Hiob 32:6 - Katɔti Ɔku Kedee

⁶ Anwuɔsu Barakel ubidi Elihu ɔni na ɔdi Busini mɛni údie kenye na ɔ́su ɔnini, “Ami ndi bina ƒui ɔnamu. Na ka ngyi ka bɛtɔ-mi ɔsu ni, líbile kenye kpoo nli mɔɔnu-mii, na ńtayɔ ka lɛtina-mii ka ami lɛnɔ ngyi lɛla lɛdi.

Hiob 32:6 Referans Kwoze

Hiob 15:10

Benengu eli ƒuala geen bakya-bu akɔ bani mɔɔkya-bu kasusu, na bábi lɛlɔ betulo ƒ'ɔti ƒui.

Timoteo 1 5:1

Tadɔnku ukyuli ɔni nábi lɛlɔ utulo-ɔ momoomo. Mmomu die ala kalɔ te-nwu ku kayi buɛɛ aani ƒula ɔti kalɛ. Na ada bakloƒu aani banwani kalɛ.

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Tito 2:6

Ulu ɔmɛni kani lɛlɔ na ɔlɛka eti akya bakloƒu lɛnɔ ɔkplu kalɛ na bada lɛlɔ kaduɛ.

Romaƒuɔ 13:7

Anwuɔsu ni, bɛƒɔ bana ɔdi biala kayu kani na bɛda-nwu. Si kalɔ kammɔ egulabi ani na báda béte ɔdi biala na ɔdi ni, na bɛƒɔ-ka. Si kuyi kɔdi ni, na bɛƒɔ aku lɛnɔ. Si ɔbu na ɔdi ka bite ni, na bite. Na si bumwi lɛnɔ ɔdi ni, na bimwi.

Hiob 15:7

“Awɔ ndi ukyuli udeedi ɔni na báka bɔwɔ? Munuu awɔ ntɔ abi ani nnye mɛni na bɔɔnu?

Lewiƒuɔ Ɔda Bubo 19:32

“ ‘Si bɛ́nu benengu bani náabi lɛlɔ ni, bɛta binye na bite bina batɔnkune ɔbu na biti ɔbu geen bite ami bina Katɔti. Ami ndi Unwoti.

Hiob 32:2

Nsu Barakel ubidi Elihu ɔni ndi Busini na ɔ́si Ram ɔtɔ kemmo mɛni úti kɔnyi ɔ́kya Hiob geen na ɔni na uni ɔnii ulaƒɔ enu ka ɔ́ƒiɔ, na Katɔti mmomu na ɔɔdú kɔtɔ ɔsu.

Hiob 32:5

Nsu uwi ɔni na ɔ́nu ka nwuna batɔnkune bátakana na bedie batina Hiob ka anwu náƒiɔ Katɔti ni, ɔ́kɛku-ma kɔnyi.

Hiob 12:12

Benengu bani néelie bétu uwi kudɔ na bɔɔkɛ́ lɛnunda, na bana ala bɔtina mɔɔyá na buunú ala kalɔ.

Hiob 34:1

Elihu úsie anumi na ɔ́su ɔnini,

Hiob 35:1

Elihu úye Hiob ɔnini,

Hiob 36:1

Elihu ɔnini,