Hosea 12:11 - Katɔti Ɔku Kedee

¹¹ Alaekpidi ani na baabla na Gilgal ábɔ ágya na badubo babayii udu na kawɔlɔkɔ. Baadú ɔmantɛ bakɔ taakpa na bana akpabi ani na béti atabi bátu mmɔ lɛlɔ. Nsu badubo atabi ammɔ ƒui bugyingya bɔ́kya alakpi akɔ na kalɔ kammɔ kemmo.

Hosea 12:11 Referans Kwoze

Hosea 8:11

“Israelƒuɔ, bɛ́tu akpabi pii bíte lɛlɔ kesii kani na bɛɛkpá bina ekpidi bɔbla akpala. Na akpabi ammɔ énwini ekpidi kablakɔ akpabi.

Hosea 6:8

Na Gilead kalɔ kemmo ni, alaekpidi bonwu bablane ku bekyuli badune báƒɔ-ka tɛtɛɛtɛ. Na bekyuli bani na bɛ́du mmɔ ubugya ɔ́ƒɔ-mii enu ƒui.

Hosea 4:15

“Israel, ina ka aadi kɔsɔnɔ ni, taya na Yuda ɔbla likpidi. “Na teduo Gilgal ɔma kemmo iye esie Bet Awen lɛnɔ na enye mmɔ ese kenye kadi na Unwoti ɔni nli ngba uwi ƒui lɛnyi kemmo!

Hosea 9:15

Unwoti ɔnini, “Bana ulikplu ala ani na bábla na Gilgal na lɛ́nu ɔsu muukisi-ma geen. Na bana alaekpidi ɔsu ndubo-ma bɔbɔku budie mina kaduli na nsɔ lɛɛɛdubo-ma bɔyɔ, ɔsika bana batɔnkune bálɛ-mi kama.

Hosea 10:1

Nka ntɛ kugyii kɔbuni kɔni mɔɔnwu ebi na adi. Nsu kalɛ kani na aanwu ebi pii ni, lɛni kani na aatú akpabi pii teete lɛlɔ. Na kalɛ kani na keyi kaadianku-ɔ ni, lɛni kani na aatú aƒiodu ani mɔɔdia-a bɔnu teete ƒula baƒiɔ.

Yona 2:8

Bani mɔɔkpá baƒiɔ ku bani neeebo kɔsia kɔdi bénwini kama bákya awɔ ɔni mɔɔbla-ma lɛƒɔndia.

Amos 5:5

Na bitesie Gilgal iye Betel iye Beer-Seba. Ɔsika Gilgal ku nwuna bekyuli bammɔ ƒui kekpo kadubo kebeƒie-ma na beti-ma batɔlɔku. Na bayila Betel udu kede kede na ɔsɔ uladi lɛla lɛdi.”

Amos 4:4

“Na kalɛ na bina kayi kaatina-mii si bɛɛyɔ́ ni, bisie Betel ku Gilgal na bɛbla bina ekpidi bɛsia kama kɔlɛ kɔlɛ na mmɔ. Na kadi biala megye na ɔmmɔ kama na bitábla bina akpala. Na emeyi atɛ biala kama na bitéte bina akɛla lɛkpa leevudi.

Yeremia 10:15

Baƒiɔ badi aƒiankula ku amala na si uwi ɔbuni úbo úbedu ni, badubo-ma udu bɔyila ƒui.

Yeremia 10:8

Ala ani na bánwi iye bávɔ bábla baƒiɔ baaadi lɛla lɛdi. Na ukyuli biala ɔni mɔɔkpá-ma ɔdi ɔdɔlɔdi!

Yeremia 2:28

Biteesie bitéwulo bɛkya baƒiɔ bani na bɛ́bla bíte lɛlɔ mmɔ si badubɔkana-mii bubunku. Bémomo aani kalɛ kani na bina lɛma limomo.

Yeremia 2:20

“Na kuuku uwi ɔni návi kemmo ni, bídie-mi atu na bíni ka lɛdi-mii lɛlɔ, na bɛnii bɛsɔ bilabla-mi kabla. Na ɔƒaani ni, baƒiɔ bammɔ na bɛɛkpá na biisié lɛlɔ kudɔ ɔnana ku uleku na egyii bonwu ammɔ ɔyuli kalɔ na abi eli.

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Hosea 10:2

Ɔkɔ ɔnyine bonwu na adi na aládi litemi lɛmmɔ lɛlɔ. Anwuɔsu adubo ƒula ekpidi lili kayu bɔƒɔ, ɔsika Unwoti ɔdubo ƒula akpabi ku baƒiɔ bani na ávɔ mmɔ bɔbwɛ na ɔyila-ma udu.

Bumomo Bɔka 12:6

ɔ́su-ma ɔnini, “Binu etemila ani ndubo-mii bɔsu mɛni. “Si Unwoti kenye udiene ɔdi ɔkya-mii akɔ ni, muudie lɛlɔ taatina-nwu na kɔyu kemmo ala budie bɔtina kemmo iye kɔna kemmo na mɔɔtɛmiku-nwu.

Baga 2 17:13

Unwoti úbo-ma ɔda geen ɔkɛnku nwuna bekyuli ku kenye bediene bani na ɔ́tala ɔ́kya Israelƒuɔ ku Yudaƒuɔ lɛlɔ ɔnini, “Binwini bina ɔbladu ukpidi ɔmmɔ kama. Na bitaadi mina ɔda bubo ku mina bunyimi lɛlɔ ɔkɛnku ɔda bubo bɔni ƒui na líte bina bati ka bataadi-mu lɛlɔ ku kalɛ na mina kabla bablane ku kenye bediene básu-mii lɛlɔ.”

Esekiel 17:2

“Esekiel, ɔyawine ubi, ti litemi lɛmɛni tásu Israel kadi bekyuli