Hosea 4:10 - Katɔti Ɔku Kedee

¹⁰ “Badubo bɔdi bɔsia kama, nsu baaadubo bumo. Na basiaku lɛsɔnɔdi kama, nsu baaadubo bebi bɔwɔ na bemomo. Ɔsika béni Unwoti na basiaku ala bamba kama.

Hosea 4:10 Referans Kwoze

Mika 6:14

Bɛdubo bɔdi bɔsia kama, nsu bilémo. Na bɛdubɔklibi ala abuni bise lɛlɔ, nsu aaadubo ami adi bunwini. Ɔsika kuwii kenye na ndubɔya na beƒie-nya baƒɔ batɔlɔku na kekpo kemmo.

Lewiƒuɔ Ɔda Bubo 26:26

Na si líkulo bina adila bumomo kenye kɔnakunwi ni, beleku leevu badubo bɔkana na beƒi bodobodo bete bina kɔduli ƒui bekyuli na lɛyu linwi kemmo. Na badubo-nwu bule bute-mii wɛlɛ wɛlɛ lɛni na nwuna unu kenye, na si bɛ́di bilémo.

Hagai 1:6

Bɛɛkya edula, nsu biláƒɛ-nya kalɛ na bɛ́kya-nya kenye. Na bilakɛ taadi teemo, na bilakɛ ntɛ lɛnɔ taani na budu-mii ɔkwɛ. Na bina adala lɛnɔ elebunku-mii na lɛlɔ lɛbla-mii gugungu. Na bina lɛyuƒɔla lɛni na bɛɛkɛ́ ni, kɔvumi kɔni náƒuala kemmo na bɛɛkya bina egulabi ammɔ.

Seƒania 1:6

Bekyuli bani ƒui nénwini kama bákya-mi na basɔ balani teede-mi ka bebenu-mi litemi ni, ndubo-ma lɛla biala bɔyila kede kede.

Hosea 4:14

“Na lɛɛɛdubo-ma kɔtu bɔni na ɔmɛni ɔsu, ɔsika amii alati kakpakɔ bayalɛ bɔmmɔ kama na bɛsia, na amii ku-ma bɛɛsála taabla akpala teete baƒiɔ. Na ɔmmɔ geen na lɛsugba lɛmɛni lɛɛtina lɛnini, ‘Bɔyii na bekyuli bani na beeebo kasusu badubo bɔyii ku udu.’

Esekiel 18:24

“Nsu si bekyuli bekpidi bése kalɔ ku ngba bukpidi bulie na baabla ala ani muusé lɛlɔ ni, ɔmmɔ ɔdubɔya na belie ngba? Oowo! Mmomu bana lɛbuni lɛni na bábla bávi ƒui lɛdubo bɔyii na bayiƒala-nya. Na ɔmmɔ ɔsu badubo-ma bɔdu na bana ekpidi ɔsu.

Agba 13:25

Bekyuli babuni ni, ala ani bebo eemó-ma. Nsu bekyuli bekpidi ni, bana ala elemo-ma.

Kɔgya 125:5

Nsu bani nénwini básia ulu gontii lɛlɔ ni, Unwoti ɔdubuti-ma utásalaku alaekpidi bablane na ɔni-ma kɔtu. Nsu Israel anwu ni, ɔkɛ atu bɔyɔ ku keyi buɛɛ.

Kɔgya 36:3

Alaekpidi ku ɔkɔ ala sɔɔn na baatɛmi. Na bédeyi bálɛ lɛnunda ulu lɛlɔ na basɔ balábla lɛbuni lɛdi.

Ala Alɛdi 2 24:17

Amu na uwi ɔni na Yehoiada úkpi ni, Yudaƒuɔ batɔnkune bammɔ bésie bátátɔlɔ Yoas mini mini na ɔ́tunaku-ma ka ɔbla lɛla lɛni na baawia.

Yeremia 34:15

Nsu amii bɛ́lɛ ugyii ka bɛdubunu-mi litemi na bɛbla lɛla lɛni na lɛ́manku bite bina banwani bammɔ na bite-ma bɔnwuna ƒui kede kede. Na ɔɔɔdi kesii bamba kadi na bínye bɛ́su ɔmɛni mmomu mina kakpakɔ kemmo geen na bíduo bísie bítálɛ ɔmɛni ugyii na mina lɛnyi lɛlɔ. Nsu bítabu-mi lɛnyi munu munu mmomu bíbile bunyimi bɔmmɔ na bɛ́sɔ bísie bítenye bina kabla bablane bammɔ lɛlɔ na básɔ bénwini bébo baabla-mii kabla.

Esekiel 22:9

Bina badi baanyi ɔkɔ taada bana bakpana kenye kalɛ na badu-ma. Na badi lɛnɔ baakun lɛna lɛni na béti bákpa béte baƒiɔ na aƒiodu lidu lidu. Na badi lɛnɔ bana ɔlɔna ɔkwɛ adala ekpidi kama kani na basia baabla ƒui.

Hosea 7:4

Na kalɛ na balɛ-mi kama ɔɔda-ma ɔkwɛ aani ogya ku lɛyu lɛni náabi lise úte bodobodo buƒi.

Yeremia 9:12

Lɛ́su Unwoti nnini, “Bula ɔdi ulénu kalɔ lɛla lɛni ɔsu na kalɔ kammɔ kénwini kesii kani na ukyuli ɔdi ɔsɔ ulásia taavi lɛnɔ. Ɔdubɔkana na edie kalɔ ete-bu?”