Hiob 4:3 - Katɔti Ɔku Kedee

³ Kali nu bɔlɛ bɔni na álɛ bekyuli pii bani na ala ékpoku ku bani na enu áƒɛ-ma.

Hiob 4:3 Referans Kwoze

Yesaia 35:3

Bɛkya bekyuli bani na enu áƒɛ-ma na bábla kpɛtɛ kpɛtɛ ogya, na bani na bana akɔnkɔ áyɔ na aatɔ́ ayu ɔkplu.

Hebriƒuɔ 12:12

Ɔmɛni ɔsu ni, bina akɔnkɔ ku enu ani mɔɔtɔ́-mii ni, bɛya na ɔyikun ɔwɔdi uduo-ni kemmo.

Luka 22:32

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Agba 10:21

Bekyuli babuni baalɛ ukyuli ulu ɔbuni lɛlɔ. Nsu bekyuli bekpidi ama baayii udu na bana lɛla tati ɔsu.

Hiob 16:5

Nsu mina etemila ni, adubɔkya-mii ɔkplu, na ala ani na ndubɔsu aya na kaƒɔ kaba-mii buɛɛ.

Eƒesoƒuɔ 4:29

Bitasu etemila ani muusé lɛlɔ, mmomu bɛsu etemila ani mɔɔkya ukyuli ɔkplu kalɛ na ɔ́manku. Na si bekyuli bénu bina etemila ni, na bakɛ kɔsia.

Luka 22:43

Mmɔ na Katɔti ɔtu ɔdi ɔ́si katɔ ɔ́da ɔ́lɛ-nwu anumi na ɔ́kya-nwu ɔyikun.

Lɛkpa Ulu 3:28

Mmomu lɔ Yosua na ebo-nwu ɔda na bekyuli bammɔ anumi na akya-nwu ogya, ɔsika kalɔ kani na ánu mmɔ ni, anwu ndubɔkpanku bekyuli bammɔ ɔvia Yordan Ketu na betéti mmɔ babla bana kadikɔ.”

Esekiel 13:22

“Baabla ala ani na ami lɛɛɛdubo bɔbla kudi kudii. Baatɔ́lɔ bekyuli babuni na baakya-ma ogya ka babla likpidi na baayá na kayi keelie bekyuli bekpidi kalɔ ka bataabla bana ekpidi na bayila bana ngba bumodi bɔmmɔ ƒui.

Yesaia 50:4

Unwoti Ɔyikune Ƒui ɔ́tina-mi lɛla lɛni na libimi kenye lɛsu na lɛkya ukyuli ɔni na lɛlɔ lɛ́bla-nwu kpɛtɛ kpɛtɛ ogya. Ɔɔgyila-mi ɔtanta biala na ɔɔlɛmi-mi atu na muunú ala ani na ɔɔtina-mi.

Agba 16:21

Banundane ni, baanu-ma taati ɔkɛnku kalɛ na beenú ala kalɔ kenye. Si ásia ulu ɔbuni lɛlɔ átina ukyuli ala ni, anwu mɔɔyá na ɔɔƒɔ́-ɔ litemi ku ebiti.

Agba 15:7

Banundane kani mɔɔkana na baakya ukyuli kasusu buni. Na badɔlɔdi balakana ɔmɛni bɔbla.

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Koloseƒuɔ 4:6

Bɛya na bina butemi bɔdia bunu na ɔda kubiti. Bɛya na Katɔti lɛnunda lɛkya-mii kemmo kalɛ na bɛti ala kenye budie bite ukyuli biala.

Esra 6:22

Na emeyi maatɛ na béti bádi Bodobodo Ɔni Néteƒu Limeyi ku lɛlɔyɔ, ɔsika Katɔti ɔ́ya na lɛlɔyɔ lɛ́ƒɔ-ma lɛlɔ kemmo ɔkɛnku kalɛ na ɔ́ya na Asiriaƒuɔ ɔga ɔ́vumana nwuna ɔbladu na úbunku na bátu Katɔti ɔtɔ ɔmmɔ béte Israel Katɔti ɔsu.

Hiob 4:4

Na bani náya ulu bɔyii ƒui ni, ƒula etemila áya na bénwini bébo ulu geen ɔmmɔ lɛlɔ. Na bani akɔnkɔ mɔɔtɔ́ lɛnɔ lɛgba lɛ́yu ɔkplu.

Hiob 29:11

Si énu-mi butemi na uwi ɔmmɔ ni, adubɔti ka ukyuli mɔɔtɛmi. Na si ánu-mi lɛnɔ ni, adubɔti ka ásiaku ukyuli ɔdi, na mina litemi kani na bekyuli beeti.

Hiob 29:15

Na utulo ka mina anumi na banumbwɛne bada baanu teesie. Na mina lɛgba na bani na báƒɛ bewi kalɔ bada beesié.

Hiob 29:16

Na línwini ɔti líte bani ƒui mɔɔyaki ala. Na baƒɔ muedi mɔɔƒɔ́-ma etemila taasia lɛlɔ na litemi katɛkɔ si lɛla lɛdi líbo-ma lɛlɔ.

Hiob 29:21

“Bekyuli bése atu bénu-mi butemi uwi biala, na báwia ka benu mina bɔlɛ lɛnɔ.

Seƒania 3:16

Uwi ɔdi ɔdubo ubédu ɔni na badubɔsu awɔ Yerusalem banini, “Sɔ tayia, na enu ataƒɛ-ɔ!