Hiob 24:4 - Katɔti Ɔku Kedee

⁴ Na baanya bawabane taakya, na baabɔku-ma taalɛku bana kɔlɔ kemmo.

Hiob 24:4 Referans Kwoze

Agba 28:28

Si belikplune baadi bekyuli lɛlɔ ni, bɔbɛ na bekyuli baabɛ́. Nsu si belikplune básiaku ɔgbankpi ni, bekyuli bani nse siin beemomo.

Amos 2:7

Na bébo bawabane báva kalɔ na bédi bani na mɔɔwia kebunku bése kɔmadɔ. Na báya na bekyuli balábu mina lɛnyi lɛni nse kedee, ɔsika ubi ku ɔti ƒui baatɛ ugblebi unwi kudɔ na baayá na mina lɛnyi liisé lɛlɔ.

Hiob 24:14

Ɔƒɛ bɔnu kani na benye bagya, na badu bawabane ku bani ƒui mɔɔyaki ala. Na usien ɔmmɔ kani na beeyú ala lɛnɔ.

Esekiel 22:29

Na bekyuli bammɔ beeyu ama alati bana lɛlɔ na baanya bekyuli taakya. Na beedumi bawabane na baanya bawabane ku baƒɔ taakya taakɛ-ma lɛlɔ kɔsia.

Esekiel 18:18

Nsu ɔti ɔmmɔ ndubo bukpi na bekyuli bɔnya taakya ku kuyu ku likyulikpi ala bɔbla ɔsu.

Esekiel 18:12

Na ɔɔnya bawabane taakya, na uuyú bekyuli. Ɔƒɛni lɛnɔ ni, ala ani na bekyuli béti bése lɛlɔ kama béte-nwu ni, ulásɔku teete-ma. Na ɔɔkpá baƒiɔ, na ɔɔbla ala ani muusé lɛlɔ.

Yesaia 10:2

Na balátɛ litemi ulu lɛlɔ teete bawabane ku bekpinele ku bekpinebi kalɛ kɔnu kutuku-ma bana ala lɛlɔ.

Agba 30:14

Bana kenye anyi etulo kuwii, na lɛsika blii yayaaya nlɛ-ma linungla, kalɛ na baduli bawabane bebweli balɛku kalɔ kammɔ lɛlɔ. Na bayila bani ƒui mɔɔyaki ala balɛku bayawine akɔ.

Agba 28:12

Si ala aadianku bekyuli babuni ni, lɛlɔ lɛɛyɔ́ ukyuli biala. Nsu si bekyuli bekpidi benye ala kenye ni, ukyuli biala ɔɔbɛ́.

Agba 22:16

Ukyuli ɔni na bawabane na ɔɔnya taakya asa na ɔɔkɛ́ taadi iye balakɛne na uute ala kalɛ na ɔkɛ lɛla lɛdi bana kudɔ ni, kɔwaba ndubo-ma buƒie.

Kɔgya 109:16

“Ɔsika ukyuli ɔmɛni útabla ukyuli ɔdi lɛƒɔndia lɛdi kudii. Mmomu ɔ́bla bawabane ku bani na ala eekpóku kalala úti útédu ka békpi muedi.

Kɔgya 41:1

Lɛlɔ lɛdubɔyɔ ukyuli ɔni muulie taabla kasusu na bekyuli bani nse kpɛtɛ kpɛtɛ lɛlɔ ka ubunku-ma. Unwoti Katɔti ɔdubudie-nwu si úduo lɛbibo lɛdi kemmo.

Hiob 31:16

“Na ńtanya bekpinele ńtakya iye bani mɔɔyaki lɛla lɛdi na belie beteebo abi.

Hiob 30:25

Buwulo na ami ɔlati ɔmɛni ńtewulo ńtete bawabane ku bekyuli bani ƒui na ala eekpóku? Munuu bunu na ńtenu ɔlɛ pii na mina kɔyu kemmo na ama ɔsu?

Hiob 29:12

Na baabla ɔmɛni ɔsika muudie bawabane ku bekpinebi bani muuwulo kɔnyana ka baawia kebunku na beeebo katamikukɔ kadi ɔsu.

Hiob 29:16

Na línwini ɔti líte bani ƒui mɔɔyaki ala. Na baƒɔ muedi mɔɔƒɔ́-ma etemila taasia lɛlɔ na litemi katɛkɔ si lɛla lɛdi líbo-ma lɛlɔ.

Hiob 31:19

Muute bawabane adala,

Agba 14:31

Bekyuli bani muukpóku bawabane ni, beedumi Unwoti. Nsu bani muubunku-ma ni, baabu Unwoti.

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.