete-ma.

Yeremia 50:12

Ƒula ɔma unengudi ɔni na aayɔ́ aani ƒula uwele ɔdubo kɔƒa bɔdi na unwini aani kalɔ kakwiidi kani nsɔ neeebo lɛblakula.

Yeremia 23:9

Si lɛ́kali kenye bediene bamɛni litemi lɛ́nu ni, kayi keesé taakpulu-mi geen na anu ka lɛlɔ lɛɛtɔ́-mi aani ukyuli ɔni na úkpi ntɛ na Unwoti ku nwuna etemila ani nse kedee ɔsu.

Yesaia 50:1

Ɔmmɔ kama ni, Unwoti úye nwuna kadi bekyuli ɔnini, “Bi mɔɔtina ka lɛ́nyonu-mii aani kalɛ na ɔnana ɔɔnyonu ulekudi? Munuu bɛɛkali ka buti na líti-mii líye aani kalɛ beeti bebi teeye banii beténwini ukyuli ɔdi kabla bablane na kayu kadi kenye? Oowo, mmomu bina likyulikpi ku alaekpidi ɔsu na béƒie-mii bátɔlɔku bésienku kaƒɔ.

Esekiel 14:3

“Esekiel, ɔyawine ubi, bekyuli bamɛni béese kalɔ baakpá baƒiɔ ina ka bagyi nwaa ka ɔmmɔ adubɔya na beduo ekpidi pii bamba bɔbla kemmo. Anwuɔsu líni nnii lɛɛɛdubo-ma kenye kadi bɔkya!

Hosea 2:5

Bina uni útada udu buni. Útaalɛ-mi kama, na ɔ́su ɔnini, ‘Ndubɔsiaku mina basɔnɔ kama, ɔsika ama muute-mi adila ku ntu ku adala abuni ku ana lidu bamba lɛnɔ ku nnɔmii ƒɛƒɛɛ ku ntɛ buni.’

Hosea 5:5

Israel kadi bekyuli lɛlɔ katɔ bɔkɔliku muudie bana ekpidi keyi. Anwuɔsu na ama bani ndi Eƒraim kaba kemmo bebi mmɔ badubo bubuli, na Yuda kadi bekyuli lɛnɔ bebunku-ma, na bana ƒui badubo bubuli.