Hosea 11:3 - Katɔti Ɔku Kedee

³ Ami náda Israelƒuɔ kɔnu na lɛ́tina-ma kalɛ na beesié. Nsu bátanu bátati banii ami nábwi-ma.

Hosea 11:3 Referans Kwoze

Yeremia 30:17

Ukyuli biala ulawia ka udie-ɔ kakpana na ɔɔɔdaku-ɔ lɛda lɛnɔ si lɛla lɛdi mɔɔlɛ́ku-ɔ. Nsu ndubo-mii bɔbwi ƒui bɔsiku bina lɛlɛ lɛni nda-mii kudɔ na lɛlɔ lɛsɔ lɛbla-mii sɛɛn na bɛsɔ bɛkɛ bina ɔlɔkplu.”

Lɛkpa Ulu 1:31

ku kalɔ kakwiidi kemmo. Na bɛ́nu kalɛ na ɔ́da-mii na úti-mii úbedu kesii kani bɔkya mɛni aani kalɛ na ubi ɔti ɔɔda ubidi.”

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Hosea 7:15

Ina ka ami náda-ma na lɛ́tina-ma ala ɔsu na bagyi lɛla lɛni na bagyi ni, báta bénye-mi lɛlɔ.

Batalane Kabla 13:18

Na ɔ́nu-ma lɛlɔ na ketele kemmo ɔni na bákɛ baaví laa na akwa aavlene kemmo.

Hosea 14:4

“Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ.

Hosea 7:1

“Na uwi biala na nnii mɔɔbwi mina kadi bekyuli Israelƒuɔ lɛsiku bana lɛlɛ lɛni na beeƒi kudɔ ni, kalala ku ɔkɔ bɔnyi ku ekpidi lidu bamba kani na mɔɔnu. Na beyune baabwɛ teeduo bekyuli kɔduli na bakɛ lilu lɛlɔ ƒui baaví.

Hosea 2:8

Nsu útati ɔnii antabi ku kamu ku ntɛ buni bɔmmɔ ƒui ni, adi etela ani nási-mi kudɔ. Na nwuna sika ugyiedi ku ɔƒualadi ƒui ni, ami néte-nwu na anwu na ɔda uuyé ala taakpa Baal baƒiɔ.

Yesaia 63:9

Na si ɔ́nu ka béduo lɛbibo lɛdi kemmo ni, uukpóku Unwoti geen na ɔɔyá na nwuna katɔ ɔtu uusié taatáƒɔ teete-ma. Unwoti ɔ́nu kɔnyana geen anwuɔsu na údie nwuna bekyuli ɔ́lɛku bana bubie kemmo. Ɔ́nu-ma lɛlɔ akwa ammɔ kemmo ƒui na use aani bɔgyu na ɔ́gyu-ma ɔda nwuna enu kemmo.

Yesaia 46:3

“Amii bani nébu na Israel kalɔ lɛlɔ binu ami Unwoti lɛdi. Ɔsika ɔ́si limeyi lɛni na báwɔ-mii kani na líse kalɔ mɔɔnu-mii lɛlɔ, na nda-mii mɔɔvínku.

Yesaia 30:26

Kɔbuli kɔdubo buteekeye nwaa aani ɔƒɛ, na ɔƒɛ bukeye bɔdubo katɔ bɔkɔ geen akpa maatɛ aani emeyi maatɛ ɔƒɛ bukeye na básala. Katɔti ɔdubɔmana nwuna bekyuli alɛbi ani na báƒɔ na ekpi, na udie ɔgbankpi ɔmmɔ bana lɛlɔ.

Israelƒuɔ Bɔlɛ 23:25

Bɛkpa ami bina Unwoti Katɔti lɛti pɛ, na mina kusɛ kusɛ ɔdubo-mii bɔsiaku na bɛkɛ bɛdi na bɛkɛ bɛni. Na ndubo ɔlɛ biala bɔda budie bina akɔ.

Yeremia 8:22

Bi ɔsu na balábwi mina bekyuli si evogyii ku ana bablane bakya Gilead?

Yesaia 1:2

Binu, amii bani nkya katɔ ƒui! Na bise atu, amii kalɔ lɛlɔ bekyuli! Ɔsika Unwoti ɔ́su kenye kadi ɔnini, “Lɛ́tumini bebi na lɛ́da-ma na bábi lɛlɔ, nsu báta bénye-mi lɛlɔ.

Lɛkpa Ulu 8:2

Na bitayiƒala kalɛ na bina Unwoti Katɔti ɔ́tɔnku-mii na kalɔ kakwiidi kamɛni kemmo akwa aavlene. Ɔ́bla ɔmɛni ɔnii ɔɔnu si bɛdubɔti ka anwu nda-mii. Na ɔkɔku-mii ɔnu si bina kasusu kadubɔsia-nwu lɛlɔ na bɛdi nwuna ɔda bubo lɛlɔ.

Israelƒuɔ Bɔlɛ 19:4

‘Amii alati bɛ́nu ku bina anumi lɛla lɛni na lɛ́bla Egyipteƒuɔ ku kalɛ na líti-mii aani kalɛ kɔdigbo aasɛ uuti nwuna bebi taasia nwuna avwi lɛlɔ líboku mɛni.

Kɔgya 107:20

Ɔ́bɔku ɔlɛ ɔmmɔ na ɔ́ba-ma na básɔ bétekpi.

Lɛkpa Ulu 33:27

Na Katɔti kani muukpó bina kekpo ƒui teete-mii. Na nwuna enubɔ mɔɔyá na bulayia. Na anwu mɔɔgyú taatɔ teetékpo taadi bina bekisine lɛlɔ. Na ɔ́su-mii ɔnini, ‘Biteesie! Na bitayia-ma!’