Hosea 13:1 - Katɔti Ɔku Kedee

¹ Si bina batɔnkune baatɛmi ni, lɛlɔ lɛɛtɔ́ ukyuli biala ku liƒu na bɛɛbu-ma geen. Nsu bɛ́bla likpidi na ɔni na bísie bɛɛkpá Baal baƒiɔ ɔsu na báyii udu.

Hosea 13:1 Referans Kwoze

Hosea 11:2

Nsu kɔlɛ kɔlɛ kɔni na mɔɔlɔ-nwu teeboku lɛlɔ aani ubi kalɛ ni, kɔlɛ kɔmmɔ na uusié kama na mina kudɔ. Na baabla akpala teete Baal baƒiɔ na baakyula oloƒui teete ala ani na bávɔ mmɔ.

Luka 14:11

Ɔsika ukyuli biala ɔni makɔli lɛlɔ katɔ ni, Katɔti ɔdububoku-nwu kalɔ. Na ukyuli biala ɔni meboku lɛlɔ kalɔ ni, Katɔti ɔdubɔkɔliku-nwu katɔ.”

Agba 18:12

Lɛlɔ bɔtina ku ukyuli tabu mɔɔgyú taatɔ asa na ukyuli ɔɔyii udu. Na lɛlɔ kalɔ buboku mɔɔtɔ asa na ɔbu ɔɔsia.

Baga 1 12:25

Na uwi ɔmmɔ ni, Ɔga Yerobeam ɔ́tu ɔ́mana Sekem na Eƒraim abi lɛlɔ kalɔ kemmo na uli mmɔ. Ɔmmɔ kama ɔ́ta úsie útáda Panuel ɔma.

Samuel 1 15:17

Mmɔ na Samuel úsie anumi ɔnini, “Uwi ɔni na awɔ ɔlati muedi átanu tɔ lɛlɔ átati ka adi lɛla lɛdi ni, Unwoti úse-ɔ likpo na énwini ɔga na Israel kadi bekyuli adua pii ammɔ ƒui lɛlɔ.

Litemi Batɛne 12:1

Eƒraimƒuɔ banana bálɔ bana bekpone básala na bávia Saƒon na bátásu Yeƒta banini, “Bi ɔsu na ésie na étékpoku Amonƒuɔ na átalɔ-bu na bubebunku-ɔ? Ɔmɛni ɔsu bɔdubo ƒula kaduli bɔkyula bɔsia-a lili.”

Litemi Batɛne 8:1

Amu na Eƒraim Kɔdua bekyuli béye Gideon banini, “Bi ɔsu na ábla-bu lɛni, na átalɔ-bu úwi ɔni na ésela etékpoku Midianƒuɔ na bubebunku-ɔ?” Na bédie-nwu bɔƒiɔ kaduɛ.

Yosua 3:7

Mmɔ na Unwoti ɔ́su Yosua ɔnini, “Lɛla lɛni ndubo bɔbla ɔmwi kadi mɛni ɔdubɔya na Israelƒuɔ bese kalɔ bataabu-ɔ aani ukyuli ubendi na adi. Na badubo bɔnu bɔti ka nlieku-ɔ aani kalɛ kani na lílie-ku Mose.

Bumomo Bɔka 13:16

Banana bamɛni na Mose ɔ́tala ɔnii batánu kalɔ kammɔ. Na Mose násia Nun ubidi Hosea lɛnyi Yosua.

Bumomo Bɔka 13:8

Eƒraim kaba kemmo ukyuli ndi Nun ubidi Hosea.

Bumomo Bɔka 10:22

Ɔmmɔ kama Eƒraim kaba bekyuli nsia na bana esu esu kenye, na Amihud ubidi Elisama ɔtɔnku-ma ku bana likpose aƒlaga.

Ala Kalɔ Buse 2:17

Nsu kugyii kɔni mɔɔyá na ukyuli ɔɔnu lɛbuni ku likpidi taati aku ni, tadi-ku ebi. Ɔsika si ádi kugyii kɔmmɔ ebi ni, bukpi kani na adubo bukpi.”

Korintoƒuɔ 2 5:14

Kristo bɔyɔ bɔni na ubo ute-bu mɔɔdi-bu lɛlɔ. Ɔƒɛni ka bɔ́nu bɔ́ti ka ukyuli unwi nékpi na bekyuli ƒui lili ɔsu ni, ɔmɛni ɔɔtina ka bula ƒui bútu kukpi kɔmmɔ kenye bɔ́nu.

Romaƒuɔ 5:12

Likpidi lɛ́sia ukyuli unwi lɛlɔ na líbo kayawi, na likpidi lɛmmɔ lɛdanku kukpi líboku kayawi. Ɔmɛni ɔsu kukpi kúbo ukyuli biala lɛlɔ. Ɔsika ukyuli biala ɔ́bla likpidi.

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Hiob 29:21

“Bekyuli bése atu bénu-mi butemi uwi biala, na báwia ka benu mina bɔlɛ lɛnɔ.

Hiob 29:22

Na sɔsɔ si lɛ́su-ma lɛla lɛdi ni, basɔ balákya unyeƒi ɔdi, mmomu baaƒɔ́-ni kpoo.

Hosea 2:8

Nsu útati ɔnii antabi ku kamu ku ntɛ buni bɔmmɔ ƒui ni, adi etela ani nási-mi kudɔ. Na nwuna sika ugyiedi ku ɔƒualadi ƒui ni, ami néte-nwu na anwu na ɔda uuyé ala taakpa Baal baƒiɔ.

Hosea 8:4

Bɛ́ƒuna baga ku batɔnkune bíte lɛlɔ, na bíteye-mi kasusu. Na bíti sika ugyiedi ku ɔƒualadi bɛ́bla baƒiɔ bíte lɛlɔ, na ama nákpanku-mii bátákya bɔkywi kemmo.

Yesaia 7:8

ɔsika Damasko ndi ɔma unengudi ƒui na Aram kalɔ lɛlɔ na Damasko ɔmmɔ lɛlɔ ɔdine kani ndi Resin. Ɔƒɛni Israel kalɔ aka ni, na akwa liti ku leevu-ɛlɔ kemmo ni, badubo ɔma ɔmmɔ bɔbwɛ na bayila-nwu udu ƒui.

Hosea 2:10

Na ndubudie-nwu kasɔngya na nwuna bayɔne anumi. Na ɔdi ulakana-nwu bɔƒɔ.