Hiob 13:16 - Katɔti Ɔku Kedee

¹⁶ Na ɔƒɛni kalɛ mina kayi buse bɔmmɔ ndubunwini mina ngba bɔƒɔ, ɔsika ukyuli ukpidi ɔdi uuubo na ɔdubuse kayi ɔda ɔlɛ Unwoti anumi ku lɛla lɛdi.

Hiob 13:16 Referans Kwoze

Yesaia 33:14

Liƒu líƒie alaekpidi bablane benengudi bani nkya Sion Kɔbi lɛlɔ na lɛlɔ lɛɛtɔ́-ma kpakpaakpa na béye banini, “Dɛ na bɔdubɔkana kesii kani na ogya ɔni mɔɔkywí teebile ala uwi ƒui na uléni mɛni bulie?”

Kɔgya 118:21

Mɔɔgyá-a enu ka énu-mi bɔkpali na áya na lɛ́di mina bekisine lɛlɔ.

Batalane Kabla 13:47

Ɔmɛni ndi bɔkada bɔni na Katɔti úti úte-bu ɔnii, “ ‘Lɛ́bla-mii aani bukeye líte bani naaadi Yudaƒuɔ kalɛ na biti bɔƒɔ biboku kayawi ɔkɔkɔ biala.’ ”

Yeremia 3:23

Bɔ́kpa baƒiɔ na abi ammɔ eli ku kɔvanu momoomo, nsu ɔmmɔ ƒui ukpludi na ɔdi, ɔsika awɔ lɛti kani ndubɔkana ka aƒɔ-bu ngba.

Kɔgya 118:14

Katɔti mɔɔkya-mi ɔyikun, na nwuna lɛnyi kani ndi mina kekpo ɔnu ɔni muudie. Na anwu kani náƒɔ-mi ngba.

Kɔgya 27:1

Unwoti ndi mina bukeye na anwu muudie-mi lɛbibo biala kemmo. Ɔdi mina katamikukɔ kani muukeli teesie na ɔɔgyumana-mi ɔsu naaayia.

Hiob 36:13

“Bekyuli bani na baaagyi Katɔti ni, beeti kɔnyi kukpidi taavili. Na baaagyi kalɛ na bevele Katɔti na ubunku-ma si uwi ɔni na ɔɔní-ma kɔtu.

Hiob 8:13

Bekyuli bani mɔɔyiƒala Unwoti Katɔti na beedie-nwu atu ni, lɛni na bana kawɔlɔkɔ kaabla ka báyila bana lɛnunsia ɔsu.

Israelƒuɔ Bɔlɛ 15:2

Unwoti ndi mina ɔyikun ɔni ɔsu na mɔɔtu kɔgya. Anwu nénwini mina ɔƒɔne. Na mina Katɔti na ndubumwi, Ɔdi mina Katɔti, mina bati kuuku Katɔti, na ndubɔkɔliku-nwu lɛnyi katɔ.

Hiob 13:17

Binu-mi etemila kalɔ kaduɛ, na binu lɛla lɛni kalɔ na muudie.

Hiob 23:7

Ɔsika nse siin na ɔdubɔsu-mi ɔnini, ‘Líwi-ɔ uƒi, teesie ƒaa, ɔsika álɛ litemi kemmo.’

Hiob 34:21

“Ɔsika ɔɔnu bekyuli ƒui ablala na lɛla lɛdi lítabɛ-nwu.