Hosea 14:5 - Katɔti Ɔku Kedee

⁵ Na ndubuse lite-mii aani amii ani mɔɔyu na bɛlɛ lili aani egyii anwula ani muubimi na bidie ligyiitu aani kugyii kalɛ.

Hosea 14:5 Referans Kwoze

Yesaia 35:2

Kalɔ kakwiidi kammɔ ala ƒui adubɔlɛ anwula ani mɔɔtina ka lɛlɔ lɛɛyɔ́-ka, na beteebo kudu ku lɛlɔyɔ kɔvanu. Na kalɔ kammɔ ala ƒui adubɔlɛ enye ataanwami aani Lebanon abi akumiɔ. Na eteekeye aani Karmel Kɔbi iye Saron Ɔkwalɛ. Na banu kalɛ na Unwoti Katɔti lɛgadi liikeye.

Yesaia 27:6

Uwi ɔdubo ɔni mina kadi bekyuli badubo ligyiitu budie na Israel kadi bamɛni badubo bɔta na bedie evete na banwu ebi pii beyile kayawi.

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Mateo 6:28

“Anwuɔsu bɛsɔ biteti kasusu pii na adala lɛlɔ. Bɛnu kalɛ na egyii anwula aalɛ́ lili. Alábla kabla kadi na beledi adi lɛnɔ teete lɛlɔ.

Kɔgya 72:16

Ya na kalɔ kammɔ kadia edula pii. Na edula ammɔ aƒɔ abi lɛlɔ. Na adingyii ammɔ alɛ lili abla aani Lebanon lɛku egyii. Na bekyuli bemomo na lɛma linengudi lɛmmɔ kemmo aani kalɛ na livo lɛɛƒɔ́ kemo.

Hiob 29:19

Uwi ɔmmɔ ni, na nka línye kpakplaa aani kugyii kɔni mɔɔkɛ́ ntu uwi biala, na amii muedi alákwii kuna evete lɛlɔ usien umodi ƒui.

Lɛkpa Ulu 32:2

Mina ala bɔtina adubɔyu aani kalɛ na ɔnantu ɔɔna na ubewi kalɔ aani amii. Mina etemila adubɔyu aani kalɛ na ɔnantu uuwi blii blii teewi edula ani na átalɛ tɔ lili lɛlɔ. Na adubɔyu ewi livo lɛni na ɔƒɛni na lɛɛkwɛ́ lɛlɔ blii blii.

Mika 5:7

Yakob kaba kemmo bebi ɛlɛɛ badi bébu na bégyingya bákya kalɔ kammɔ lɛlɔ ƒui kadi bekyuli akɔ. Nsu Unwoti ɔdubɔya na benwini aani amii ani mɔɔyu teewi ala lɛlɔ iye ɔnantu ɔni mɔɔna na kalɔ kaayɔ́. Na ɔɔɔdubo bɔsi bekyuli kudɔ, mmomu ɔdubɔsi Unwoti ɔlati kudɔ.

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Yesaia 18:4

Lɛni na Katɔti ɔ́su-mi ɔnini, “Ndubulie mina keliekɔ ntaanu kpoo, aani kalɛ na ɔƒɛ ɔɔyá na kadi kaabi, iye edula ɔƒɛwi liwulu lɛɛyá na amii aayu.”

Kɔgya 72:6

Na aya na ƒula ɔga bekyuli bɔtɔnku bɔbla aani kalɛ na ɔnantu ɔɔna teewi kemmo edula lɛlɔ iye uuwi na kalɔ kaayɔ́.

Baga 2 19:30

Na Yudaƒuɔ ɛlɛɛ bani nébu badubɔsɔ bedie ligyiitu aani kugyii kalɛ besie kalɔ kemmo ɔgyu na banwu ebi na kayaa.

Samuel 2 23:4

use aani ɔtanta kadi kalɛ na keekeye si ɔƒɛ ɔ́tu ɔdubo na liƒlukutu lɛdi liiibo-nwu kemmo. Na use aani kalɛ na kadi keekeye si ɔnantu ɔ́na ɔ́da na ɔɔyá na evete awɔdi aata.’

Luka 12:27

“Bɛnu kalɛ na anwula ani mɔɔdia bɔnu aalɛ́ lili. Balábla kabla kadi iye beledi adi teete lɛlɔ. Nsu mɔɔsu-mii nnii Ɔga Salomo muedi ku nwuna lɛkɛ ƒui ni, útakɛ adala ani ndia édu anwula amɛni.

Lɛnu Ƒui Ɔnu 4:5

Ƒula anyii ani nnye-ɔ kayi ése aadia bɔnu aani bakwa bakɔdi inyɔ bani na benye baadi na eveteli ku anwula ƒualaƒuala akɔ.

Lɛnu Ƒui Ɔnu 2:16

Mina Ɔyɔne, awɔ ɔni mɔɔnyuɛ ƒula baƒonu na eveteli ani nédie anwula akɔ, awɔ mbo-mi na ami lɛnɔ mbo-ɔ.

Agba 19:12

Si ɔga úti kɔnyi ni, use aani kalɛ na gyata uubó lɛdi. Nsu nwuna lɛƒɔndia lise aani amii na livo lɛlɔ.

Kɔgya 80:9

Átuma kɔdingyii kɔmɛni kalɔ kalɛ na kɔbi lɛlɔ. Kuna ligyiitu líduo kalɔ kemmo lísie ɔgyu kakaaka na kúdie kɔgba kɔ́ƒɔ kalɔ lɛlɔ ƒui.

Kɔgya 92:12

Bekyuli bani nse siin beebimi aani kubo na baalɛ́ lili aani Lebanon kalɔ egyii enengudi.

Kɔgya 133:3

Use aani amii ani mɔɔyu taasi Hermon abi lɛlɔ teewi Sion abi lɛlɔ. Ɔsika mmɔ na Unwoti ɔ́su úse ka wete kusɛ kusɛ ɔmmɔ, na ɔdanku ngba bɔni naaadubo bɔsa kudii.

Yesaia 45:8

“Ndubɔya na ala bɔbla siin bɔsi katɔ na liƒlukutu kemmo bubo aani kalɛ na ɔnantu ɔɔna. Na ngba bɔƒɔ ku ala bɔbla siin bɔkwɛ aani livo na bɔƒɔ kalɔ kammɔ lɛlɔ ƒui kalɛ na ami Unwoti lídie-ka nnii use kalɛ.

Kɔgya 92:13

Bese aani egyii ani bálɛ na Katɔti kaduli na baalɛ́ lili na mmɔ.

Yesaia 12:1

Na Unwoti limeyi lɛmmɔ lɛlɔ ni, bɛdubo ɔnu budie bɛnini, “Bemwi-ɔ, O Unwoti! Ina ka éti kɔnyi ákya-bu ni, kɔnyi kɔmmɔ kɔ́yɔ-ɔ na ásɔ énwini aayala-bu kaƒɔ mmomu.

Yesaia 57:18

Ngyi-mii kalɛ na bise! Nsu ndubo-mi ɔlɛ ɔmmɔ bɔbwi ƒui na lɛtɔnku-mii na lɛya na kaƒɔ kayɔ-mii ku bani ƒui muuwulo kɔnyana.

Yesaia 57:19

Na lɛya na bese kalɔ beteedie lɛnu teemwi-mi. Na mɔɔsu kpakplaa nnii wɛ na ɔdi ulie iye wɛ na uuulie ni, ami Unwoti ndubɔbwi ɔdi biala na ɔkɛ keyi buɛɛ.

Yeremia 3:22

“Ndubo-ma bɔsu nnini, ‘Binwini bibo na lɛbwi-mii, na kalɛ na bɛ́lɛ-mii kama ɔsu.’ “Na mmɔ na badubɔsu banini, ‘Bɔdubunwini bubo, ɔsika awɔ ndi Unwoti bula Katɔti.

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.