Hosea 12:9 - Katɔti Ɔku Kedee

⁹ “Israelƒuɔ, bɛnu bɛti ka ami Unwoti mmu ndi bina Katɔti kalɛ kani na úse kukuuku uwi ɔni na bɛ́kya Egyipte kalɔ lɛlɔ. Na ɔƒaani ni, ndubo-mii lɛlɔ bunye na bɛsɔ bitélie nvo kemmo kalɛ na bílie na kalɔ kakwiidi kemmo bíbavi.

Hosea 12:9 Referans Kwoze

Hosea 13:4

“Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ. Na Katɔti ɔbambadi ɔdi ɔsɔ uuubo. Ami lɛti ndi anwu ɔni mɔɔƒɔ́ bekyuli.

Samuel 2 7:2

Ɔmmɔ kama ni, ɔ́su Katɔti Kenye Udiene Natan ɔnini, “Ami nli ɔga lɛgbanya lɛni na béti egyii ani na áƒɔ kuye geen bátu. Nsu Unwoti Bunyimi Adaka ɔmmɔ anwu ɔlɛ kevo kemmo.”

Yohane 7:2

Na uwi ɔmmɔ kemmo ni, Yudaƒuɔ ketele kemmo Kevo Kemmo Bulie Emeyi bɔdi uwi úudu.

Yeremia 35:7

Na ɔ́su-bu lɛnɔ ɔnini, ‘Bitatu lɛtɔ na bitesie adingyii mmo bɔdi lɛnɔ. Mmomu biteelie taata ɔ́si likpo linwi úsie likpo bamba. Na si bɛ́di ɔmɛni lɛlɔ ni, bɛdubulie ngba gyɔlɔɔ.’

Kɔgya 81:10

Ami ndi bina Unwoti Katɔti ɔni nákpanku-mii ɔ́siku Egyipte kalɔ lɛlɔ. Ndubɔya na bimo ku ala abuni ƒui si bɛ́nyonu lɛlɔ ƒui bíte-mi.

Esra 3:4

Na kalɛ na bénweni bákya ɔda bubo ɔku kemmo ni, bádi Kevo Kemmo Bulie Emeyi, na bábla bɔkyula akpala bumomo bɔni na bénweni bése béte limeyi biala.

Bumomo Bɔka 15:41

Ami ndi Unwoti bina Katɔti ɔni nákpanku-mii lɛ́siku Egyipte kalɛ na lɛdi bina Katɔti. Ami ndi Unwoti bina Katɔti.’ ”

Lewiƒuɔ Ɔda Bubo 26:13

Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kalɛ na bɛsɔ bilénwini kabla bablane bilete Egyipteƒuɔ. Na ami náƒɛ kɔgba kɔni nda-mii ƒui kalɛ na ɔdia-mii na bɛkɔliku bina eli katɔ na bisie bɛvi kaduɛ.

Lewiƒuɔ Ɔda Bubo 19:36

“ ‘Biti akyami akɔkula ku unu akɔkula ani námanku bitaakɔku ala. Ami ndi Unwoti bina Katɔti ɔni nákpanku-mii ɔ́lɛku Egyipte kalɔ lɛlɔ.

Israelƒuɔ Bɔlɛ 20:2

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Ala Kalɔ Buse 25:27

Bebi bammɔ bálɛ lili na Esau úbenwini ɔgbini geen, na aku kemmo kani na ɔɔví. Na Yakob anwu ni, nwuna udu use kpoo ɔni na uwi biala kevo kemmo kani na ɔkya.

Mika 6:4

Lɛ́ƒɔ-mii lɛ́siku Egyipteƒuɔ enu kemmo kesii kani na nka bɛkya bɛɛbla-ma kabla. Na lɛ́tala Mose ku Aaron ku Miriam nnii batɔnku-mii.

Hosea 2:15

Na ndubɔsɔku nwuna adingyii mmo lite-nwu. Na lɛbibo ɔkwalɛ ɔni kemmo na ala ékpoku-nwu ɔdubo bunwini Lɛnunsia Ɔkwalɛ. Na ɔdubɔtuna ute-mi ɔnii, ‘Ɛɛn,’ aani kalɛ na ɔ́bla uwi ɔni na ɔdi ugblebi na ɔ́si ɔɔlɛ́ Egyipte kalɔ lɛlɔ.

Hosea 11:1

“Lɛ́yɔ Israel uwi ɔni na ɔdi ɔnamu na lɛ́lɔ mina ubi lɛ́siku Egyipte.

Kɔgya 49:7

Nsu ɔdi biala ulakana ɔnwani ngba bɔƒɔ iye ɔƒɔ-nwu lili kayu kadi ute Katɔti na udie-nwu.

Agba 30:12

Baanu lɛlɔ ka badia bagya nsu geen ni, beesé lɛlɔ geen na bátalɛ bɔkpi.

Yeremia 5:27

Bibo likyulikpi na bɛɛnyi ɔkɔ na bɛɛnya bekyuli taakya kalɛ na amii binwini balakɛne na bɛɛdi-ma lɛlɔ ku ɔyikun

Sakaria 11:5

Bekyuli bani muuyé-ma taatádu bakɛ ƒaa ɔni na balani ɔdi kɔtu. Na bani lɛnɔ muuti-ma teeye mmɔ ama enu na baakɔliku katɔ taasu banini, ‘Bɔɔgyá Unwoti enu ka bɔ́kɛ egulabi.’ Na baƒonu bammɔ baládu bana badane muedi kaƒɔ.