Hosea 2:15 - Katɔti Ɔku Kedee

¹⁵ Na ndubɔsɔku nwuna adingyii mmo lite-nwu. Na lɛbibo ɔkwalɛ ɔni kemmo na ala ékpoku-nwu ɔdubo bunwini Lɛnunsia Ɔkwalɛ. Na ɔdubɔtuna ute-mi ɔnii, ‘Ɛɛn,’ aani kalɛ na ɔ́bla uwi ɔni na ɔdi ugblebi na ɔ́si ɔɔlɛ́ Egyipte kalɔ lɛlɔ.

Hosea 2:15 Referans Kwoze

Esekiel 28:26

Badubo bulie ku keyi buɛɛ na atu ayɔ-ma na ama alati batu bana lɛtɔ na besie bana adingyii mmo. Basɔ baaadubo ɔgbankpi kemmo bɔkya, ɔsika ndubo bana bekisine kpakplaa bammɔ kɔtu bɔni. Na Israelƒuɔ badubo bɔnu bɔti ka ami ndi Unwoti bana Katɔti.”

Yeremia 2:2

nsie Yerusalem na ntákɔ lɛsa nte ukyuli biala na mmɔ ka anwu Unwoti násu ɔnini, “Uwi ɔni na adi uleku ɔni na líti ɔwɔdi ni, áyɔ-mi na ásiaku-mi kama siin, na bɔkɛ kalɔ kakwiidi kani naaadia edula mmɔ kemmo ɔni na átalɛ-mi kama.

Hosea 11:1

“Lɛ́yɔ Israel uwi ɔni na ɔdi ɔnamu na lɛ́lɔ mina ubi lɛ́siku Egyipte.

Yosua 7:26

Na bála atabi lisu pim lɛdi bálɛ Akan lɛlɔ. Na atabi lisu lɛmmɔ lɛlɛ mmɔ úti úbedu ɔmwi. Ɔmmɔ ɔsu na baalɔ kesii kammɔ banii Lɛbibo Kɔwɛ. Na ɔmɛni ɔ́ya na Unwoti kɔnyi kati kati kɔmmɔ kɔyɔ.

Batalane Kabla 14:27

Ka bánya bétéduo Antiokia ni, bálɔ baƒɔtaadine bani nkya mmɔ ƒui básala lisu na bédie bana ulu busie kemmo bátina-ma. Na básu-ma ala ani ƒui na Blɔti ɔ́kɛ-ma lɛlɔ ɔ́bla ku kalɛ na ɔ́lɛmi bɔƒɔtaadi ulu úte bani naaadi Yudaƒuɔ.

Yohane 10:9

Ami ndi kayakun kammɔ. Na ukyuli biala ɔni mɔɔsia-mi lɛlɔ teeduo ɔba ɔmmɔ kemmo ni, ndubɔƒɔ-nwu ngba. Ɔdubuduo mmɔ utaalɛ na utaakɛ adila abuni taadi.

Amos 9:14

Ndubɔya na ala asɔ adianku Israel. Na bɛsɔku bina lɛma bɛtu na bilie-ni kemmo. Na bɛdubɔkɛ ntɛ buni bɔni bɔsiku bina adingyii mmo egyiibi ani muudie-mii ntɛ kemmo. Na bɛdi amii alati adingyii ebi ani na bɛ́tuma.

Esekiel 16:60

Nsu mina anumi asia lɛla lɛni na línyimiku-ɔ uwi ɔni na átabi tɔ lɛlɔ mmɔ. Anwuɔsu ndubo-ɔ kenye kadi buse kani ndubuse kete uwi ƒui.

Esekiel 16:22

Ɔƒɛni amu asɔ eeebo kɔnu na likpidi bɔbla lɛlɔ kani na enye na éti lɛlɔ énwini ɔyalɛ. Na asɔ alabla kasusu taasiku uwi ɔni na adi ɔnamu na atɛ ubugya kemmo ku kasɔngya eebó teeminime.

Esekiel 16:8

“ ‘Na uwi ɔni na lɛsɔ lɛnu-ɔ na ɔmmɔ kama ni, na éedu kalɛ na ati ɔnana. Ɔmmɔ ɔsu líti mina awu gyɔlɔɔ ɔmmɔ kakɛ kadi líbi-ɔ lɛlɔ na lɛ́bɛla-a kasɔngya líti lɛ́tina-a ka ndubo-ɔ bɔgyumana. Na líse-ɔ kenye kpakplaa na búnyimi ka enwini Unwoti Katɔti ami ɔdi na ntaanu-ɔ lɛlɔ.

Yesaia 65:21

Mina bekyuli badubulie lɛtɔ lɛni na ama alati bátu kemmo. Na badubɔdi egyiibi mmo bɔni na bése ebi.

Sakaria 9:12

na lɛya na bɛsɔ bɛkɛ lɛnunsia. Binwini bisie bina kagyumanakɔ kpakplaa kammɔ. Ɔsika ɔmwi ni, ndubo-mii kayu bɔƒɔ akpa anyɔ na kabla ala ani nése-mii dii ɔsu.

Kɔnyana Buwulo 3:21

Nsu muunyimo lɛla linwi lɛni mɔɔyá na nsɔ mɔɔkɛ́ kayi.

Yeremia 32:15

Ami ndi Unwoti Ɔyikune Ƒui, Israel Katɔti, na muusé-mii kenye ka bekyuli badubo lɛtɔ ku edula mmo ku adingyii mmo bɔsɔ buye na kalɔ kamɛni lɛlɔ.”

Kɔgya 106:12

Mmɔ na báƒɔ linyese lɛni na Unwoti úse-ma úse mmɔ bádi. Na bémwi-nwu.

Bumomo Bɔka 21:17

Uwi ɔmmɔ na Israelƒuɔ bátu kɔgya kɔmɛni. “Abiɔ, bitaayu ntu pii, na bɔdubo kɔgya buti bɔkya-mii kenye.

Hosea 12:9

“Israelƒuɔ, bɛnu bɛti ka ami Unwoti mmu ndi bina Katɔti kalɛ kani na úse kukuuku uwi ɔni na bɛ́kya Egyipte kalɔ lɛlɔ. Na ɔƒaani ni, ndubo-mii lɛlɔ bunye na bɛsɔ bitélie nvo kemmo kalɛ na bílie na kalɔ kakwiidi kemmo bíbavi.

Yesaia 65:10

Na Saron ɔdubunwini bebuo kadikɔ kabuni ute bana bebuo. Na Akor Ɔkwalɛ bonwu ɔmmɔ ɔdubunwini kesii kani na bebuo bammɔ badubo butaatɛ taanwuna ute mina bekyuli bani mɔɔwia-mi kama ulu.

Hosea 2:12

Uleku ɔmɛni ɔ́su ɔnini, ‘Mina basɔnɔ néte-mi adingyii mmo bɔni na mbo ka lɛ́ya na ami ku-ma bɔ́tɛ ɔsu.’ Nsu ni, ami Unwoti ndubo-mu bubile ƒui na lɛya na bɔta bunwini lɛku na bebuo bakun ala ammɔ bebile ƒui.

Kɔgya 129:1

“Kadi bamba bekyuli békpoku-mi ɔ́si mina lɛkloƒu uwi.” Mɔɔwia ka amii Israel kadi bɛsu ɔmɛni bɛnini,

Yeremia 2:1

Unwoti ɔ́su-mi ɔnii

Yeremia 3:4

Bɛɛlɔ-mi bina ɔti na bɛɛtina ka ɔ́si bina lɛnamu uwi ƒui na bɛɛyɔ́-mi.

Yeremia 29:11

Lɛ́lɛ ugyii ka ndubute-mii kusɛ kusɛ bitaasia ala abuni anu na bina ngba bɔni na bɛdubulie uwi ɔni mebo kemmo ƒui na ala adianku-mii, na lɛbibo lɛdi lɛsɔ lilebo-mii lɛlɔ.

Esekiel 28:25

Unwoti Katɔti ɔnini, “Limeyi lɛdi ni, ndubo Israel bekyuli bɔsala bɔsiku kadi bamba bekyuli akɔ kesii kani na bégyingya bakya ɔƒɛni na kadi biala bekyuli banu kalɛ na nse kedee. Na Israelƒuɔ badubɔsɔ bebelie ɔmii ɔni na líti líte mina kabla ɔblane Yakob kemmo.

Hosea 12:13

“Lɛ́tala mina Kenye Udiene Mose nnii ɔtɔnku Israelƒuɔ ɔsiku Egyipte na ɔda-ma kɔkɔɔkɔ na lɛla lɛdi litabla-ma.

Hosea 13:4

“Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ. Na Katɔti ɔbambadi ɔdi ɔsɔ uuubo. Ami lɛti ndi anwu ɔni mɔɔƒɔ́ bekyuli.

Litemi Batɛne 8:34

Na bétenyimo bana Unwoti Katɔti ɔni nédie-ma ɔ́lɛku bana bekisine ƒui enu kemmo.

Baga 1 16:31

Ɔ́sia Yerobeam ekpidi ani na ɔ́bla kama na ammɔ lɛti átabɔ-nwu. Mmomu úsie útéti Sidomƒuɔ Ɔga Etbaal ubidi ulekubi ɔni baalɔ banii Isebel ɔ́bla ulekudi, na úse kalɔ ɔɔkpá Baal baƒiɔ na ɔɔbla-ma kabla.