Hiob 24:3 - Katɔti Ɔku Kedee

³ Na béƒie bekpinebi ku bekpinele bebuo ala betine ku ɔmantɛ bakɔ bagyani báƒɔ na kayu kenye.

Hiob 24:3 Referans Kwoze

Lɛkpa Ulu 24:6

Na si ɔdi úvo lɛla lɛdi úte ɔkpanadi ni, utaƒɔ nwuna kukɔ iye lɛklɔyi lɛni na uuti taakɔ ɔlaaƒɔ utése ɔkpa. Si ɔdi ɔ́bla lɛni ni, ukyuli ɔmmɔ údie nwuna ɔkpanadi ɔmmɔ lɛdila ɔ́lɛku ɔnwani kenye kemmo. Ɔsika kukɔ kɔmmɔ na uuti taakɔ ɔlaaƒɔ na anwu ku nwuna kaduli bekyuli baadi.

Samuel 1 12:3

Na bɛɛnu kalɛ na nnye-mii anumi ɔmwi. Na ɔni na bunye Unwoti ku bina ɔga ɔƒunadi anumi mɛni ni, ɔdi ɔdubɔkana na udie ɔtina likpidi lɛni na lɛ́bla-nwu? Bina akɔ ɔmani ɔmantɛ akɔ iye ebuo ala utine na líƒie lɛ́ƒɔ? Munuu ɔdi ɔkya-mii akɔ ɔni na lɛ́nya-nwu lɛ́kya na ulu ɔdi lɛlɔ? Iye ni, líti etila adi lɛ́sia ɔdi lɛlɔ? Iye lɛ́bɛ lɛ́ƒɔ lɛla lɛdi lɛ́siku ɔdi kudɔ lɛ́di, na lɛ́du ɔbambadi kalala kɔtɔ na líte anwu ubo? Na si ɔdi ɔ́kana na údie kenye ka ala amɛni ɔdi use lɛni ni, bɛsu bɛlɛku na lɛƒɔ kayu kammɔ na lɛla lɛmmɔ lili.”

Israelƒuɔ Bɔlɛ 22:26

Na si ɔdi ɔ́ƒɔ ɔkpanadi kɔdi ɔkpa ni, na ɔsɔku-ku ute-nwu asa na ɔƒɛ ɔnu.

Hiob 6:27

Mɔɔnu ka bɛdubɔkana na bɛtu egulabi na ukpinebi lili, na bɛsɔ bɛdi-nwu kuye, ina ka ɔdi bina ɔkpana ubidi!

Lɛkpa Ulu 24:7

Na si ɔdi úƒie nwuna Israelni ɔkpana na úti ukyuli uƒiedi ɔmmɔ únwini ukyuli ɔni mɔɔbla kabla teete-nwu iye úti-nwu uuyé ni, ɔlɛka bebo ukyuli ɔni néƒie ɔkpanadi uuyé mmɔ badu. Na ulu ɔmɛni lɛlɔ na bɛdubo likpidi lɛmmɔ udu bɔda budie bina akɔ.