Hiob 20:12 - Katɔti Ɔku Kedee

¹² “Use ka alaekpidi bɔbla bɔɔyu alaekpidi bablane emini. Na use-ma aani kalɛ na baadu lɛla lɛni na libo emini taanwanta taata akpu.

Hiob 20:12 Referans Kwoze

Kɔgya 10:7

Ewida ku ɔkɔ ku likyulikpi etemila sɔɔn néyi-nwu kemmo. Na likpidi ku kalala etemila amɛni kani na ɔɔsu.

Etemila 11:9

Lɛlɔ lɛyɔ-ɔ na ƒula lɛkloƒu uwi na enu ngba emini. Na teni lɛbuni biala na ánu iye ƒula kayi kaayɔ́ tete lɛlɔ. Nsu tayiƒala ka Katɔti ɔdubɔtɛku-ɔ litemi na lɛla biala lɛni na ábla lɛlɔ.

Hiob 15:16

Na dɛ na ukyuli anwu ɔdubɔbla sɛɛn? Likpidi lɛ́ƒɔ-nwu lɛlɔ kemmo, na lɛɛda-nwu ɔkwɛ aani utukwɛ kalɛ.

Agba 20:17

Bodobodo uyudi ɔɔyu emini geen si étu-nwu kenye, nsu uunwíni atabi si uwi ɔni na adaku bɔnwanta.

Ala Kalɔ Buse 3:6

Amu ka uleku ɔmɛni ɔ́nu ɔ́ti ka kugyii kɔmmɔ ebi adia bɔdi, na aadia bɔnu, na aayá na ukyuli ɔɔdá anu ɔsu ni, úde adi na ɔ́di. Na úde ɔdi úte ɔgyani ɔni nkya mmɔ lɛnɔ na ɔ́di.

Samuel 2 11:12

Amu na Dawid ɔ́su Uria ɔnini, “Sɔ kya Yerusalem mɛni ɔmwi na kɔnaadi na lɛsɔku-ɔ limene kekpokɔ.” Anwuɔsu Uria ɔ́ƒɔ lɛlɔ ɔ́kya Yerusalem limeyi lɛmmɔ ku nwuna kadi kegye.

Agba 19:28

Ukyuli ɔni mɔɔnyi ɔkɔ teedie litemi kenye ni, uudumi na ɔɔmá litemi bɔtɛ ulu ɔni ntɛ nse. Na balalane baaƒɔ́ likpidi teebweli aani adila.

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.