Hiob 2:9 - Katɔti Ɔku Kedee

⁹ Amu ka ulekudi ɔ́da úbalɛ ni, úye-nwu ɔnini, “Bi? Bɔsiaku na amu asiaku Unwoti kama? Wida-nwu na ekpi!”

Hiob 2:9 Referans Kwoze

Hiob 2:5

Nsu si banii énene kɔnu ɔƒaani na ákya-nwu ɔlɔna ɔlɛ ɔdi ni, adubɔnu ka ɔdubo-ɔ animi butaakywɛɛ na uteewida-a anumi ku anumi.”

Hiob 2:3

Unwoti ɔ́sɔ úye-nwu ɔnini, “Na dɛ, ka ésie ni, ánu mina kabla ɔblane Hiob? Ukyuli biala uuubo nwuna kalɛ na kalɔ kammɔ ƒui lɛlɔ. Ɔdi ukyuli ɔni na ɔɔyia-mi na ɔɔbu-mi lɛnɔ geen, anwuɔsu use siin, ɔsika ulayɔ ɔnii ɔɔbla lɛla lɛdi ɔƒiɔ-mi. Na ina ka útabla lɛla lɛdi asa na énye-mi lɛlɔ anii nte-ɔ kuƒi na ekpoku-nwu muedi ni, ɔmu unye nwuna kenyekɔ na ɔɔdi mina litemi lɛlɔ.”

Malakai 3:14

“Binu lɛla lɛni na bɛ́su bɛnini, ‘Kɔdɔlɔ na kɔdi-bu ka bunye butaakpali Unwoti Ɔyikune Ƒui. Bi kɔsia geen na bɔɔkɛ́ si bunye bɔɔbu-nwu na bɔkɛ ku kɔnyana bɔɔví uwi biala?

Hiob 1:11

Na si aawia-mi ɔkɔ ni, na ayila ala ani ƒui na ubo udu, na anu si ulata ulenye-ɔ anumi na utaakywɛ-ɔ animi teewida-a uwi biala.”

Baga 2 6:33

Na uwi ɔni na Elisa ɔmu ɔdaku bɔtɛmi kani na ɔga ɔmmɔ ɔtalane ɔmmɔ ɔ́da úbalɛ na ɔɔsu ka ɔga ɔnini, “Unwoti kudɔ na ɔgbankpi ɔmɛni ɔ́si. Na bi ɔsu na mɔɔsɔ linye ntaanu Unwoti anumi lɛnɔ?”

Ala Kalɔ Buse 3:6

Amu ka uleku ɔmɛni ɔ́nu ɔ́ti ka kugyii kɔmmɔ ebi adia bɔdi, na aadia bɔnu, na aayá na ukyuli ɔɔdá anu ɔsu ni, úde adi na ɔ́di. Na úde ɔdi úte ɔgyani ɔni nkya mmɔ lɛnɔ na ɔ́di.

Baga 1 11:4

Na uwi ɔni na Salomo ɔ́bi lɛlɔ ni, nwuna beleku bamɛni bénwini-nwu kayi. Na úsie ɔɔkpá benwoti babambadi. Ɔni na nwuna kayi ƒui kasɔ kaaasia nwuna Unwoti Katɔti lɛlɔ aani kalɛ na ɔti Dawid kayi kése.

Ala Kalɔ Buse 3:12

Amu na ɔnana ɔmmɔ údie kenye ɔnini, “Uleku ɔni na éti éte-mi ni, anwu néde ebi ammɔ adi úte-mi na lɛ́di.”

Hiob 2:8

Ɔmmɔ ɔsu kebu na Hiob úsie ulie ku kɔnyana. Na ɔda kubuikɛ kɔdi uukuo nwuna alɛbi na ntɔ akɔ mmɔ.

Hiob 2:10

Mmɔ na Hiob údie kenye ɔnini, “Bi ɔsu na aatɛmi aani uleku ɔdɔlɔdi? Uwi ɔni na Unwoti úte-bu ala abuni ni, bɔ́ƒɔ-nya. Na si ɔƒaani anwu úte-bu lɛbibo ni, útalɛka bɔƒɔ ɔmmɔ lɛnɔ?” Na ɔmɛni kemmo ƒui ni, Hiob útasu lɛla lɛdi na ɔƒiɔ Unwoti.

Litemi Batɛne 14:17

Ɔmɛni ɔsu ulekudi ɔmɛni úwulo emeyi maatɛ ani ƒui bakya baadi limeyi mmɔ. Ɔmɛni ɔsu limeyi maatɛdi lɛlɔ Simson údie agyolo amɛni kalɔ ɔ́tina ulekudi, ka únye-nwu lɛlɔ ɔsu. Na ulekudi ɔmɛni úkeli úsie útásu nwuna bekyuli agyolo amɛni kalɔ.