Hosea 13:13 - Katɔti Ɔku Kedee

¹³ Adi ubi ɔdɔlɔdi ɔni néni ɔnii batawɔ-nwu uwi ɔni na nka údu bɔwɔ.

Hosea 13:13 Referans Kwoze

Yesaia 37:3

Na kenye kani na Hesekia ɔ́su-ma ɔnii batásu-nwu ndi ɔnini, “Ɔmwi limeyi lɛmɛni lɛdi kɔnyana limeyi geen ɔni na bédumi-bu na béwi-bu anumi kalɔ. Na buunú ɔlɛ aani uwi ɔni na kawɔƒɔ ubi údu bɔwɔ, nsu ɔyikun ɔ́sa ɔƒɔndane ɔmmɔ na ukyuli ɔni na ɔƒɔ ute-nwu uuubo.

Yesaia 13:8

na liƒu bonwu lɛdubuƒie-ma. Ɔsika badubuduo kɔnyana ku ɔlɛ bunu kemmo aani uleku ɔni ntɛ kɔwɔ uukpóku lɛlɔ. Na ɔdubɔbwɛ ogya uwi-ma anumi, na bana ƒui benye bataanu lɛlɔ kalɛ kadi.

Yesaia 26:17

Búse aani uleku ɔni na ɔtɛ kɔwɔ na uubó adi ka kawɔƒɔ kaadu-nwu. Na lɛni na bɔ́da bɔ́lɛ awɔ Unwoti anumi.

Kɔgya 48:6

Na lɛlɔ lɛɛtɔ́-ma aani uleku ɔni ntɛ kɔwɔ.

Baga 2 19:3

Na bátásu-nwu banini, “Lɛni na Hesekia ɔɔsu, ɔmwi limeyi lɛdi kɔnyana limeyi geen lɛni na bédumi-bu na bákya-bu kɔƒa. Na buse aani uleku ɔni na kawɔƒɔ kaadu-nwu, nsu ulákana bɔwɔ ka ɔyikun ɔ́sa-nwu ɔsu.

Tesalonikaƒuɔ 1 5:3

Na uwi ɔni kemmo na bekyuli baasu banii lɛla biala lɛ́ɛtɛ ni, uwi ɔmmɔ geen na ɔgbankpi adubɔlɛku-ma ɔni na baaagyi beeese. Ɔdububo aani kalɛ na kawɔƒɔ kaadu ɔƒɔndane. Na kekelikɔ kadi keeebo.

Agba 22:3

Ukyuli ɔbuni ɔni mɔɔsia nwuna lɛlɔ anu ni, ɔɔnu ɔgbankpi ɔni mebo taatualaku anumi na uunye lɛlɔ kagyumana. Na bani na bana kasusu kásɔ ni, bɔkɛ kani na baakɛ gyoli gyoli teetéduo ɔgbankpi ku lɛbibo kemmo.

Korintoƒuɔ 2 6:2

Ɔsika Katɔti ɔ́su ɔnii, “Uwi ɔni námanku ka lɛnu-mii kɔnyana ni, línu-mii bɔkpali. 2 Na ka limeyi lɛni na lɛƒɔ-mii lɛnɔ lídu ni, líbunku-mii.” Binu! Mɔɔsu-mii ka ɔƒaani ndi uwi ɔni námanku na Katɔti ɔnu-mii kɔnyana. Na ɔmwi ndi limeyi lɛni na Katɔti ɔƒɔ-mii.

Batalane Kabla 24:25

Amu na uwi ɔni na ulie uudie ala kalɔ taasiku bɔƒɔtaadi ngba buni bulie ku lɛlɔ bɔti bɔda ku litemi bɔtɛ bɔni ndubo diɛdi lɛlɔ ni, liƒu geen lɛ́da Ƒelike. Na mɛni na Ƒelike ɔ́su-nwu ɔnini, “Ta, na eteesie. Na si lɛkɛ kɔnu kaduɛ ni, ndubɔya na balɔ-ɔ bete-mi.”

Yeremia 49:24

Ɔtɔtɔ ɔ́gyu amii Damaskoƒuɔ na bínwini ku liƒu bíkeli bɛɛtɔlɔ. Na bɔyia ku ɔlɛ bunu sɔɔn kemmo.

Yeremia 30:6

Bɔkana na banana badubɔkana na bawɔ? Na bi ɔsu na mɔɔnu-ma ƒuƒuu lɛni na bada bana nƒɔ beesusu ani beleku bani na kawɔƒɔ kaadu?

Yeremia 22:23

Amii bani nli baga kesii kani na béti Lebanon egyii kpakplaa bábla lɛtalagyii na béti ligyii lɛmmɔ bákya kayakun kɔlɛmikɔ kɔmmɔ ƒui akya ni, bɛdubo buteedumo na biteewulo kɔnyana aani uleku ɔni ntɛ kɔwɔ.

Yeremia 13:21

Ama bana lɛlɔ na éti anu ási dii ka badubo-ɔ bubunku. Nsu ɔƒaani ndubɔya na badi-ɔ lɛlɔ. Bi ndi-ɔ kasusu na ɔmmɔ lɛlɔ? Adubo lɛbibo kemmo bɔkya aani uleku ɔni ntɛ kɔwɔ na uunú ɔlɛ.

Yeremia 4:31

Muunú aani si ukyuli muudumo ku keku. Uleku ɔdi ntɛ kɔkwalawɔ? Oowo, Yerusalem na ɔdi mɔɔnwuna taanɔ na ɔtɛ uuvele ka banu-nwu kɔnyana na ɔɔsu ɔnini, “Bukpi na nda! Bádu-mi.”

Yesaia 66:9

Ami Unwoti lɛɛɛdubo bɔya na kaƒɔ kedu bɔwɔ na balawɔ-ka. Na neeetile kawɔƒɔ kenye si ubi údu bɔwɔ.

Yesaia 21:3

Lɛla lɛmɛni lɛ́ya na mina kaƒɔna kádu-mi momoomo aani uleku ɔni ntɛ kɔwɔ, na ɔ́bla-mi aani bɔyila na nda ka línu lɛla lɛni na Katɔti ɔɔwia ka ɔbla. Lɛni na anumi ábla-mi suu na ɔ́bla-mi dɛye dɛye.

Yohane 16:21

Si uleku ɔɔyɔ́ ɔwɔ ni, ubo kɔnyana, ɔsika uwi ɔni na uubo abi údu. Nsu si uwi ɔni na ɔ́wɔ ubi ɔmmɔ ɔ́wɔlɔ ni, ɔɔyiƒala abi ani na úbo. Ɔsika ɔɔkɛ́ ebiti ka ɔ́wɔ ubi ɔ́kya kayawi.

Lɛkpa Ulu 32:6

Ulu ɔni lɛlɔ na bɛdubɔsia bise bina Unwoti kɔdɛ na ɔdi mmɔ? Amii bekyuli badɔlɔdi biiibo kasusu kadi. Unwoti ndi bina Ɔti ku bina Udiene. Na anwu nábla-mii na ɔ́vɔ-mii.

Hosea 5:4

“Na bana ekpidi áya na basɔ balakana na benwini bebo ami bana Katɔti kudɔ, ɔsika lɛsɔnɔdi kɔyu kɔ́ƒɔ-ma lɛlɔ kemmo ƒui, na baaagyi ami bana Unwoti.

Yohane 5:4

Ɔsika Katɔti ɔtu ɔdi uubo uwi uwi teebebwiile ntu bɔmmɔ. Na ɔlɛne udeedi ɔni néduo ntu bɔmmɔ kemmo na muna bubwiile kama ni, ɔlɛ ɔni na uuƒi mmɔ ɔɔba-nwu.