Hosea 3:1 - Katɔti Ɔku Kedee

¹ Katɔti ɔ́sɔ ɔ́tɛmiku-mi uwi bamba. Na uwi ɔmɛni kemmo ni, bɔsu na ɔ́su-mi ndi ɔnii, “Hosea, ya na ƒula bɔyɔ bɔsɔ bunwini butásia uleku ɔni nálɛ-ɔ kama lɛlɔ, na úudie ɔsɔnɔ ɔni ndi-nwu ɔyɔne. Bla ɔmɛni na eti atina ka mɔɔyɔ́ Israel kadi bekyuli, ina ka bakya baakpá baƒiɔ na adila ani na bábla béte-ma ku egyiibi mmɔ aada-ma ebiti.”

Hosea 3:1 Referans Kwoze

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Yesaia 45:22

“Bɛlɔ kayawi bekyuli ƒui na bebo-mi kudɔ na bakɛ ngba bɔƒɔ. Ami lɛti kani ndi Katɔti! Na badi baasɔ baaadi lɛla geen lɛdi.

Mika 7:7

Nsu mina anu ƒui asia Unwoti Katɔti lɛlɔ ka ɔƒɔ-mi ngba, na anwu kani na ndubunye ntaanu ulu teete ka unu-mi bɔkpali na ubunku-mi.

Hosea 11:8

“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu.

Petro 1 4:3

Bɛya na kalɛ na bílie ngba bítaabla ala ekpidi uwi pii ɔni návi ɔwɔ ɔƒɛni. Bɛ́bla likyulikpi ku lɛyalɛ, na bítaani ntɛ teekpi. Bɛ́kpa baƒiɔ bɛ́vili ntu, na bɛ́di kɔkpana kukpidi, na bɛ́bla ala ekpidi lidu lidu aani bekyuli bani naaasiaku Katɔti.

Sakaria 1:16

Anwuɔsu ndubɔnu Yerusalem kɔnyana. Na ndubɔya na basɔku ɔma unengudi ɔmmɔ batu ƒui na basɔku mina kakpakɔ batu benyene kana kenyekɔ.

Yeremia 3:20

Nsu bɛ́bla lɛlɔ aani uleku utidi ɔni néni lɛla lɛni na únyimi ku ɔgyani na anwu ku-nwu békulo. Ami Unwoti násu ka bɛ́lɛ-mi kama.”

Kɔgya 123:2

Mɔɔnu ulu aani kalɛ na kabla bablane beenye taanu bana ɔtɔlati anumi ka bakɛ lɛla lɛdi. Na aani kalɛ belekubi kabla bablane lɛnɔ beenye taanu bana beni anumi ni, lɛni kani na abu lɛnɔ bunye bɔɔnu Unwoti anumi wetédu ka ɔ́nu-bu kɔnyana.

Korintoƒuɔ 1 10:21

Ɔɔɔdia ka ani asiku Blɔti ɔɔƒɛɛ kemmo na asɔ atáni asiku ayu ekpidi lɛnɔ ɔɔƒɛɛ kemmo. Útalɛka adi adila na Blɔti kakpakɔ na asɔ atádi adila na ayu ekpidi kakpakɔ lɛnɔ.

Amos 6:6

Na si ntɛ bɔkya wɛ bɛdubo bɔya na beti-mu beboku-mii na bɛni-mu ɔdivo kemmo bɛsia kama. Na bɛɛwɛɛ ligyulo ƒɛƒɛɛ lidu lidu lɛni náƒɔ kuye na bɛɛɛdaku-ni si bɔbwɛ Israel kalɔ kemodi kammɔ kaabwɛ.

Amos 2:8

Na adala ani na báƒɔ ɔkpa básiku bekyuli kudɔ na kayu kenye na baavá taatɛ na kakpakɔ biala. Na kɔyu kɔni na bákya bekyuli ni, beeti egulabi ammɔ teeye ntɛ na baaní-mu muedi na Unwoti kakpakɔ mmɔ.

Nehemia 9:31

Nsu na ƒula kɔnyana bɔnu bɔni ebo ɔsu, átaya na bádi-ma lɛlɔ iye étenwini kama átakya-ma. Ɔsika adi Katɔti ɔni mɔɔnu kɔnyana na ebo lɛƒɔndia.

Baga 2 13:23

Nsu Unwoti ɔ́nu Israelƒuɔ kɔnyana na útete kuƒi na bayila-ma udu. Mmomu úbunku-ma ɔ́si bunyimi bɔni na únyimi ku Abraham ku Isak ku Yakob ɔsu. Anwuɔsu ulátuna ka ɔyila-ma udu úti úbedu ɔmwi kadi.

Samuel 2 6:19

Na ɔmmɔ kama ni, úte Israelni biala na úbo mmɔ bodobodo kakɛ ku egyiibi akangyiɛ lɛna lɛni bákɔ básɔku béƒi asa na bátɔlɔ bésie kɔduli.

Litemi Batɛne 10:16

Mmɔ na bébo baƒiɔ bani na báƒɔ bése lɛlɔ mmɔ bévaakun, na bése kalɔ baabla Unwoti kabla. Ɔmɛni ɔsu ɔ́sɔ útakana bunye bɔnu Israelƒuɔ abi ani na beebó mmɔ.

Litemi Batɛne 9:27

Na bana ƒui bésie bana adingyii mmo na bétéde egyiibi na béti bábla ntɛ na báni bádi limeyi. Na bésie bana lɛkpabi lɛni bátu balɛ kudɔ. Na uwi ɔni na bakya baadi na banii teekpi ni, beewida Abimelek.

Israelƒuɔ Bɔlɛ 32:6

Na nwuna lɛdigye uwi ni, béti bebuo badi na béti bábla bɔkyula akpala na badi lɛnɔ bábla unwi bɔbla akpala. Mmɔ na bekyuli bamɛni bése kalɔ baadi na baaní ntɛ teekpi na baabla lɛyalɛ ala.

Korintoƒuɔ 1 10:7

iye buti lɛlɔ bute lɛƒiɔkpa ala bɔbla aani bana kalɛ. Lɛni na Bunweni Kedee Ɔku ɔ́su ɔnini, “Bekyuli bammɔ bádu bebuo na báni ntɛ na badi adikpi limeyi, na bátɔ béte baƒiɔ.”

Mateo 26:50

Yesu údie kenye ɔnini, “Ɔkpana, bi na aawia mɛni?” Amu na bekyuli bammɔ bébo Yesu kudɔ na béƒie-nwu na báda-nwu kpakplaa.

Hosea 7:5

Na limeyi lɛni na beesé ɔga ni, anwu ku nwuna benengu ƒui báni ntɛ békpi na baabla adɔlɔla.

Hosea 4:11

“Ntɛ bɔnani ku bɔwɔdi bɔ́ya na mina bekyuli kasusu kékpi-ma na basɔ belenu lɛla lɛdi kalɔ!

Ala Alɛdi 1 16:3

Na úte bekyuli bammɔ ƒui ɔdi biala bodobodo umodi unwi ku lɛna lɛdi ku egyiibi lidu kangyiɛ.

Lɛnu Ƒui Ɔnu 2:5

Te-mi ƒula egyiibi buni lidu lidu lɛmmɔ na asɔku-mi abla ɔwɔdi na lɛkɛ ɔyikun ɔwɔdi, ɔsika ƒula bɔyɔ kɔka kɔɔda-mi na lɛ́bla kpɛtɛ kpɛtɛ.

Hosea 2:5

Bina uni útada udu buni. Útaalɛ-mi kama, na ɔ́su ɔnini, ‘Ndubɔsiaku mina basɔnɔ kama, ɔsika ama muute-mi adila ku ntu ku adala abuni ku ana lidu bamba lɛnɔ ku nnɔmii ƒɛƒɛɛ ku ntɛ buni.’