Hosea 12:10 - Katɔti Ɔku Kedee

¹⁰ Lɛ́tɛmiku mina kenye bediene na lɛ́ya na bánu kɔyu kemmo ala. Na lɛ́sia-ma lɛlɔ líbo-mii agba na líte-mii bɔti na ala pii lɛlɔ.”

Hosea 12:10 Referans Kwoze

Baga 2 17:13

Unwoti úbo-ma ɔda geen ɔkɛnku nwuna bekyuli ku kenye bediene bani na ɔ́tala ɔ́kya Israelƒuɔ ku Yudaƒuɔ lɛlɔ ɔnini, “Binwini bina ɔbladu ukpidi ɔmmɔ kama. Na bitaadi mina ɔda bubo ku mina bunyimi lɛlɔ ɔkɛnku ɔda bubo bɔni ƒui na líte bina bati ka bataadi-mu lɛlɔ ku kalɛ na mina kabla bablane ku kenye bediene básu-mii lɛlɔ.”

Esekiel 20:49

Nsu lɛ́kya unyeƒi na lɛ́su nnini, “Unwoti Katɔti, naaayɔ ka lɛbla lɛla lɛmmɔ udu! Bekyuli ƒui baasu ɔ́si kukuuku banii muuƒú-ma taakya ku mina linyesia lɛni na muuti teeboku-ma.”

Yoel 2:28

“Na ɔmmɔ kama ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Yeremia 19:1

Unwoti ɔnini, “Yeremia, sie ebui ɔvɔne ala kavɔkɔ na etéye libui lɛdi. Na akpanku ɔma ɔmmɔ bakutine ku bakpane benengu ada.

Yeremia 7:25

Ɔ́si uwi ɔni ƒui na bina bati kuuku bátɔlɔ Egyipte ni, uwi ɔmmɔ kani lɛlɔ na mɔɔtala mina kabla bablane kenye bediene taakya-ma nnii babatɛmiku-ma.

Korintoƒuɔ 2 12:7

Nsu kalɛ na ulabla aani lɛlɔ na mɔɔtalaku katɔ na ala ebendi ani na lɛ́nu lɛlɔ ɔsu ni, Katɔti úte kuƒi na ɔ́ya na ɔlɛ ɔdi úbo-mi lɛlɔ. Satan ɔ́tala nwuna ɔtu ɔdi na ɔ́bla ɔmɛni ɔni na ɔɔyá na muunú ɔlɔna ɔlɛ ɔdi kalɛ na naaatalaku lɛlɔ katɔ.

Korintoƒuɔ 2 12:1

Ɔdi ka lɛkun lɛmɛnɛ ina ka kɔsia kɔdi kuuubo-nwu kemmo. Na amii ɔsu na ndubusie anumi ntaasu ala ani na Blɔti údie ɔ́tina-mi.

Batalane Kabla 2:17

Ɔ́su ɔnini, “Na emeyi ekplodi kemmo ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Amos 7:14

Amu na lídie kenye nnini, “Lɛɛɛdi Katɔti Kenye Udiene ɔni mɔɔbla kabla taaƒɔ egulabi adi. Baƒonu ɔdane na ndi na mɔɔnu adingyii lɛnɔ lɛlɔ.

Hosea 3:1

Katɔti ɔ́sɔ ɔ́tɛmiku-mi uwi bamba. Na uwi ɔmɛni kemmo ni, bɔsu na ɔ́su-mi ndi ɔnii, “Hosea, ya na ƒula bɔyɔ bɔsɔ bunwini butásia uleku ɔni nálɛ-ɔ kama lɛlɔ, na úudie ɔsɔnɔ ɔni ndi-nwu ɔyɔne. Bla ɔmɛni na eti atina ka mɔɔyɔ́ Israel kadi bekyuli, ina ka bakya baakpá baƒiɔ na adila ani na bábla béte-ma ku egyiibi mmɔ aada-ma ebiti.”

Yeremia 25:4

Unwoti ɔ́tala kenye bediene ɔ́kya-mii kɔlɛ kɔlɛ, nsu bíni na bítenu-nwu litemi.

Yeremia 19:10

“Na si uwi ɔni na ásu ɔmɛni ni, Yeremia, na ebo libui lɛmmɔ abwɛ na bekyuli bammɔ anumi mmɔ kani.

Nehemia 9:30

Na ákɛku-ma kayi akwa pii. Na átala ƒula kɔyu ákya ƒula kenye bediene ka basu-ma ɔkplu bɔkya etemila. Nsu ɔmɛni kama ƒui ni, bétenu ƒula litemi. Anwuɔsu ányonu-ma éte bana liku bekyuli.

Baga 1 19:10

Amu na Elia údie kenye ɔnini, “Lɛ́sia anu kpakplaa na lɛ́kpa Unwoti Ɔyikune Ƒui uwi biala. Na Israelƒuɔ béni ƒula bunyimi na bábwɛ ƒula akpabi. Na bádu ƒula kenye bediene ƒui ku lɛkɛɛ, na ami lɛti nébu. Na ɔƒaani benye baawia kuƒi ka badu ami lɛnɔ.”

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Baga 1 13:1

Na Unwoti ɔda bubo kenye ni, kenye udiene ɔdi ɔ́si Yuda úsie Betel uwi ɔni na Yerobeam unye lɛkpabi anumi ka ɔbla akpala.

Bumomo Bɔka 12:6

ɔ́su-ma ɔnini, “Binu etemila ani ndubo-mii bɔsu mɛni. “Si Unwoti kenye udiene ɔdi ɔkya-mii akɔ ni, muudie lɛlɔ taatina-nwu na kɔyu kemmo ala budie bɔtina kemmo iye kɔna kemmo na mɔɔtɛmiku-nwu.

Esekiel 17:2

“Esekiel, ɔyawine ubi, ti litemi lɛmɛni tásu Israel kadi bekyuli

Israelƒuɔ Bɔlɛ 20:2

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Lewiƒuɔ Ɔda Bubo 23:42

Na uwi ɔmmɔ kemmo Israelni biala ɔlɛka ulie kevo kemmo.

Hosea 13:4

“Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ. Na Katɔti ɔbambadi ɔdi ɔsɔ uuubo. Ami lɛti ndi anwu ɔni mɔɔƒɔ́ bekyuli.