1 Na ala amɛni ƒui kawɔlɔkɔ ni, Hiob bakpana ɛtɛ bammɔ báda unyeƒi bɔkya ku Hiob báya, ɔsika úni ɔnii ulenu kalɔ ɔnii anwu nábla lɛla likpidi lɛdi.
Aasu anii awɔ ni, lɛla lɛdi lɛɛɛda-a na átaƒiɔ lɛnɔ, na átabla likpidi lɛdi.
Agyi ka ńtaƒiɔ-ɔ, na ukyuli ɔdi lɛnɔ uuubo na wakana-mi budie bɔsiku ƒula enu kemmo.
Ɔsika nse siin na ɔdubɔsu-mi ɔnini, ‘Líwi-ɔ uƒi, teesie ƒaa, ɔsika álɛ litemi kemmo.’
Ina bɔdu na ɔnii wadu-mi muedi ni, nwuna lɛlɔ kani na mina anu asia. Na anwu na ndubudie ala ani muukpóku-mi lɛsu.
Katɔti, buvele, tadu-mi kɔtɔ. Mmomu su-mi lɛla lɛni na lɛ́bla-a na eedie-mi bɔƒiɔ.
Bɛda-mi kalala kɔtɔ bɔdu bɛya, ɔsika mina kenyekɔ ku lɛnyi lɛni na lɛ́ƒɔ ƒui mɔɔyii udu mɛni.
Lɛ́klibi lɛlɔ líte mina litemi kaduɛ, na ngyi ka mbo ubo.
Na ƒula ekpidi pii ani na aabla ni, anya náya na éti kasusu kani ɔsu na aasu kenye kamɛni udu.
Oowo! Mmomu ƒula likyulikpi ku ekpidi lidu lɛni na enye aabla ɔsu na úbo úte lɛni.
“Línu unyeƒi ɔni ƒui na enye aakya.
“Bɔtina na ada-mi kalɛ na ese siin, na ami mmomu naaatɛ etemila siin na ulu lɛlɔ?