Hiob 11:7 - Katɔti Ɔku Kedee

⁷ “Bɔkana na adubɔkana Unwoti Ɔyikune Ƒui akɔla ala budie taatina bɔkɔku bɔnu, na awia-nya kalɔ ati etédu ana kawɔkɔ?

Hiob 11:7 Referans Kwoze

Romaƒuɔ 11:33

Katɔti úbomo geen na ala abuni ƒui ási-nwu kudɔ. Na geen ni, ɔ́da anu na ɔgyi ala ƒui kemmo kaduɛ. Ukyuli ɔdi ulénu ulu ɔni lɛlɔ na ɔɔsia taatɛ litemi kalɔ. Na ukyuli ɔdi ulénu lilu lɛni lɛlɔ na ɔɔsia taabla nwuna ala kalɔ.

Etemila 3:11

Katɔti ɔɔyá na lɛla biala lɛɛlɛ́ na uwi lɛlɔ pɛpɛɛpɛ. Nsu bula ɔdi biala ulenu ala ani ƒui na ɔ́bla kalɔ taawɔlɔ geen. Na ɔɔyá na bula kasusu keekpóku-bu, na buuye lɛlɔ ala ɔ́siku ala ani na Katɔti ɔ́bla, ɔ́si uwi ɔni náavi úti úsela uwi ɔni ndubo lɛlɔ.

Kɔgya 145:3

Unwoti Katɔti úbomo geen, na ɔ́manku bumwi. Na nwuna ɔyikun ni, ukyuli ɔdi ulénu-nwu kalɔ kudii.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Yesaia 40:28

Bɛɛɛgyi na bítenu dii lɛnɔ ka Unwoti ndi Katɔti ɔni nli usela uwi ƒui, na anwu nédie kayawi ku kana kemmo ala ƒui? Lɛlɔ liletu-nwu kudii na ukyuli ɔdi lɛnɔ ulakana-nwu kasusu bɔkɔku bɔnu kalɛ na kese.

Kɔgya 77:19

Édie ulu ávinku ɛpu kemmo na ƒula kasiakɔ kakɛ ketu bonwu kammɔ kemmo kalɛ. Nsu ɔmmɔ ƒui ni, ukyuli ɔyawine útanu-ɔ lɛgba kanyakɔ.

Hiob 37:23

Bulakana Katɔti bɔnu, nsu nwuna ɔyikun úbomo geen, na ɔɔbla ala ulu lɛlɔ kaduɛ uwi biala.

Hiob 5:9

Ɔsika ɔɔbla akɔla ala budie taatina ani kalɔ na bulakana bunu iye bɔti-nya bɔka muedi.

Korintoƒuɔ 1 2:16

Bunweni Kedee Ɔku ɔɔsu ɔnini, “Ukyuli ɔdi ɔɔɔgyi Katɔti lili kemmo. Na ɔdi lɛnɔ ulakana-nwu lɛla lɛdi bɔtina.” Nsu abu ni, Kristo kakali kakya-bu lɛlɔ kemmo.

Korintoƒuɔ 1 2:10

Nsu abu ɔsu na Katɔti údie nwuna abɛla amɛni keyi ɔkɛnku nwuna Kɔyu lɛlɔ. Katɔti Kɔyu kɔɔwia lɛla biala kemmo ɔti, na ɔgyi Katɔti abɛla muedi.

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Hiob 26:14

Katɔti ɔyikun ɔni na údie keyi mɛni ƒui ni, buse kani na use aani kalɛ na ɔƒɛƒɛɛ ɔɔnwuna. Na si uwi ɔni na údie nwuna ɔyikun bonwu keyi ku katɔ budu ni, ɔma ndubo-nwu kalɔ bunu?”

Hiob 22:12

“Katɔ ƒui na Katɔti uli na úbo ɔ́vi ayabi ƒui, na ɔɔnu lɛla biala taasiku mmɔ.

Hiob 33:12

“Nsu mɔɔsu-ɔ geen nnii ƒula litemi liiibo ubo, ɔsika Katɔti utulo ukyuli biala.

Hiob 33:13

Na bi ɔsu na aakyaku-nwu unyeƒi anii ulákpete-ɔ, na ulédie lɛla lɛni na eeye-nwu kenye ulete-ɔ?

Hiob 36:26

Katɔti úbomo utulo bula bekyuli bayawine kasusu ala kalɔ bunu! Lɛni kani na bula ɔdi ulakana-nwu akwa bɔka.

Hiob 37:5

Na akɔla budie taatina lidu lidu lɛɛlɛ́ na kayaa, ɔni na bula ɔdi ulakana-nya kalɔ bunu.

Etemila 7:24

Ina bi anu na ukyuli ɔ́da ni, litemi geen lɛmmɔ lɛ́gyunku-bu na nina kemmo bunu bɔ́gyu geen ɔni na ɔdi ulakana kalɔ bunu bɔwɔlɔ.

Hiob 27:11

“Ɔƒaani ni, ndubo kalɔ budie búte-mii nwaa lɛla lɛni na Katɔti Ɔyikune Ƒui ɔɔbla, ku kalɛ na nwuna ɔyikun úbomo.

Hiob 35:5

Nwini nu liƒlukutu lɛni nƒa-a eli katɔ katɔ mmɔ kaduɛ.

Hiob 42:3

Éye-mi anini, ‘Ɔma mɔɔtɛmi taasiku ala ani na lɛ́lɛ ugyii lɛlɔ lɛni na lɛla tati kemmo?’ Na sɔsɔ ni, lɛ́tɛmi lɛ́siku ala ani na mina kasusu kétenu kalɔ lɛlɔ. Na ana lɛlɔ ala ku kalɔ bunu ese-mi kalɛ kadi.

Kɔgya 139:6

Kalɛ na éti agyi-mi kemmo kágyu geen ɔni utulo ami ɔlati kalɔ bunu.

Agba 30:4

Ɔma nákɔ úsie katɔ na ɔ́sɔ únwini úbo? Na ɔma násala ɔƒɛƒɛɛ ɔ́kya nwuna lɛkɔkɔ kemmo? Ɔma násala ntu ƒui ɔ́kya nwuna awu bonwu ɔni mbi-nwu lɛlɔ kemmo? Na ɔma nátu kalɔ kammɔ lɛvi ƒui únyene kalɔ útédu kana kawɔlɔkɔ? Dɛ na baalɔ anwu ku ubidi? Su-mi si agyi!