Hiob 7:21 - Katɔti Ɔku Kedee

²¹ Na bi ɔsu na eléti mina alaekpidi alakyiɛ-mi na anu-mi kɔnyana? Úbu blii kani na badubo-mi lɛti bubi ɔni na adubɔwia-mi anɔ na asɔ alanu-mi.”

Hiob 7:21 Referans Kwoze

Daniel 12:2

Na bekyuli pii bani néekpi na bakya kekpine badubɔsɔ bata. Na Katɔti ɔdubɔya na bana badi belie ngba bɔni nsɔ naaadubo bɔsa kudii. Na ɔya na kɔƒa kukpo badi na anumi ewi-ma kalɔ uteesie uwi.

Hiob 10:14

Si lɛ́bla lɛla lɛdi lɛ́ƒiɔ-ɔ ni, agyi ana ƒui, na aaadubo-mi atu budie lɛni, mmomu adubɔni-mi kɔtu.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Yesaia 64:9

Unwoti, teti kɔnyi takya-bu tetulo kalɛ na ɔ́manku. Na sɔ tenyimo bula ekpidi eteesienku ƒui. Mmomu ni, Ati, bɔɔkpali-ɔ ka anu-bu kɔnyana, ɔsika awɔ ɔdi kani na bula ƒui bɔdi.

Etemila 12:7

Lɛni na bula ɔlɔna ɔɔsɔ teenwini teesie kalɔ kemmo na ɔƒɛƒɛɛ ɔni nkya-bu lɛlɔ kemmo uute-bu ngba mmɔ ɔsɔ uunwíni teesie Katɔti kudɔ.

Yohane 1 3:5

Na bɛgyi ka Kristo úbo kalɛ na ubada-bu udie ekpidi kemmo. Na anwu ni, likpidi lɛdi lɛɛɛma-nwu lɛlɔ.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Hosea 14:2

Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Kɔgya 103:15

Ukyuli ɔyawine anwu ni, nwuna ngba emeyi ese aani livo. Na aalɛ́ lili taabla anwula na alakpi akɔ.

Kɔgya 37:36

Nsu uwi útetu asa na úkpi. Na báyiƒala-nwu. Ka lɛ́wia nnii mɔɔnu ukyuli ɔmɛni ni, nwuna lɛla ndi lɛla lítebu.

Hiob 17:14

Ndubuti kaƒiɔtɔ linwini mina ɔti, na liti beklubi bammɔ linwini mina uni ku banwani belekubi.

Hiob 10:9

Kali nu ka awɔ návɔ-mi aani kalɛ na beeti lɛvɔti taavɔ lɛla lɛdi. Na butu na adubɔsɔ etu-mi abwɛ na linwini lɛti?

Hiob 7:8

Ndubo bɔyii bɔkya, na awɔ iye ukyuli ɔdi ɔsɔ ɔɔɔdubo-mi bɔnu lɛnɔ kudii.

Hiob 3:13

Kesii kani na lídu ɔƒɛni amu ni, ndubo bɔyu butéduo kubiɔ na lɛtɛ kpoo ntaanwuna.

Samuel 2 24:10

Ka Dawid ɔ́wɔlɔ bekyuli bammɔ bɔka ƒui ni, ɔ́nu ka ɔ́ƒiɔ na ɔ́su Katɔti ɔnini, “Lɛla lɛni na lɛ́bla lɛdi adɔlɔla ku likpidi bonwu. Unwoti, buvele, ti kyiɛ-mi.”

Hiob 8:1

Ɔmmɔ kama ni, Bildad ɔni ndi Suhini mmɔ úye Hiob ɔnini,

Hiob 9:28

Nsu mina lɛbibo lɛɛkya-mi liƒu, ɔsika ngyi ka aaadubo-mi ubo bute.

Hiob 13:19

Na si úbo úte ka mina likpidi lɛ́lɛ keyi ka lɛ́ƒiɔ na ńtati bɔbla ni, ndububile kenye kpoo na likpi ƒaa.

Hiob 27:19

Balalane bamɛni badubɔnu ala ani nse-ma aani balakɛne asa na bayu batɛ. Nsu badubɔta na banu ka ala ammɔ ƒui áyii-ma anumi kɔnakunwi, na benwini bawabane.

Hiob 33:9

Aasu anii awɔ ni, lɛla lɛdi lɛɛɛda-a na átaƒiɔ lɛnɔ, na átabla likpidi lɛdi.

Hiob 14:10

Nsu bayawine ama ni, beeese lɛni. Si bɔnwuna bukplodi bɔ́lɛ-ma kemmo ni, na bana ɔdi ɔ́sa.

Hiob 20:8

Bekyuli badubɔyiƒala-ma aani kalɛ na ukyuli ɔɔyiƒala kɔna kɔni na úgye.