Hosea 2:21 - Katɔti Ɔku Kedee

²¹ “Ndubɔtuna lite-nwu limeyi lɛmmɔ lɛlɔ na lɛlɛmi kayaa na kayaa lɛnɔ kenu-mi lɛdi na kete ntu na kalɔ kayɔ.

Hosea 2:21 Referans Kwoze

Sakaria 8:12

“Mmomu ni, ndubɔnu ka bɛkya bina edula ɔƒaamu na atu bɔyɔ kemmo, na bina adingyii mmo lɛnɔ adubɔbla kaduɛ na anwu ebi pii. Na bina katumalɔ kadubulie lɛmwi, na amii ayu ewi bina edula lɛlɔ.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Yesaia 65:24

Ndubute-ma lɛla lɛni baawia asa na bakpali-mi muedi nsu si baakpali lɛnɔ ni, ndubunu lɛla lɛni na beevele-mi.

Yesaia 55:10

Ɔnantu ku etubankɛ aana taasi kayaa taayu kalɔ. Na ɔdi ulásɔ teenwini taakɔ katɔ na ulete kalɔ kammɔ bɔba na ɔya na bɛkɛ edula ebi pii ani na bɛkya na bɛkɛ adila bɛdi bimo.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Esekiel 36:29

Na ndubo-mii bɔgyumana bɔsiku ala ani ƒui mɔɔyá na biisé lɛlɔ kudɔ. Na bina mmo bɔdubɔdi edula pii na kɔka kɔsɔ kuládu ɔdi.

Hosea 14:7

Bɛdubɔkɛ ɔƒɛ na mina ɔyuli kalɔ. Na bina edula alɛ lili. Bɛdubuwi anwula pii aani ntɛ adingyii kemo na bɛƒɔ lɛnyi aani ntɛ bɔni nási Lebanon.

Yoel 2:19

Unwoti údie kenye na ɔ́su nwuna bekyuli ɔnini, “Bɛnu, líti edula ku ntɛ ku nnɔ muumene-mii na ala ammɔ emo-mii. Na nsɔ lɛɛɛdubo bɔya na kadi bamba bekyuli beteedumi-mii taama.

Malakai 3:10

Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna.

Malakai 3:11

Ndubutile baalɔlɔ kuƒi na basɔ belebile-mii ala na ada bɔnwu aya.

Yesaia 62:4

Na bekyuli basɔ baaadubo ƒula kalɔ kammɔ lɛnyi bɔsia banii, “Udinkɔ ɔni na béni bése.” Mmomu badubɔlɔ-ka banii, “Uleku ɔni na báwɛɛ-nwu kaduɛ.” Ɔsika ƒula lɛlɔ lɛdubɔda Unwoti ebiti na ɔdubɔbla aani uleku ogya ute-ɔ.

Yesaia 62:5

Kalɛ na ebiti aada okloƒu ɔni néti adagyaa na lɛlɔ lɛɛyɔ́-nwu na ɔɔda-nwu ni, lɛni na ƒula bebi badubɔda-kalɔ kammɔ. Na kalɛ na uleku ɔgya ku ulekudi beelie ku ebiti ni, lɛni na ebiti adubɔda Unwoti na ƒula lɛlɔ.

Sakaria 8:8

na basɔ benwini bebelie Yerusalem. Badubunwini mina bekyuli, na ami lɛbla bana Katɔti, na lɛsia mina litemi kama siin, na lɛtɛ bana etemila ulu siin lɛlɔ lite-ma.