Hiob 7:11 - Katɔti Ɔku Kedee

¹¹ “Anwuɔsu na lɛɛɛdubo kenye bubile bɔsɔ bulie kpoo, mmomu ndubo-ɔ bɔkpali na lɛsu-ɔ ala ani muukpóku-mi.

Hiob 7:11 Referans Kwoze

Kɔgya 40:9

Unwoti, lɛ́kɔ ƒula litemi lɛsa líte ƒula kadi bekyuli na bana kasalakɔ ɔ́si kalɛ na ese siin na ebo lɛƒɔndia. Na ntebile mina kenye uwi ɔdi aani kalɛ na awɔ ɔlati agyi.

Hiob 10:1

“Unwoti, lɛ́ɛnɔ ku mina ngba ɔƒɛni amu. Anwuɔsu na mɔɔkpali-ɔ taasiku mina kayi kemmo ƒui, ɔsika lɛ́yila lɛnunsia biala.

Samuel 1 1:10

Mmɔ ni, Hana ɔ́nu lɛlɔ na nwuna lɛlɔ lɛ́bla-nwu kɔnyana na úse kalɔ uuwulo na ɔɔkpali Katɔti ku keku.

Yesaia 38:17

Geen ni, ami mina bɔdia ɔsu na lɛbibo lɛmɛni líbo-mi lɛlɔ. Nsu na ƒula lɛƒɔndia ɔsu ni, ánu-mi lɛlɔ, na áda-mi édie kaƒiɔtɔ kani mɔɔyila ukyuli udu kemmo. Na énwini kama ákya mina alaekpidi.

Yesaia 38:15

Bi na mbo na masu ka Unwoti ɔlati nábla ɔmɛni. Bɔkɛ kani na ndubɔkɛ nteekpuulo ku ɔlɛ bunu wetédu mina kawɔlɔkɔ, na mina kɔnyana kɔmɛni ɔsu.

Hiob 21:25

Na badi ama beekpi ku lɛbibo na kɔwaba kemmo.

Korintoƒuɔ 2 2:4

Sɔsɔ ni, ɔku ɔni na línweni-mii mmɔ ni, línweni-nwu na kayi ɔlɛ bunu ku enuƒɛ ku keku buwulo kemmo. Na ɔɔɔdi ka mɔɔwia nnii amii lɛnɔ binu ɔlɛ ɔdi, mmomu kalɛ na bɛnu bɛti ka mɔɔyɔ́-mii geen ɔsu.

Luka 22:44

Na ɔ́sɔ ɔ́kpali katɔ úbu kpakplaa ɔni na únu ɔlɛ geen. Na ewulu ani nátuku-nwu ese aani ubugya na eedú teewi kalɔ.

Hiob 16:6

“Na bi na lɛ́su o-o, bi na ńtasu o-o ni, mina ɔlɛ bunu buláƒana.

Hiob 13:13

“Bibile kenye kpoo na binu lɛla lɛni na mɔɔsu. Ɔmmɔ kama na bitaasu lɛla lɛni na amii lɛnɔ bɛgyi.

Hiob 10:15

Si lɛ́ƒiɔ-ɔ ni, bɔbuɛ na beete-mi. Na ina ńtaƒiɔ-ɔ muedi ni, uládia na lɛkɔliku mina lili katɔ na ala ani mɔɔlɛ́ku-mi kɔƒa ɔsu. Na ɔlɛ bunu bɔ́ƒɔ-mi lɛlɔ kemmo ƒui.

Hiob 6:26

Bɔkali na bɛɛkali ka bɛklibi-mi na mina bɔtɛmi kemmo ka lɛ́yila lɛnunsia na enu áƒɛ-mi ɔsu, na bɛɛnu bɛnii etemila keeke na mɔɔtɛmi?

Ala Kalɔ Buse 42:21

Ɔmmɔ kama básu lɛlɔ banini, “Katuala kadi keeebo ɔmɛni kemmo. Bɔgyi nwaa ka bula ɔnwani ɔni bɔ́bla likpidi ɔsu na buubó abi amɛni udu. Búnyimo kalɛ na ɔ́ƒɛ ɔ́da-nwu uwi ɔni na uuvele-bu ka nka bútabla-nwu lɛla lɛmmɔ udu. Nsu búni na bútanu-nwu kɔnyana. Anwuɔsu na lɛbibo lɛmɛni udu líbo-bu lɛlɔ.”

Kɔgya 39:3

Kayi kaakpulu-mi geen. Na si nli mɔɔbla kasusu ni, na mina kayi keekpóku-mi. Anwuɔsu na lɛ́su na kawɔlɔkɔ nnini,

Hiob 9:27

Mɔɔkya ɔkplu nnii mɔɔyiƒala mina lɛbibo ku ɔlɛ bunu, na lɛda ala bɔka lɛya na ntaama.

Hiob 23:2

“Ɔmwi lɛnɔ ni, nsɔ ndubo bɔdɔ geen, ɔsika Katɔti unye ɔɔní-mi kɔtu kpakplaa geen ina ɔni na muudumo momoomo mɛni.

Hiob 36:21

Sia lɛlɔ anu na enye kagyumana, na eleti ƒula lɛlɔ alatákya likpidi bɔbla kemmo anii aasia mmɔ na ekeli alɛ lɛbibo lɛmɛni kemmo.