9 Na ɔ́bɛla kɔbuli ɔ́kya liƒlukutu lɛmmɔ kama.
Ulɔyɔ litigbli suu lɛdi lɛ́ka lɛ́mana-nwu. Na nwuna lɛga kadikɔ kenye kete ka ɔbla ala siin, na ɔtɛ litemi ulu lɛlɔ.
Liƒlukutu bonwu lɛmmɔ lítile Katɔti anumi uwi ɔni na ɔkɛ kayaa ɔɔví na kalɔ kammɔ katɔ.’
Mmɔ na Ɔga Salomo ɔ́kpali Katɔti ɔ́su ɔnini, “Awɔ Unwoti násu ka adubɔkya liƒlukutu lɛni nse suu kemmo.
Na si adubo ni, taya na ukyuli ɔdi ɔsiaku-ɔ. Ɔsika naaayɔ ka lɛnu ukyuli ɔdi na amadɔ mmɔ. Na taya na koƒonu iye ɔmantɛ akɔ ɔdi usie kɔbi kaƒɔna mmɔ utáwia adila adi.”
Nsu ɔmmɔ ƒui kama bekyuli bammɔ bámu benye ɔgyu baanu, na Mose lɛti kani nésie úsela kɔbi suu kɔni kemmo na Unwoti ɔ́kya mmɔ kudɔ.
Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.
Katɔti ɔ́ya ulɔyɔ liƒlukutu bonwu lɛdi lɛ́ka lɛ́mana-ma ka bakɛ. Na ogya bonwu ɔdi lɛnɔ ɔɔda usien na anwu na baanu teesie.
