Hiob 16:10 - Katɔti Ɔku Kedee

¹⁰ Na bekyuli bébimi kenye baanu-mi taapii-mi. Na básala baatu etemila taalɛ-mi na baaƒiɛmi-mi kɔnu utugya.

Hiob 16:10 Referans Kwoze

Kɔgya 35:15

Nsu ka líduo ɔgbankpi kemmo ni, lɛlɔ mɔɔyɔ́-ma. Na bása lili mina lɛlɔ na baabla-mi kalala ɔni na lɛɛɛgyi-ma muedi.

Kɔgya 22:13

Mina bekisine bébimi bana inye voo aani gyata ɔni muubó lɛdi ka babaduli-mi kɔkɛ kɔkɛ aani kalɛ na gyata ɔɔduli ebuo ɔni na úƒie.

Batalane Kabla 23:2

Amu ka Anania ɔni ndi Yudaƒuɔ ɔkpane unengudi na bana akɔ mmɔ únu Paulo kenye kamɛni ni, údie lɛdi úte bani nnye Paulo kudɔ mmɔ na báƒiɛmi-nwu ɔtugya.

Mika 5:1

Yerusalemƒuɔ, bekpone bekisine báka bámana-a na báƒiɛmi Israel ɔtɔnkune ugyii anumi.

Kɔnyana Buwulo 3:30

Lɛni kani na adubɔtɛya ala si bekyuli beedumi-ɔ na bana ebola éduo-ɔ lɛlɔ.

Yesaia 50:6

Mɔɔda mina kama teese na beebó kugyiimi na baagyɔ-mi keduo linwini. Na ina ka bédumi-mi na bétuo lisuo béwi-mi anumi muedi ni, ńtedeyi ńtesie kɔmadɔ kesii bamba kadi.

Korintoƒuɔ 2 11:20

Na bɛɛtunaku-ma si ɔdi úti-mii ɔ́bla nwuna kabla ɔblane iye ɔ́kɛ-mii lɛlɔ kɔsia kɔdi iye ɔ́kywɛ-mii kakpagyuɛ kadi iye baanu-mii kalɔ kalɔ iye ɔ́ƒiɛmi-mii ɔtugya muedi.

Baga 1 22:24

Ɔmmɔ kama Kenaana ubidi Sedekia úsie na útáƒiɛmi Mikaia lɛtukpo. Na úye-nwu ɔnini, “Uwi ɔmani na Unwoti Kɔyu kɔ́lɛ-mi lɛlɔ kemmo na úbo ubatɛmiku-ɔ?”

Batalane Kabla 4:27

Ɔdi litemi geen ka Herode ku Pontio Pilato ku Israelƒuɔ ku bani naaadi Israelƒuɔ básala lɛlɔ na ɔma ɔmɛni kemmo, na báta bénye ƒ'ubidi Yesu ɔni ndi Ukyuli Ɔƒunadi Kedee ɔmmɔ lɛlɔ.

Yohane 18:22

Ka Yesu ɔ́su-nwu lɛla lɛmɛni ɔ́wɔlɔ ni, bagyumanane bammɔ akɔ unwi úbo-nwu kɔnu ɔtugya na úye Yesu ɔnini, “Ɔkpane Unengudi na eedie kenye lɛni?”

Mateo 26:67

Amu na bétuo lisuo béwi-nwu anumi na bébo-nwu. Na badi lɛnɔ báƒiɛmi-nwu lɛtugya.

Kɔgya 94:21

Na baasa lili na bekyuli bani nse siin lɛlɔ. Na bani na bátaƒiɔ muedi ni, baadú-ma kɔtɔ ka badu-ma.

Kɔgya 35:21

Na baadú-mi kɔtɔ teebo kɔnu kenye taasu banini, “Abu alati bɔ́nu lɛla lɛni na ɔ́bla.”

Ala Alɛdi 2 18:23

Ɔmmɔ kama Kenaana ubidi Sedekia úsie na útáƒiɛmi Mikaia lɛtukpo. Na úye-nwu ɔnini, “Ka Unwoti kɔyu kɔlɛ-mi kemmo ni, wɛ kakɛ na kɔ́vi kɔ́sia asa na kubetemiku-ɔ?”

Hiob 16:11

Katɔti údie-mi atu na ɔ́nyonu-mi ɔ́kya bekyuli bekpidi enu kemmo.

Hiob 30:12

Nse aani ukyuli ɔni na bébo lɛkpu na ulakana bukeli muedi. Bekyuli bekpidi bani néti kɔnyi bákya-mi kati kati mɛni baláda-mi bukpoku baláya, na liiibo ukyuli ɔni naƒɔ-mi.

Kɔgya 3:7

Unwoti mina Katɔti, bo na abaƒɔ-mi! Ƒɛ mina bekisine ƒui anyi ku linungla kalɛ na basɔ balákɛ ɔyikun ɔdi mina lɛlɔ.

Kɔnyana Buwulo 2:16

Sion, ƒula bekisine beedumi-ɔ taama banii “Útakɛ-ɔ kaduɛ, lɛni geen na bɔɔwia ɔ́si kukuuku ka bubile-ɔ na bɔyila-a udu. Na ɔmwi limeyi lɛmɛni na bɔ́kɛ-ɔ sɔsɔ.”

Kɔgya 22:14

Mina ekubi ányonu lɛlɔ. Mina ɔlɔkplu ɔ́tɔlɔ na línwini aani kalɛ na beewilimi ntu teewi kalɔ. Na mina utu ɔɔyɛlɛ aani banwɛnwɛ lɛyu.

Kɔgya 56:6

Baasa lili na mina lɛlɔ uwi biala na baabɛ́ taatu-mi kasiakɔ uwi biala kalɛ na bakɛ-mi badu.