Hosea 14:8 - Katɔti Ɔku Kedee

⁸ Israel, die ƒula lɛƒiɔkpa atu na ndubunu ƒula buvele na lɛnu-ɔ lɛlɔ. Ami ɔlati ndi kugyii kɔni muukeye mmɔ. Na ami ndubɔya na bɛnwu ebi pii.

Hosea 14:8 Referans Kwoze

Hiob 34:32

Na ɔlɛka evele-nwu na udie ƒula bɔƒiɔ ɔtina-a, kalɛ na asɔ alabla lɛla lɛmɛni alasia kama.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Luka 15:20

Amu na ɔ́ta kɔnakunwi na úti ala na ɔ́yu ulu úsela ɔti kudɔ. “Ka ɔti ɔ́nu-nwu ɔ́ti ɔni na ubidi ɔmɛni ɔmu ɔkɛ ɔgyu ɔdubo ni, ubidi lɛlɔ lɛ́bla-nwu kɔnyana, na úkeli útátu ɔda-nwu ku kubiti.

Yesaia 55:13

Na egyii abuni enengudi ani mɔɔdia ala buti taabla adubɔkwɛ enye kesii kani na nka liyu alakpi nákya mmɔ. Na egyii ammɔ ndubunye mmɔ uwi ƒui, na atina kalɛ na Unwoti uukeye na ubo ɔbu.”

Yesaia 41:19

Na ndubɔya na egyii enengudi ani na ebo ɔkplu lidu lidu aƒɔ ketele kalɔ kakwiidi kammɔ kemmo ƒui aani Sida ku akasia ku abambadi udu.

Tesalonikaƒuɔ 1 1:9

Na ama alati mɔɔtɛmi taasiku kalɛ na bɛ́ƒɔ-bu uwi ɔni na búbo-mii kudɔ ku kalɛ na bɛ́da baƒiɔ bɔkpa bɛ́ya, na bíti lɛlɔ bíte Katɔti ɔni lɛti mbo ngba.

Ƒilipiƒuɔ 2:13

Ɔsika Katɔti ɔkya-mii akɔ ɔɔbla kabla na bina akɔ uwi biala kalɛ na ɔbla-mii na bɛkana na bɛdi ala ani na ɔ́su-mii lɛlɔ.

Eƒesoƒuɔ 5:9

Ɔsika bekyuli bani nli bukeye kemmo ni, ebi ani na baanwu ndi ebi abuni. Baasu etemila geen na beelie siin.

Yohane 1:16

Na Katɔti lɛƒɔndia ku litemi geen lɛni náƒɔ-nwu lɛlɔ kemmo ƒui ɔsu ni, ɔ́bla bula ƒui lɛƒɔndia ɔ́sia kama.

Yesaia 60:13

“Na Lebanon egyii kpakplaa enengudi lidu lɛni nkya-ma ƒui ni, badubɔlɛku-ni beboku. Na badubuti-ni banwi ala beti bakya mina kakpakɔ bɔdia kesii kani na mina lɛgba lɛɛnya.

Hiob 33:27

Na si úbo ute lɛni ni, ɔɔsu na kadi ƒui anumi ɔnini, ‘Lɛ́bla likpidi na mina ɔdi útatɛ. Nsu Katɔti útani-mi kɔtu kɔni na nka ɔ́manku ka ɔni-mi.

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Esekiel 17:23

Baasɛ lidu ƒui badubɔkɛ kabɛkɔ na kugyii kɔmmɔ kemmo. Na badubɔkya-ku kɔgba akɔ bakɛ bɔnwuna ku ɔyuli.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.