Hiob 21:16 - Katɔti Ɔku Kedee

¹⁶ Ala ani ƒui na bubo ni, abu alati néti bula ɔyikun kemmo bɔ́kɛ-nya.’ Na bana ala bɔsu bɔmɛni ɔsu ni, lɛ́da lɛlɔ lɛ́mami ama ku bana kɔkwɛ kɔni na baakya lɛlɔ.

Hiob 21:16 Referans Kwoze

Hiob 22:18

Nsu ina amu ni, Katɔti ɔmmɔ náya na bákɛ akɛla pii. Na bana kasusu kekpidi kamɛni ɔsu na lɛ́mami-ma lɛlɔ na ami ku-ma bulábla kasusu taasala.

Kɔgya 1:1

Katɔti ɔdubɔya na lɛlɔ lɛyɔ bekyuli bani naaabla taasiaku bekyuli bekpidi kasusu kani na baakya bekyuli lɛlɔ. Na balásiaku alaekpidi bablane ɔbladu kama. Na baládiku-ma kɔkpana na bataama anwu Katɔti lɛnɔ.

Agba 1:10

Mina ubi, si bekyuli bekpidi baadɔ́dɔ-ɔ ni, nwini kama kya-ma!

Ala Kalɔ Buse 49:6

Naaawia ka liduo bana kasusu ketikɔ iye bana kasalakɔ. Ɔsika bana kɔnyi kɔ́ya na bádu bekyuli na békulo bana bebuo kɔgbama nti na basɔ balakana lɛla lɛdi bɔbla.

Luka 16:25

“Nsu Abraham ɔ́su-nwu ɔnini, ‘Ubi, nyimo ka na ƒula ngba bɔni na élie kemmo ni, ala abuni sɔɔn na áƒɔ. Na Lasaro anwu ni, ala ekpidi sɔɔn na ɔ́ƒɔ. Nsu ɔƒɛni ni, ɔɔkɛ́ ebiti na awɔ eebó abi.

Luka 16:2

Ɔmɛni ɔsu ɔlakɛne ɔmmɔ ɔ́lɔ nwuna ala lɛlɔ ɔnune ɔmɛni na ɔ́su-nwu ɔnini, ‘Bi ndi lɛla lɛni udu na línu lɛ́siku-ɔ lɛlɔ mɛni? Bu akunta na kalɛ na éti aanu mina ala lɛlɔ ƒui boku-mi, ɔsika asɔ alakana mina ala lɛlɔ bɔsɔ bɔnu lɛnɔ.’

Etemila 8:8

Ukyuli ɔdi ulakana ɔƒɛƒɛɛ ulu bɔtina iye ɔti nwuna likpimeyi. Na kama busie lɛnɔ buuubo si kekpo kálɛ. Lɛni kani na ɔdi ulakana na wabɛ na nwuna likpidi lɛni na ɔ́bla kama.

Agba 5:8

Sia ulu ɔni nse sɛsɛɛ na ɔ́gyunku uleku ɔmɛni udu kakyakɔ. Na tani tede nwuna ɔtɔ kayakun,

Hiob 1:21

Mmɔ na ɔ́su ɔnini, “Kasɔngya na mina uni ɔ́wɔ-mi ɔ́lɛku nwuna kaƒɔ kemmo, na kasɔngya kani na ndubɔsɔ linwini. Unwoti néte, na Unwoti násɔ ɔ́ƒɔ. Bemwi Unwoti lɛnyi!”

Hiob 10:3

Bɔyɔ na ɔɔyɔ́-ɔ kaƒɔ kalɛ na ala étulo ami ƒula ukyuli ɔni nsiaku-ɔ mɛni, na aatuna ku balalane kɔkwɛ kɔni na baakya ku bana ablala?