Hiob 9:4 - Katɔti Ɔku Kedee

⁴ Nwuna lɛnunda kemmo kágyu, na nwuna ɔyikun uuubo bɔka. Ɔma náta únye Unwoti lɛlɔ dii na úse-nwu buɛɛ?

Hiob 9:4 Referans Kwoze

Hiob 36:5

“Na ina ka Katɔti ɔdi Ɔyikune Ƒui ni, uleni ukyuli ɔdi, mmomu ɔɔnu lɛla biala kemmo kaduɛ.

Eƒesoƒuɔ 3:20

Bimwi Katɔti ɔni nda nwuna ɔyikun ɔɔbla kabla teetulo kalɛ na buuvele iye bɔɔkali muedi.

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Agba 29:1

Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Hiob 9:19

Si banii nkpoku-nwu ku ɔyikun ni, ubo ɔyikun utulo-mi ƒui. Na si litemi bɔtɛ na bɔdi ni, ɔma ndubɔlɔ-nwu katɛ?

Eƒesoƒuɔ 1:19

Na bɛnu lɛnɔ kalɛ na Katɔti ɔyikun ɔɔbla kabla geen kani neeebo bɔkɔku bɔdi na nwuna baƒɔtaadine akɔ bɛti. Na ɔyikun ɔni nkya-bu lɛlɔ kemmo mɛni ni, útavumanaku ɔyikun unengudi

Eƒesoƒuɔ 1:8

Lɛƒɔndia lɛni neeebo bɔkɔku bɔdi. Ɔkɛnku nwuna lɛnunda ku kalɛ na nwuna kasusu kagyi lɛla biala ɔsu ni,

Korintoƒuɔ 1 10:22

Munuu bɛɛyɔ́ ka Blɔti uti nwuna kɔnyi ɔkya-bu? Bitaya bɔkali bɔnii bubo ɔyikun butulo-nwu.

Romaƒuɔ 11:33

Katɔti úbomo geen na ala abuni ƒui ási-nwu kudɔ. Na geen ni, ɔ́da anu na ɔgyi ala ƒui kemmo kaduɛ. Ukyuli ɔdi ulénu ulu ɔni lɛlɔ na ɔɔsia taatɛ litemi kalɔ. Na ukyuli ɔdi ulénu lilu lɛni lɛlɔ na ɔɔsia taabla nwuna ala kalɔ.

Daniel 2:20

“Bula Katɔti, bemwi ƒula lɛnyi kedee ɔ́si ɔƒɛni úsela ƒui. Awɔ ndi ɔyikune ƒui na agyi lɛla biala.

Agba 28:14

Kusɛ kusɛ ɔsiaku bekyuli bani na bana kasusu kese siin. Nsu belikplune bésela betéduo ɔgbankpi bonwu kemmo.

Kɔgya 136:5

Bɛgya anwu ɔni nkɛnku nwuna lɛnunda bonwu kemmo na údie katɔ ku kana ala ƒui enu. Ɔsika ɔɔyɔ́-bu uwi ndi uwi.

Kɔgya 104:24

O Unwoti ábla ala pii ɔkɛnku ƒula lɛnunda lɛlɔ. Na áya na ƒula ala ediedi áƒɔ kalɔ kammɔ ƒui lɛlɔ.

Hiob 40:9

Bɔbla na ƒula kɔnu kɔɔbla ɔyikun ala, na ƒula lɛdi lɛnɔ libo ogya mina kalɛ?

Hiob 12:13

“Nsu ɔna ƒui kawɔlɔkɔ ni, Katɔti ndi lɛnunda ku ɔyikun ƒui kasikɔ. Na anwu mɔɔtina-bu kasiakɔ ku ala kalɔ bunu.

Hiob 11:6

Na ɔsu-ɔ ka lɛnunda lɛɛɛdi unwi, na abɛla lɛnɔ akya-nwu kemmo. Ɔlɛka ɔbla-a nwaa ka bɔyiƒala muedi na Unwoti ɔ́yiƒala ƒula ekpidi adi bene.

Hiob 6:10

Na si bɔbla na ɔbla ɔmɛni ute-mi ni, nka ndubɔƒulu ku ebiti ina ka muunú ɔlɛ na mina lɛlɔ kemmo. Ɔsika ngyi ka Unwoti use kedee, na ńtata ńtenye nwuna litemi lɛdi lɛlɔ kudii.

Ala Alɛdi 2 13:12

Ɔmmɔ ɔsu na Katɔti unye-bu kama na ɔdubo-bu bɔtɔnku na kekpo kamɛni kemmo na bɔdubɔta bukpo-mii uwi ɔni na bula bakpane bávwi bana ese ammɔ na béte-bu kati. Israelƒuɔ, kɔsia kɔdi kuuubo-nwu kemmo kuuute-mii, ɔsika bɛdubo lili bute, ɔsika ulu biala uuubo na bɛdubɔkana Unwoti Katɔti ɔni na bina bati kuuku bátaakpa lɛlɔ bɔdi.”

Hiob 23:6

Bɔbɔku na ɔdubo-mi na nwuna ɔyikun ɔsu na lɛgyu lɛtɔlɔ? Ńtaƒɔ ńtadi, mmomu ɔdubuwiku-mi lɛlɔ na unu kenye kani na ndanku.

Hiob 24:22

Si ina bekyuli bekpidi bamɛni belie ngba na uwi uutu na ala aatɛ-ma muedi ni, Katɔti ɔɔda-ma teedie na baayii udu ɔkɛnku nwuna ɔyikun lɛlɔ.

Hiob 25:2

“Katɔti na ɔlɛka bekyuli bayia, ɔsika anwu nli katɔ uubó ɔda na ɔɔdi lɛla biala lɛlɔ.

Hiob 28:23

Katɔti lɛti pɛ kani ngyi ulu ku kesii kani na lɛnunda lɛkya.

Hiob 37:23

Bulakana Katɔti bɔnu, nsu nwuna ɔyikun úbomo geen, na ɔɔbla ala ulu lɛlɔ kaduɛ uwi biala.

Hiob 38:36

Na awɔ ndubo baasɛ bɔtina uwi ɔni na ketudi kadubo iye ntukpa bɔdubo buyi?

Hiob 38:37

Adubɔkana na ati liƒlukutu bumomo na ada-ni aani ntu libui na ewilimi ntu bɔmmɔ

Yeremia 50:24

Babilon ɔ́kyaku ami Unwoti Ɔyikune Ƒui unyeƒi. Nsu kalɔ lɛlɔ bekyuli bammɔ baaagyi banii ɔ́ɔnu mina kakpagyuɛ kani na lɛ́kywɛ-nwu.

Israelƒuɔ Bɔlɛ 9:7

Ƒarao ɔ́tala bekyuli ɔnii betéye benu si Israelni ɔdi ebuo úkpi. Na bébete-nwu bɔti ka ina Israelni ebuo unwi útekpi. Nsu ɔmɛni kama ƒui Ƒarao ɔmu ɔɔyu kayi ɔkplu. Na útete Israelƒuɔ kuƒi na batɔlɔ.

Israelƒuɔ Bɔlɛ 15:7

Na ƒula lɛgadi bubomo kenye na éti ébo bani mɔɔta teenye-ɔ lɛlɔ áƒiɛmi kalɔ. Na ka édie ƒula kɔnyi keyi ni, ɔ́kyula-ma aani kalɛ na alakpi aakywí.

Ala Alɛdi 2 20:6

na ɔ́kpali Unwoti úvele ɔnini, “Awɔ Unwoti ndi Katɔti ɔni na bula bati kuuku bákpa. Na eli katɔ kakaaka mmɔ na aadi kayawi kamɛni kadi biala bekyuli lɛlɔ. Na ebo ɔyikun geen ɔni na ukyuli ɔdi biala ulakana-a lɛlɔ bɔdi.

Hiob 15:13

na livo liiƒí-ɔ na Katɔti lɛlɔ, na aatɛmiku-nwu kalɛ kalɛ na aayɔ́?

Hiob 41:2

Adubɔkya-nwu kakwɛnimi enwu iye akya-nwu unungla kabuli na ada-nwu ataavinku?

Yesaia 45:9

“Libui lɛvɔdi lilákyaku nwuna ɔvɔne unyeƒi. Anwuɔsu ni, Israel, eeebo kuƒi kɔdi ka awɔ ku ƒula Udiene bɛkya unyeƒi ɔdi, ɔsika lɛvɔbui kani na adi na ɔvɔne ɔ́vɔ-ɔ kalɛ na ɔɔyɔ́. Na lɛvɔbui liléye nwuna ɔvɔne ɔnini, ‘Bi ɔsu na ávɔ-mi lɛni iye átati-mi bɔvɔ na átabla-mi lɛmɛni ku lɛni ngye?’

Nahum 1:3

Unwoti use buɛɛ na uleyile kɔnyi buti, nsu ubo ɔyikun. Anwuɔsu bani ƒui mɔɔƒiɔ́-nwu ni, ɔɔnu ka ɔ́ni-ma kɔtu, na ɔdi ulekeli lɛtuni lɛmmɔ. Nwuna ablala eedie lɛlɔ keyi na ɔƒɛƒɛɛ kpakplaa ɔni mɔɔkya ligede kemmo. Na nwuna lɛgba kalɔ ɔtumu ndi liƒlukutu lɛni bɔɔnu.