Hiob 27:9 - Katɔti Ɔku Kedee

⁹ Na ɔɔɔdubo-ma bɔkpete ina beekpi-nwu kɔtɔ banii ɔnu-ma kɔnyana.

Hiob 27:9 Referans Kwoze

Yeremia 14:12

Bakana na bakɛ bataavi ku kɔka na bakyula akpala bayala-mi kaƒɔ na beti edula akpala babagya-mi enu. Nsu si béwulo bákpali-mi ni, lɛɛɛdubo-ma bɔkpete na lɛɛɛdubo-ma akpala ammɔ lɛnɔ bɔƒɔ. Mmomu ndubɔya na kekpo ku kɔka ku lɛlɛ lidu libadu-ma na lɛyila-ma udu ƒui.”

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Agba 1:28

“Uwi ɔmmɔ ni, bɛdubɔkpali ami Lɛnunda, nsu naaakpete-mii. Na bɛdubɔwia-mi na bilanu-mi.

Mika 3:4

Bɛdubo Unwoti buvele limeyi linwi bɛnii ubunku-mii, nsu ɔdubo kama bunwini bɔkya-mii na ulénu bina bɔkpali na bina ekpidi ɔsu.

Kɔgya 18:41

Báva bákpali ka ukyuli ɔdi ubaƒɔ-ma, nsu ɔdi uuubo na ɔƒɔ-ma. Na bákpali Unwoti muedi, nsu útakpete-ma.

Yakobo 4:3

Si ina bívele Katɔti muedi ni, ulákpete-mii. Ɔsika ɔɔɔdi kasusu kabuni kemmo na biiye-nwu ala ammɔ. Na lɛla lɛni kani na bɛɛwia ka biti lɛlakɛ lɛmmɔ bɛbla ndi ka biti-nya bɛsiaku kayawi ebiti ekpludi kama.

Sakaria 7:13

“Na lɛ́su nnini, ‘Uwi ɔni na lɛ́kpali-mii límene ni, bina akɔ ɔdi biala útenu-mi litemi. Anwuɔsu ami lɛnɔ lɛɛɛdubo bina litemi bunu.

Esekiel 8:18

Anwuɔsu ami lɛnɔ kɔnyi kpakplaa kemmo na ndubo-ma kɔtu bɔni na lɛɛɛdubo-ma kɔnyana bɔnu munu munu. Na si ina baava taakpali-mi teevele muedi lɛɛɛdubo bunu bute-ma.”

Yeremia 11:11

Ndubo bɔya na Yuda ku Yerusalem kadi bekyuli bebo abi geen ɔni na ɔdi ulakana na wekeli lɛbibo lɛmmɔ. Lɛla lɛni na lɛ́lɛ ugyii ɔƒɛni na lɛdi mmɔ. Na badubuvele-mi banii mbunku-ma, nsu lɛɛɛdubo bunu bute-ma.

Kɔgya 66:18

Na si likpidi nkya-mi kayi iye kasusu kemmo ni, nka Unwoti útakpete-mi.

Yohane 9:31

Bɔgyi ka Katɔti ulenu alaekpidi bablane katɔ bɔkpali. Na bekyuli babuni bani mɔɔbu-nwu na baabla nwuna lɛƒɔyɔ mmomu katɔ bɔkpali na uunú.

Luka 13:25

Uwi ɔdubo ubedu ɔni na Unwoti ɔmmɔ ɔdubɔta na ɔkalɛ kayakun kammɔ. Na amii bani nébu binye keyi bɛdubo kɔnu kayakun buteebo bɛnii, ‘Ati, lɛmi-bu!’ “Nsu Unwoti ɔmmɔ ɔdubudie kenye ɔnii, ‘Lɛɛɛgyi-mii!’

Hosea 7:14

Belewulo taakpali-mi geen taasiku bana kayi kemmo, mmomu bebi bana kɔtɛnkɔ beewulo kɔnyana, na baabla lɛlɔ ulikplu ala ani na basiaku ala bamba baabla na basia anu ka ɔmmɔ ɔdubɔya na bakɛ kebunku na wete-ma kusɛ kusɛ na bakɛ edula pii ani na baawia.

Agba 28:9

Unwoti ulenu bekyuli bani naaadi ɔda bubo bɔmmɔ lɛlɔ ina baakpali-nwu.

Kɔgya 109:7

Na si bátɛku-nwu litemi ni, na badu-nwu kɔtɔ. Na bedie batina-nwu ka nwuna katɔ bɔkpali bɔdi likpidi.

Lɛkpa Ulu 1:45

Anwuɔsu bɛ́va bɛ́kpali Katɔti ka ubebunku-mii. Nsu útakpete-mii.

Agba 1:27

na ese aani ɔƒɛƒɛɛ kpakplaa uwi ɔni na ɔgbankpi ɔda-mii ɔɔvínku aani ɔƒɛƒɛɛ ɔni mɔɔkya ligede na ala ani nétulo-mii áya na kayi kaakpulu-mii.

Kɔgya 18:42

Mmɔ na lɛ́kɔ-ma lɛ́bla kpɛtɛ kpɛtɛ aani ɔtumu ɔni na ɔƒɛƒɛɛ uuti taatɔlɔku. Na lɛ́tu-ma lídie aani aba ntéwi ulu lɛlɔ.