Hiob 24:5 - Katɔti Ɔku Kedee

⁵ Na bawabane bamɛni baakɛ taavi kalɔ kakwiidi kammɔ kemmo taawia ama ku bana bebi lɛdila aani bebuo ala betine bani mɔɔkɛ taavi kalɛ kalɛ.

Hiob 24:5 Referans Kwoze

Kɔgya 104:23

Na bekyuli lɛnɔ baayu ulu teesie bana kabla lidu akɔ na beenye bana kabla kammɔ lɛlɔ teetédu useyi uwi.

Batalane Kabla 23:12

Amu ka kadi kégye ni, Yudaƒuɔ badi bése kenye béte lɛlɔ ka ama baladi na baláni si bátadu Paulo!

Yohane 18:28

Amu na ɔtanta tutuutu ni, bákpanku Yesu básiku Kaiaƒa kudɔ mmɔ, na béti-nwu bésienku Romaƒuɔ aban unengudi kaduli. Nsu Yudaƒuɔ bammɔ béteduo mmɔ, ɔsika na bana ɔda bubo kenye ni, bátayɔ ka beduo mmɔ na ɔya bana lɛlɔ lise lɛlɔ ka badubo Kukpi Lili Bɔvia Limeyi bɔdi ɔsu.

Seƒania 3:3

Nwuna bakutine ƒui bénwini bagyata bani mɔɔkwanyi, na nwuna litemi batɛne lɛnɔ bénwini bebuo bani muuƒie bana bakpana taakun usien na asɔ alanu lɛla lɛdi si kadi kégye.

Mika 2:1

Bɔbuɛ muute amii bani na likpidi kɔkwɛ kani na bɛɛkya na bɛɛtɛ bina atɛla lɛlɔ teeti likpidi kasusu uwi biala. Na si kadi kégye na bɛɛnu ka bɛ́bla lɛla lɛmmɔ, ɔsika bɛɛnu ka bibo ɔyikun.

Hosea 8:9

Na bílieku ebuo atuɔkplune aani akwa. Anwuɔsu na bíkeli bísie Asiriaƒuɔ kudɔ bɛnii bitáblaku-ma unwi na bɛwia kebunku.

Hosea 7:6

Kɔnyi kukpidi kɔ́ƒɔ-ma kayi kemmo aani kalɛ na ogya ɔɔkya taada na bodobodo lɛyu kemmo ɔni na asa kadi keteegye ni, na ogya ɔmmɔ uudie linyemi!

Yeremia 2:24

Bise aani bebuo ala betine beledi bani nkɛ kalɔ kakwiidi kemmo ƒaa, na bana enwu eti kayaa beenwenyi ɔƒɛƒɛɛ teenu, na bani mɔɔwia-ma bakɔ belebo abi asa baanu-ma.

Agba 4:16

Ɔsika bekyuli bekpidi balátuna bɔtɛ talɛɛ útédu ka bábla likpidi. Likyulikpi bɔbla liiyú-ma lɛlɛlɛ wetédu ka bebile ukyuli ɔdi ngba.

Hiob 24:14

Ɔƒɛ bɔnu kani na benye bagya, na badu bawabane ku bani ƒui mɔɔyaki ala. Na usien ɔmmɔ kani na beeyú ala lɛnɔ.

Hiob 12:6

Kasusu kelekpoku beyune ku bakantankpine na bana kakyakɔ. Na bani mɔɔkya Unwoti kɔnyi ni, bɔyia bɔdi buuubo-ma kemmo, ɔsika bada bana baƒiɔ enu kemmo kɔkɔɔkɔ.

Hiob 5:5

Na edula kemo kani lɛnɔ na úsie ni, bekyuli bamba bani na kɔka kɔɔda ndubo bebeti-nya badi. Na bede-nya bedie kesii kani bene nábla liyu akɔ muedi ƒui.

Ala Kalɔ Buse 27:40

Na awɔ ɔlati ƒula ɔkɛɛ na adubo bɔda asa na akɛ adi. Na ƒula ɔnwani kabla na adubo bɔbla. Nsu si uwi ɔni na nwuna ala asɔ eleduku-ɔ ni, adubɔlɛ nwuna kabla kalɔ aani kalɛ baada lɛla lɛni nényimi-ɔ teedie limɔ.”

Ala Kalɔ Buse 16:12

Ɔdubo bɔbla ukyuli gyegyengye ɔni ndubɔkɛ utaavi aani alakpi akɔ ebuo ala utine kalɛ. Bekyuli ala aláyɔ-nwu kaƒɔ na nwuna ala lɛnɔ aláyɔ bekyuli kaƒɔ. Na anwu ku nwuna banwani beléduku na baaadubo bɔsala bulie liku linwi.”

Hiob 24:6

Na si uwi ɔni na útulo-ma ni, belikplune bamɛni mmo na beesié taatála amukɔ ku egyiibi asa na bakɛ lɛla lɛni na badi.