Hosea 1:7 - Katɔti Ɔku Kedee

⁷ Nsu ami ndi Yudaƒuɔ Unwoti Katɔti na ndubɔnu-ma kɔnyana na ndubudie-ma na libunku-ma ɔkɛnku ami ɔlati ɔyikun kemmo. Na ɔɔɔdi kekpo na badubo bukpo iye kɔtaminta iye kuwii kɔni na bekyuli bani muulie bapɔnkɔ lɛlɔ badubɔtu bekyuli ɔsu.”

Hosea 1:7 Referans Kwoze

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Baga 2 19:35

Na usien ɔmmɔ ni, Unwoti ɔtu ɔdi úsie Asiriaƒuɔ bekpone kakyakɔ, na ɔ́du bekpone mpim eti atɛ ku avlaatɛ-ɛlɔ (185,000). Na ka kadi kégye ni, bánu ka bekpine bewi mmɔ bamana.

Hosea 11:12

Israelƒuɔ baanyi ɔkɔ taatɔlɔ bana Unwoti Kedee ɔni mɔɔdi nwuna litemi lɛlɔ uwi biala teete bekyuli ku bana ɔkɔ etemila pii ammɔ. Na Yuda lɛnɔ unye nwuna lɛƒiɔkpa lɛlɔ.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”

Kɔgya 33:16

Ɔga ɔdi uládi lɛlɔ na nwuna bekpone bumomo ɔyikun ɔsu. Lɛni kani na ukpone lɛnɔ uládi lɛlɔ, ɔsika ubo ɔyikun unengudi ɔdi ɔsu.

Samuel 1 17:47

Lɛla lɛdi litatɔlɔ-ɔ, ɔsika Unwoti mɔɔyá na ukyuli ɔɔdi lɛlɔ, na ɔɔɔdi kewii iye lɛtula ɔyikun kemmo. Ɔsika kekpo kammɔ kadi Unwoti kadi. Na anwu ɔmmɔ ndubɔya na bɔdi-ɔ lɛlɔ lɛnɔ.”

Baga 2 19:29

“O Hesekia, ɔmɛni ndubɔbla ƒula likposela. “Na lɛkwa lɛmɛni kemmo ni, edula ani na anya alati nákwɛ na adubo bɔdi. Na lɛkwa bamba ni, edula akukudi ani násɔ áta ebi na adubo bɔdi. Nsu lɛkwa lɛtɛdi ni, awɔ ɔlati kya edula na aƒɛ-nya na ese adingyii mmo na ede ebi ammɔ adi.

Yesaia 30:18

Unwoti Katɔti ɔɔyɔ́ geen ka ɔnu-mi kɔnyana ku lɛƒɔndia, ɔsika Unwoti ɔdi Katɔti ɔni mɔɔtɛ litemi na ulu siin lɛlɔ. Na bekyuli bani ƒui muunye taanu-nwu anumi ni, uute-ma kusɛ kusɛ.

Yeremia 25:5

Básu-mii ka Unwoti ɔsu ɔnini, ‘Bɛvumana bina ngba uliedu! Na si bɛ́bla lɛni na bɛda likyulikpi ala bɔbla bɛ́ya ni, ndubɔya na bilie kalɔ kani na líti líte bina bati kuuku mɛni lɛlɔ uwi ƒui.

Yeremia 25:6

Naaayɔ nnii mɔɔbla-mii likpidi lɛdi. Anwuɔsu bitakya-mi kɔnyi na bina baƒiɔ ku ala bamba adi bɔkpa ɔsu.’

Yeremia 33:26

Lɛni kani na lɛɛɛdubo Abraham ku Isak ku Yakob bawɔ buni iye libile kenye kani na líse-ma ka nwuna bawɔ ndubo lɛga butaadi uwi biala kudii. Ndubo mina kadi bekyuli Israelƒuɔ lɛƒɔndia lɛdi bɔbla na ala asɔ adianku-ma.”

Hosea 1:8

Amu na uwi ɔni na Goma ɔ́da ubidi Lo-Ruhama lɛnyi bute ɔ́ya ni, ɔ́sɔ ubada kaƒɔ na ɔ́wɔ ɔnanabi ɔbambadi.

Israelƒuɔ Bɔlɛ 14:13

Amu na Mose ɔ́su Israelƒuɔ bammɔ ɔnini, “Liƒu litada-mii. Binye kpakplaa na bɛdubɔnu kalɛ na Unwoti ɔdubukpo ute-mii ɔmwi kadi. Na mɔɔsu-mii ka Egyipteƒuɔ bani na bɛɛnu ɔmwi mɛni ni, bɛsɔ bɛɛɛdubo-ma bɔnu kudii.

Israelƒuɔ Bɔlɛ 14:30

Na limeyi lɛmmɔ Unwoti úkpo ɔ́ƒɔ Israelƒuɔ ɔ́lɛku Egyipteƒuɔ enu kemmo. Na Israelƒuɔ bánu kalɛ Egyipteƒuɔ bamɛni békpi bewi ɛpu kɔtu.

Baga 2 6:18

Uwi ɔni bekisine bammɔ báni beedé Elisa ni, Elisa ɔ́kpali Katɔti ɔ́su ɔnini, “Ya na bekyuli bamɛni anumi abwɛ-ma.” Na sɔsɔ anumi ábwɛ-ma aani kalɛ na Elisa úvele.

Baga 2 19:34

Na ndubɔgyumana na likpo lɛƒɔ ɔma ɔmmɔ, na mina lɛnyi ku mina kabla ɔblane Dawid ɔsu.’ ”

Kɔgya 44:7

Nsu awɔ mɔɔyá na bɔɔdi bula bekisine lɛlɔ. Na áya na kɔƒa kúkpo ama bani ƒui muukisi-bu kpakplaa mmɔ.