Hiob 8:3 - Katɔti Ɔku Kedee

³ Bɔbu na aabu anii Unwoti ɔɔnu litemi geen taatu-ni teenwini na uƒu lɛla lɛbuni lɛdi ɔkya?

Hiob 8:3 Referans Kwoze

Ala Alɛdi 2 19:7

Anwuɔsu bɛnu ka bɛ́bla bina kabla ƒui na bíti ɔbu bíte-nwu. Na bɛti lɛnɔ ka ɔɔɔdubo-mii kuƒi bute na bɛnu ukyuli ɔdi anumi bɛbla lɛla lɛdi iye bɛbɛ bɛƒɔ lɛla lɛdi bɛsiku ɔdi kudɔ bɛdi.”

Lɛkpa Ulu 32:4

Na Unwoti ndi bina lɛtakpɛ lɛni na bíkpo kama, na nwuna ablala ƒui ese siin, na bɔƒiɔ bɔdi buuubo-nwu kemmo. Bina Unwoti ablala ƒui adi sɔsɔ, na ɔɔbla ala ani nse siin na akɛ ulu lɛlɔ.

Ala Kalɔ Buse 18:25

Ńtaƒɔ ńtadi ka adubɔbla lɛni, na adu bekyuli babuni ku bekpidi ɔni mɔɔtina ka ábla bekyuli babuni ku bekpidi ulikplu likeke. Ɔmmɔ udu anwu ni, ngyi nwaa ka awɔ ɔni mɔɔtɛku kayawi ƒui litemi adubɔbla lɛla lɛni ndi ulu.”

Daniel 9:14

Na ka éti ɔgbankpi ɔmɛni éboku-bu lɛlɔ ni, ábla ala ulu lɛlɔ, ɔsika bɔ́manku ka áni-bu kɔtu kɔmɛni udu.

Budie Taatina 16:7

Amu na línu lɛdi lɛni nási Katɔti lɛbi lɛmmɔ kudɔ ka lɛ́su lɛnini, “Blɔti ɔni mbo ɔyikun ƒui, ƒula litemi bɔtɛ buse siin, na ƒula etemila adi litemi geen.”

Budie Taatina 15:3

Na lɛnu lɛni na beedie mmɔ ni, lɛdi Mose ɔni ndi Katɔti kabla ɔblane ku Koƒonu Ubi ɔmmɔ lɛnu. Na beedie banini, “Blɔti ɔni mbo ɔyikun ƒui, ƒula ala bɔbla ébomo, na bulakana-nya kalɔ bunu. Na ƒula ablala ese siin, na ƒula etemila adi litemi geen. Awɔ ndi Uwi Ƒui Ɔga.

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Esekiel 33:20

Nsu ɔmɛni ƒui kama ni, Israelƒuɔ ama baanu ka ami naaabla ala teete-ma na ulu lɛlɔ. Anwuɔsu su-ma kpakplaa anii ndubo-ma kɔtu bɔni na bana ekpidi ani na bábla ɔsu.”

Esekiel 33:17

“Esekiel, ƒula kadi bekyuli baadú-mi kɔtɔ ka naaabla ala teete-ma ulu lɛlɔ. Nsu ama mmomu naaabla ala ulu lɛlɔ.

Esekiel 18:25

“Amii Israelƒuɔ bɛɛdú-mi kɔtɔ ka naaatɛ litemi ulu siin lɛlɔ! Nsu ni, binu, ɔɔɔdi lɛni na use!

Kɔgya 99:4

Awɔ ndi bula ɔga unengudi ɔni mɔɔyɔ́ ala bɔbla siin. Áya na litemi bɔtɛ ulu lɛlɔ siin unye kpakplaa na Israel kadi bekyuli akɔ.

Kɔgya 89:14

Ƒula bɔyɔ bɔni na aayɔ́-bu uwi ndi uwi ku kalɛ na asia ƒula litemi kama ntɔ-ɔ anumi na uudie-ɔ keyi ka ƒula lɛgadi lɛmmɔ ƒui linye kpakplaa lite ala bɔbla siin ku litemi bɔtɛ na ulu lɛlɔ.

Hiob 40:8

“Bɔtina na ada-mi kalɛ na ese siin, na ami mmomu naaatɛ etemila siin na ulu lɛlɔ?

Hiob 40:2

“Ami ndi Unwoti Ɔyikune Ƒui, nsu ákyaku-mi unyeƒi anii lɛla lɛni na ábla ndi lɛbuni. Na ɔƒaani ni, bo na ebedie kenye na linu.”

Hiob 35:13

Kekeeke na beenye taakpali Katɔti, ɔsika ɔɔɔdubo-ma bɔkpete ku bana kenyekplu etemila ammɔ.

Hiob 34:5

“Hiob ɔɔsu ɔnini, ‘Mbo ubo, ɔsika ńtaƒiɔ. Nsu Katɔti ulátɛ-mi litemi na ulu lɛlɔ.

Hiob 21:20

Na Katɔti Ɔyikune Ƒui ɔmmɔ unye-ma lɛlɔ na bani ama alati ekpidi lɛbibo lɛtuni lɛni na ɔdubute-ma na nwuna kɔnyi kemmo aani kalɛ na baaní lɛla lɛdi teedie ɔɔƒɛɛ kemmo.

Hiob 21:15

Ɔma ndi Ɔyikune Ƒui ɔmmɔ na butaabla-nwu kabla? Na bi na bɔdubo bɔkɛ na butaakya lili kalɔ taakpali-nwu?

Hiob 19:7

“Ina ka muuwulo ni, ami na báƒiɔ. Na ka mɔɔkpali lɛnɔ ni, Katɔti úni, na ulátɛ mina litemi ulu lɛlɔ ulete-mi.

Hiob 10:3

Bɔyɔ na ɔɔyɔ́-ɔ kaƒɔ kalɛ na ala étulo ami ƒula ukyuli ɔni nsiaku-ɔ mɛni, na aatuna ku balalane kɔkwɛ kɔni na baakya ku bana ablala?

Hiob 9:2

“Sɔsɔ litemi na ásu ka ukyuli ɔyawine ɔdi ɔɔɔdubo bɔkana na use siin na Unwoti anumi kudii.

Hiob 4:17

‘Bɔbla na ukyuli ɔyawine ɔdubɔbla siin bɔwɔlɔ na Katɔti anumi? Munuu buse na ɔdubɔkana na use sɛɛn ɔwɔlɔ na nwuna Udiene ɔmmɔ anumi?

Hiob 36:3

Katɔti ɔɔbla ala kaduɛ uwi biala. Na Katɔti ɔmmɔ kudɔ kani na lɛ́ti ɔmɛni lɛ́siku.

Hiob 36:23

Ukyuli ɔyawine ɔmani na ɔnii anwu mɔɔtina Katɔti lɛla lɛni na ɔlɛka ɔbla? Munuu ɔmani ndubɔkana na ɔsu Katɔti ɔnii ɔ́bla lɛla lɛdi na lɛɛɛdi ulu lɛlɔ?

Hiob 37:23

Bulakana Katɔti bɔnu, nsu nwuna ɔyikun úbomo geen, na ɔɔbla ala ulu lɛlɔ kaduɛ uwi biala.

Hiob 19:6

Mɔɔyá na bɛti ka Katɔti mmomu náƒiɔ-mi na ɔɔní-mi kɔtu ɔnii lɛ́bla likpidi.