Hosea 1:1 - Katɔti Ɔku Kedee

¹ Unwoti ɔ́su Hosea, Beeri ubidi, kenye kadi uwi ɔni na Yuda baga Usia ku Yotam ku Ahas ku Hesekia bélie bádi lɛga ɔdi biala ku nwuna uwi, na Yeroboam, Yoas ubidi, lɛnɔ ɔ́di lɛga na Israel.

Hosea 1:1 Referans Kwoze

Romaƒuɔ 9:25

Na lɛni na Katɔti ɔ́su na Kenye Udiene Hosea ɔku kemmo ɔnini, “Bekyuli bani na nka baaadi mina badi ni, ndubɔlɔ-ma mina bekyuli. Na bekyuli bani na nka baaadi mina bayɔne ni, ndubɔlɔ-ma mina bayɔne.

Mika 1:1

Unwoti ɔ́su Mika Moresetni kenye kadi, na ala amɛni adanku Samaria ku Yerusalem lɛma linengudi lɛmmɔ na uwi ɔni na Yuda baga Yotam ku Ahas ku Hesekia bélie bádi lɛga ɔdi biala ku nwuna uwi kemmo.

Yesaia 1:1

Yesaia ɔni ndi Amos ubidi ɔ́nu kɔyu kemmo ala budie taatina adi na adanku Yuda ku Yerusalem. Útaanu ala amɛni na uwi ɔni na Usia ku Yutan ku Ahas ku Hesekia bélie bádi lɛga na ɔdi biala uwi kemmo na Yuda kalɔ lɛlɔ.

Amos 1:1

Unwoti ɔ́su Amos kenye kadi uwi ɔni na útaanu baƒonu lɛlɔ na Tekoa. Na kenye kammɔ kadanku Israel na uwi ɔni na Usia ɔɔdi lɛga na Yuda kalɔ lɛlɔ, na Yeroboam Yoas ubidi ɔɔdi lɛga na Israel kalɔ lɛlɔ akwa anyɔ kama asa na kalɔ kadubɔkunku.

Baga 2 15:32

Na lɛkwa linyɔdi kemmo ka Amalia ubidi Peka ɔɔdi lɛga na Israel ni, bése Usia ubidi Yotam lɛga na Yuda.

Baga 2 14:16

Na Yehoas úkpi na báva-nwu na Samaria baga kavakɔ na ubidi Yerobeam úti-nwu keliekɔ aani ɔga kalɛ.

Petro 2 1:21

Ɔsika kenye bediene bátasia lɛla lɛni na ukyuli ɔɔyɔ́ kenye bátasu lɛla lɛdi bétese. Mmomu Katɔti Kɔyu náƒɔ-ma lɛlɔ kemmo ƒui na kɔ́ya na básu kenye kani nási Katɔti ɔlati kudɔ bése.

Yohane 10:35

Na bɔgyi ka lɛla lɛni na bénweni bákya Bunweni Kedee Ɔku kemmo ni, lɛdi litemi geen lɛni nse lísela uwi ƒui. Na mmɔ na Katɔti ɔ́lɔ bekyuli bani na ɔ́ya básu nwuna litemi buni ɔnii, ‘Bise aani Katɔti.’

Sakaria 1:1

Uwi ɔni na Dario ɔɔdi lɛga lɛkwa linyɔdi kɔbuli maanedi kemmo ni, Unwoti ɔ́su Kenye Udiene Sakaria kenye kadi. Na ɔti ndi Berekaia ɔni ɔti ndi Ido.

Yona 1:1

Unwoti ɔ́su Yona, Amitai ubidi, kenye kadi ɔnii,

Yoel 1:1

Unwoti ɔ́su Petuel ubidi Yoel kenye kadi.

Yeremia 1:4

Uwi ɔmmɔ ni, Unwoti ɔ́su-mi ɔnini,

Yeremia 1:2

Na ɔ́ƒɔ Unwoti linyesia lɛmɛni uwi ɔni na Amon ubidi Yosaia ɔɔdi lɛga na Yuda kalɔ lɛlɔ lɛkwa leevu-lɛtɛdi kemmo.

Baga 2 13:13

Na Yehoas úkpi na báva-nwu na Samaria baga kavakɔ, na ubidi Yerobeam úti-nwu keliekɔ aani ɔga kalɛ.

Baga 2 14:23

Na lɛkwa leevu-lɛlɔndi kemmo ɔni na Amasia, Yudaƒuɔ Ɔga Yoas ubidi, ɔɔdi lɛga ni, bése Yehoas ubidi Yerobeam lɛga na Israel, na ɔ́di lɛga lɛmmɔ na Samaria akwa aavlene-unwi.

Baga 2 15:5

Unwoti ɔ́ya ɔlɛgyie úwi ɔga ɔmmɔ, na ɔlɛ ɔmmɔ ɔ́da-nwu útédu nwuna likpimeyi, anwuɔsu kaduli bamba na ɔ́kya na ɔsɔ ulábla lɛla lɛdi. Ɔmmɔ ɔsu ubidi Yotam nélie ɔga kaduli kammɔ útaadi kalɔ kammɔ lɛlɔ.

Baga 2 15:7

Asaria úbekpi na báva-nwu bédenku nwuna bati na Ɔga Dawid ɔma unengudi ɔmmɔ kemmo, na ubidi Yotam úti-nwu keliekɔ aani ɔga kalɛ.

Ala Alɛdi 2 27:1

Akwa aavlanyɔ-alɔ na Yonatan ɔ́ƒɔ asa na bése-nwu Yudaƒuɔ lɛga. Na úlie Yerusalem ɔdi lɛga akwa leevu-aku. Sadok ubidi ulekubi ɔni baalɔ banii Yerusa ndi uni.

Ala Alɛdi 2 28:1

Ahas ɔ́ƒɔ akwa aavlanyɔ asa na bése-nwu Yudaƒuɔ ɔga. Na úlie Yerusalem mmɔ ɔ́di lɛga akwa leevu-aku. Ahas ngba bulie bútasiaku nwuna nana ati Dawid bɔdi lɛlɔ na ulu biala lɛlɔ munu munu, ɔsika Ahas útasiku Unwoti kama siin.

Ala Alɛdi 2 29:33

Na bada ɔmantɛ bakɔ eti leevu-anyɔ ku baƒonu mpim ɛtɛ béboku banii bakyula na béti ɔmmɔ beevele Unwoti kusɛ kusɛ ka ɔsiaku-ma.

Yesaia 7:1

Uwi ɔni na Ahas ɔni ɔti ndi Yotam, na ɔdi Usia uwɔ, ɔɔdi lɛga na Yuda ni, Aramƒuɔ Ɔga Resin ku Ramalia ubidi ɔni baalɔ Peka na ɔɔdi lɛga na Israel kalɔ lɛlɔ báta banii bebékpo Yerusalem, nsu bátakana na badi Yerusalem lɛlɔ.