Hosea 12:6 - Katɔti Ɔku Kedee

⁶ Anwuɔsu binwini bibo bina Katɔti kudɔ na biwi lɛlɔ buɛɛ na biti bina anu ƒui bɛsia-nwu lɛlɔ. Bɛsu litemi geen na bɛdi nwuna litemi lɛlɔ siin na bɛyɔ-nwu.

Hosea 12:6 Referans Kwoze

Mika 6:8

Unwoti ɔlati ɔ́su-bu lɛla lɛni na ɔlɛka bɔbla. Na lɛla lɛni na ɔɔwia ɔsiku-bu kudɔ ndi ka bɔbla ala ulu lɛlɔ, na butaayɔ bekyuli ku lɛƒɔndia, na buboku lɛlɔ kalɔ buɛɛ, na bɔsiaku-nwu kama siin.

Mika 7:7

Nsu mina anu ƒui asia Unwoti Katɔti lɛlɔ ka ɔƒɔ-mi ngba, na anwu kani na ndubunye ntaanu ulu teete ka unu-mi bɔkpali na ubunku-mi.

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Batalane Kabla 26:20

Lɛ́ka litemi buni bɔsu bute Damaskoƒuɔ ku Yerusalemƒuɔ ku Yudaƒuɔ ƒui ku bani naaadi Yudaƒuɔ lɛnɔ nnii benwini kama bakya bana ekpidi na beti anumi besienku Katɔti kudɔ, na bataabla ala ani mɔɔtina ka bávumana sɔsɔ.

Batalane Kabla 2:38

Amu na Petro ɔ́su-ma ɔnini, “Ɔlɛka bina akɔ ɔdi biala ɔda ekpidi bɔbla ɔya na unwini ubo Blɔti kudɔ, na ɔƒɔ ntu bɔkpila ɔdi na Yesu Kristo lɛnyi kemmo kalɛ na Katɔti uti nwuna ekpidi ɔkyiɛ-nwu, na ukyuli ɔmmɔ wakɛ Katɔti Kɔyu aani kalɛ na Blɔti ɔ́su úse.

Sakaria 8:16

Nsu bɛsu lɛlɔ litemi geen lɛmmɔ, na bɛnu ka bɛɛtɛ etemila na ulu lɛlɔ siin teete bekyuli kalɛ na uboku keyi buɛɛ.

Sakaria 1:3

Nsu si amii bɛdubunwini bibo-mi kudɔ ni, ami lɛnɔ nsɔ lɛɛɛdubo kama bunwini bɔkya-mii.”

Seƒania 3:8

Unwoti ɔnini, “Amii bɛsɔ binye, limeyi lɛni na ndubo amii kadi bekyuli ƒui kɔtɔ bɔdu lɛdubo. Lɛ́ɛlɛ limeyi lɛdi ugyii líse ɔni na ndubo bina kadi bekyuli ku lɛga kɔdikɔ ƒui bɔsala na lɛni-mii kɔtu kaduɛ na mina kɔnyi kpakplaa kemmo. Na kɔnyi kɔmmɔ kɔdubɔkɔ-mi katɔ útédu ka lɛkyula kalɔ kammɔ ƒui.

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Amos 5:24

Mmomu bɛya na litemi lɛlɔ bɔdi ku ala bɔbla ulu lɛlɔ siin unwini aani ketu na kataagba na bina keliela kemmo na kasɔ katakwii kudii.

Yoel 2:13

Ɔɔɔdi bina lɛwu na bɛɛní bɛbwɛ biti bɛtina ka biiwulo kɔnyana. Mmomu binwini bibo-mi kudɔ ku kayi kani muunú ɔlɛ na bina ekpidi ani na bɛ́bla lili. Mɔɔnu kɔnyana na mbo lɛƒɔndia na ndaku ukyuli lɛda. Neeeti kɔnyi buti buti. Na naaayɔ ka ntaani kɔtu lɛnɔ.

Hosea 10:12

Anwuɔsu lɛ́su-ma nnii, ‘Biteegulu kalɔ na bɛgya edula buni ulu lɛlɔ siin na bɛƒɛ kɔnyana bɔnu ebi. Ɔsika uwi údu ka bɛkya lili kalɔ bite ami, bina Unwoti. Na ndubɔya na bɛnu kalɛ na mbo ɔyikun na mɔɔƒɔ́ bekyuli aani kalɛ na ɔnantu ɔɔna teewi kalɔ lɛlɔ.’

Hosea 4:1

Bise atu na binu kɔtɔ kɔni na Unwoti Katɔti ɔɔdú amii Israel kadi bekyuli ƒui! Unwoti uudie bina ƒui bɔƒiɔ na kalɔ kammɔ lɛlɔ ka ɔdi uládi-nwu litemi lɛlɔ siin na bɛɛɛdaku-nwu lɛda lɛnɔ.

Yeremia 22:15

“Egyii kpakplaa buni pii ani na éti átu ƒula kaduli kammɔ kátaya na aƒɔ lɛnyi etulo ƒ'ɔti Yosia. Ɔsika anwu ɔ́bla lɛla biala ulu lɛlɔ siin úte bawabane na ɔɔsu litemi geen lɛmmɔ uwi ndi uwi.

Yesaia 58:6

“Kudii, mmomu lɛla lɛni mɔɔyɔ́ Unwoti kaƒɔ ndi kalɛ na bɛya na bekyuli bani na baanya taakya bakɛ bɔnwuna na belie bete lɛlɔ. Na kalɛ na bekyuli baládi litemi lɛlɔ siin teete bekyuli na únwini aani kɔgba na kɔda bekyuli ɔkwɛ ni, bidie-ku bana ɔkwɛ na bikulo kɔbuli kɔmmɔ ƒui bana lɛlɔ.

Yesaia 40:31

Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Yesaia 31:6

Na Unwoti ɔ́sɔ ɔ́su ɔnini, “Amii Israelƒuɔ, bɛsɔ binwini bibo ami ɔni lɛlɔ na bɛ́ta bínye kpakplaa mmɔ kudɔ.

Yesaia 30:18

Unwoti Katɔti ɔɔyɔ́ geen ka ɔnu-mi kɔnyana ku lɛƒɔndia, ɔsika Unwoti ɔdi Katɔti ɔni mɔɔtɛ litemi na ulu siin lɛlɔ. Na bekyuli bani ƒui muunye taanu-nwu anumi ni, uute-ma kusɛ kusɛ.

Yesaia 8:17

Ndubunye ntaanu mina Unwoti anumi, ɔni nábɛla nwuna anumi ɔ́siku Yakob kaduli bebi kudɔ. Ndubuti mina anu ƒui lɛsia Katɔti lɛlɔ.

Yesaia 1:16

Bɛkpi ntu na bɛbla lɛlɔ sɛɛn. Na bɛsɔ bitaya na ntaanu bina alaekpidi ani na bɛ́bla mmɔ. Na bɛda bina udunkpi ala bɔbla bɛya.

Agba 21:3

Lɛlɔ lɛɛyɔ́ Unwoti si bɔɔbla ala ani mɔɔyɔ́-nwu kaƒɔ teetulo si búti akpala búboku-nwu.

Agba 1:23

Si bunu na bínu-mi bɔdɔnku ni, nka ala ani ƒui nkya-mi kayi kemmo na ndubudie lɛsu-mii, na lɛya na bɛti mina lili kemmo kakali ƒui.

Kɔgya 123:2

Mɔɔnu ulu aani kalɛ na kabla bablane beenye taanu bana ɔtɔlati anumi ka bakɛ lɛla lɛdi. Na aani kalɛ belekubi kabla bablane lɛnɔ beenye taanu bana beni anumi ni, lɛni kani na abu lɛnɔ bunye bɔɔnu Unwoti anumi wetédu ka ɔ́nu-bu kɔnyana.

Kɔgya 37:7

Kɛ bɔnwuna na Unwoti lɛlɔ na akɛ kayi na enye ataanu-nwu anumi. Kayi ketekpoku-ɔ na ala ani mɔɔtɛku ukyuli ɔdi ɔsu, iye ka ukyuli ukpidi kɔkwɛ kɔni na ɔɔkya kɔɔtɛ-nwu ɔsu.

Kɔgya 27:14

Kya ɔkplu na ataanu Unwoti ulu. Enu ataƒɛ-ɔ taanu-nwu anumi.

Ala Kalɔ Buse 49:18

“O Unwoti, nnye mɔɔnu-ɔ anumi ka aƒɔ-bu ngba!

Esekiel 18:30

“Ndubo ɔdi biala litemi bɔtɛku na lɛla lɛni na ɔ́bla kenye. Anwuɔsu bɛda likpidi bɔbla bɛya. Si ɔɔɔdi lɛni ni, ɔ́bla bi ndubo-mii kɔtɔ bɔni.

Yoel 2:12

Unwoti ɔnini, “Útakpɛ tɔ kama útavili. Bɛkana na binwini bibo-mi kudɔ ku bina kayi ƒui. Bise keku kalɔ ku buwulo ku kɔnyana! Na binyimi kenye.

Israelƒuɔ Bɔlɛ 3:15

Na Katɔti ɔ́sɔ ɔsu Mose ɔnini, “Su Israelƒuɔ anini, ‘Bina bati kuuku Abraham Katɔti ku Isak Katɔti ku Yakob Katɔti nátála-mi ɔ́kya-mii.’ Na lɛnyi lɛmɛni na mɔɔdi úsela uwi ƒui na ani na bina bawɔ bawɔ badubuti beteenyimo-mi ɔ́si kaba úsie kaba.”

Amos 4:13

“Ami nédie abi ku ɔƒɛƒɛɛ. Na ami mɔɔyá na bekyuli baatí mina kasusu. Na ami mɔɔyá na ɔƒɛ kadi kaasá. Na mɔɔkɔ́ taayu abi ammɔ ƒui eli ku kesi kesii. Ami ndi Unwoti Katɔti Ɔyikune Ƒui ɔmmɔ!”