Hiob 26:10 - Katɔti Ɔku Kedee

¹⁰ Ɔ́sia ɔmii na ɛpu kawɔkɔ úte usien ku kadi nwaa kasakɔ.

Hiob 26:10 Referans Kwoze

Agba 8:29

Na mɔɔnu asa na ɔ́sia kalɔ ubili aani ɔmii úte ɛpu ɔmmɔ ƒui kalɛ na uleyi ulavia mmɔ. Na kalɛ na úse kalɔ kammɔ ɔka kalɔ ni, nnye mɔɔnu.

Yeremia 5:22

Bi ɔsu na útalɛka lɛlɔ litaatɔ-mii na bitaayia-mi ku ɔbu? Ami násia ubili líte ɛpu na ɔ́bala ntu bɔmmɔ. Ntu bɔmmɔ buubó taababwɛ teewi ubili kowodu kɔmmɔ, nsu bulávia teebo kama teetulo kesii kani na lɛ́sia-mu ɔmii.

Kɔgya 33:7

Ɔ́sala ɛpu ntu bɔmmɔ ƒui úse liku linwi. Na ɔ́ya na buwi ubu bonwu ɔdi kemmo aani kalɛ na baasála ala teewi ala kesekɔ.

Ala Kalɔ Buse 8:22

“Na ɔ́si ɔƒɛni wetédu kayawi kawɔlɔkɔ ni, edula ɔvawi ku udewi, ketudi uwi ku liwulu uwi, kaƒɛndi ku kɔyɔ uwi, usien ku ɔƒɛ ulada bubo ulaya kudii.”

Hiob 26:11

Na si údie lɛdi ni, kayaa ala ƒui aakunku.

Hiob 38:1

Katɔti ɔ́tɛmiku Hiob ɔ́siku ɔƒɛƒɛɛ kpakplaa kemmo ɔnini,

Hiob 38:19

“Agyi bukeye kaduli, na agyi kesii kani na lɛdisa lɛnɔ lilie?

Hiob 38:20

Adubɔti-ma kɔkyakɔ na akpanku-ma etése?

Hiob 38:24

Agyi kesii kani na ɔƒɛ bukeye bɔɔsí asa na buugyingya teesie kayawi ekpo ƒui? Na agyi kesii kani na ɔƒɛƒɛɛ ɔni mɔɔsí ɔƒɛ katukɔ uli, asa na uubo teebekpo na kalɔ kammɔ ƒui lɛlɔ?

Agba 8:27

“Nnye mɔɔnu asa na údie kayaa na ɔ́bla-ka aani ligegu útébi ɛpu lɛlɔ.