Hosea 14:1 - Katɔti Ɔku Kedee

¹ Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Hosea 14:1 Referans Kwoze

Hosea 6:1

Ɔmmɔ kama ni, Israel kadi bekyuli bammɔ básu banini, “Bɛya na bɔsɔ bunwini busie Unwoti Katɔti kudɔ. Anwu nébo-bu ɔ́kya ɔlɛ, nsu anwu kani ndubo-bu bɔbwi. Ɔ́ya na bɔ́ƒɔ lɛlɛ, nsu ɔdubo-ni bunyimi bute-bu na likpi ƒui.

Hosea 12:6

Anwuɔsu binwini bibo bina Katɔti kudɔ na biwi lɛlɔ buɛɛ na biti bina anu ƒui bɛsia-nwu lɛlɔ. Bɛsu litemi geen na bɛdi nwuna litemi lɛlɔ siin na bɛyɔ-nwu.

Yeremia 4:1

Unwoti ɔnini, “Israel kadi bekyuli, si bɛɛyɔ́ ka bɛsɔ binwini bibo-mi kudɔ ni, bɛda atu bidie baƒiɔ bani muusé lɛlɔ mmɔ lɛlɔ na bibo ala ammɔ biwiakun.

Hosea 13:9

“Israel, awɔ ɔdi ɔ́sa. Sɔ tasia lɛnu anii adubɔkɛ kebunku kadi asiku-mi kudɔ.

Kɔnyana Buwulo 5:16

Yerusalem ɔ́yila nwuna bukeye! Na abu ɔdi ɔ́sa, na bɔ́yii udu na bula ekpidi ɔsu.

Hosea 5:5

Israel kadi bekyuli lɛlɔ katɔ bɔkɔliku muudie bana ekpidi keyi. Anwuɔsu na ama bani ndi Eƒraim kaba kemmo bebi mmɔ badubo bubuli, na Yuda kadi bekyuli lɛnɔ bebunku-ma, na bana ƒui badubo bubuli.

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Yesaia 19:22

Unwoti ɔdubo Egyipteƒuɔ bubo bɔkya ɔlɛ, nsu anwu kani ndubo-ma lɛlɛ lɛmmɔ bunyimi na ɔbwi-ma. Ɔsika ɔdububo-ma kalɛ na benwini bebo-nwu kudɔ, na si békpi-nwu kɔtɔ ni, na unu-ma buvele na ɔbla lɛla lɛni na bévele-nwu ute-ma na ɔbwi-ma.

Esekiel 33:11

Su-ma anii kede kede nwaa ni, ami Unwoti Katɔti ɔni na nli ngba uwi ƒui mɛni ni, naaawia ukyuli ukpidi kukpi. Mmomu lɛlɔ mɔɔyɔ́-mi ka lɛnu ka ɔvumana udu na ɔ́da likpidi bɔbla ɔ́ya. Anwuɔsu si Israelƒuɔ baayɔ́ ka belie ngba bɔdi ni, ɔlɛka bada ekpidi bɔbla baya na benwini bebo-mi kudɔ.

Esekiel 33:14

“Biti-nwu bɛnii líbo balalane ɔda ka badubo bukpi na bana ekpidi ani na baabla ɔsu na báda-nya bɔbla báya na baabla lɛbuni.

Hosea 4:8

Na likpidi lili buvele akpala ani na mina bekyuli baabla lɛlɔ na amii bɛɛsia teenwini balakɛne, anwuɔsu na bɛɛkya-ma ogya ka bataabla-nya teebu.

Hosea 9:7

Israelƒuɔ, bina kɔtu bɔni uwi údu ka bɛƒɔ ala ani ƒui na bɛ́bla kayu na amii alati bɛdubɔnu bɔti. Amii mɔɔsu bɛnii, “Katɔti kenye bediene bádɔlɔ na nwuna batu beekpi libuo.” Na bina ekpidi pii ani na bɛɛbla áya na bíti-mi bukisi geen.

Hosea 10:12

Anwuɔsu lɛ́su-ma nnii, ‘Biteegulu kalɔ na bɛgya edula buni ulu lɛlɔ siin na bɛƒɛ kɔnyana bɔnu ebi. Ɔsika uwi údu ka bɛkya lili kalɔ bite ami, bina Unwoti. Na ndubɔya na bɛnu kalɛ na mbo ɔyikun na mɔɔƒɔ́ bekyuli aani kalɛ na ɔnantu ɔɔna teewi kalɔ lɛlɔ.’

Hosea 12:8

Na biiti ɔmmɔ taakun lɛmɛnɛ taasu bɛnii, “Ɔlakɛne na ndi, na ami ɔlati néti mina enu lɛ́bla kabla na lɛ́kɛ egulabi ammɔ, na ńtabla ukyuli ɔdi lɛla lɛdi!”

Baga 2 8:12

Amu na Hasael úye-nwu ɔnini, “Ati, bi ɔsu na eewulo?” Amu na Elisa údie kenye ɔnini, “Ɔsika ngyi kalala kani na adubo Israelƒuɔ bɔbla. Adubo ogya bɔtu bɔkya bana lɛma lɛni bátu awodu bamana, na adu bana bakloƒu na kuwii kenye, na eƒwimi bana banamu wɛlɛ wɛlɛ aƒiɛmi kalɔ, na aya na bawawa bana beleku baƒɔndane.”

Esekiel 16:46

Ƒula ɔnwani ulekubi unengudi ndi Samaria ɔma unengudi ɔni na ƒula katɔ kakɛ ka akpaklɔ lɛma lɛni náka lɛ́mana-nwu. Na ƒula ɔnwani ulekubi ɔnamudi ndi Sodom ɔma unengudi ɔni nkya úsie kada kakɛ ku akpaklɔ lɛma lɛmmɔ ƒui.

Hosea 9:13

Lɛ́nu-mii aani bekyuli bani nákɛ kenyekɔ kabuni na bɛdubɔlɛ lili, nsu amii alati nákpanku bina bebi bíselaku na badu.”

Amos 1:13

Unwoti ɔnini, “Ndubo Amonƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Ɔ́wawa baƒɔndane ɔ́du na Gilead kalɛ na uti kalɔ kammɔ ɔsu.