Hiob 7:7 - Katɔti Ɔku Kedee

⁷ O Unwoti, tayiƒala ka mina ngba buse aanii kalɛ na banwuna ɔƒɛƒɛɛ ukplodi. Na mina anumi asɔ aaadubo ebiti adi bɔnu kudii.

Hiob 7:7 Referans Kwoze

Yakobo 4:14

Nsu bɛɛɛgyi kɔnaadi lɛla lɛni malɛku-mii. Bise aani uyɔ ɔni na si ɔƒɛƒɛɛ úduo-nwu akɔ pɛ na ɔɔyii taakya.

Kɔgya 78:39

Katɔti ɔ́kali ɔ́nu ka bekyuli keeke kani na bayawine badi na bana uwi use aani ɔƒɛƒɛɛ ɔni muukpó taabavi mɔɔnwuna taavi na ɔsɔ ulenwini teebo.

Yeremia 15:15

Unwoti, eenú kalɛ na bekyuli benye beedumi-mi taasia kama na awɔ ɔsu. Anwuɔsu takɛ kayi ku mina bekisine lɛni. Die bana ƒui kasi asa na bakɛ-mi badu.

Kɔgya 89:47

O Unwoti, kali nu ka mina ngba emeyi étedu ku lɛla na mmomu édie-bu na bɔdi bayawine ku ɔlɔna ɔni muukpi.

Kɔgya 89:50

O Unwoti, kali nu kalɛ na baamá ƒula kabla ɔblane ku edumi ani udu na baakpila-mi.

Kɔgya 74:18

O Unwoti, kali nu kalɛ na bekisine badɔlɔdi bamɛni baama-a na baalɔ-ɔ lɛnyikpi.

Kɔgya 74:22

O Katɔti, ta na edie lɛlɔ kenye na bekyuli benu. Na tayiƒala kalɛ na badɔlɔdi bamɛni baamá-a uwi ndi uwi.

Hiob 10:9

Kali nu ka awɔ návɔ-mi aani kalɛ na beeti lɛvɔti taavɔ lɛla lɛdi. Na butu na adubɔsɔ etu-mi abwɛ na linwini lɛti?

Hiob 9:25

“Usi kani na mina ngba bɔkɛ búsela, ɔni na ebiti ina blii suɛ eeebo-mu kemmo.

Nehemia 1:8

“Na enyimo ɔda ɔni na ébo ƒula kabla ɔblane Mose ásu anii, ‘Si bítabla ala bítasiaku ulu lɛlɔ ni, ndubo-mii bɔbɔku butákya kadi bamba bekyuli akɔ.

Ala Kalɔ Buse 42:36

Mmɔ na bana ɔti Yakob ɔ́su-ma ɔnini, “Bɛ́ya na lɛ́yila mina bebi. Yoseƒ ɔsɔ uuubo. Simeon lɛnɔ na bɛnii béƒie bése ngye. Amu na bɛsɔ bɛkpanku Benyamin lɛnɔ bɛtɔlɔku-mi kudɔ? Bi ɔsu na mina lɛla biala linwini-mi kekuma lɛni?”

Hiob 7:16

Ngyi ka lɛɛɛdubo bulie buteesie uwi ƒui. Na ngba bumodi bɔmmɔ búkpi-mi ɔkwɛ na líni-mu. Anwuɔsu te-mi bɔnwuna na edie-mi ulu na lɛtɔlɔ ngba bɔmɛni kemmo, ɔsika bɔsɔ buuubo-mi kɔsia kɔdi.

Kɔgya 4:6

Bekyuli pii bakya baasu banini, “Bɔɔyɔ́ ka ukyuli ɔdi ɔbla-bu lɛbuni lɛdi. Unwoti, ya na ƒula lɛƒɔndia limomo-bu lɛlɔ libu!”

Hiob 10:20

Emeyi alɛɛ nébu-mi, anwuɔsu ya na lɛkɛ bɔnwuna na ebiti blii adi ada-mi,

Kɔgya 39:6

Geen ni, ukyuli ngba buuubo bɔyii taakya aani ukyuli kɔyu kɔni muuwi kalɔ. Na keeke na uutú lɛlɔ ɔnii ɔɔsála ala ute lɛlɔ. Nsu ɔɔɔgyi ukyuli ɔni ndubo ala ammɔ bɔdi.