Hiob 11:12 - Katɔti Ɔku Kedee

¹² Use kpɛtɛ kpɛtɛ ka atumini ebuo ala utine na unu litemi ukyuli kalɛ, utulo ka atina ɔdɔlɔdi ala na unwini ɔnundane.

Hiob 11:12 Referans Kwoze

Yakobo 2:20

Ɔdɔlɔdi! Bɔtina na nsɔ ndubo-ɔ bɔtina nnii bɔƒɔtaadi bɔni lɛlɔ na kabla keeebunku ni, bɔdi bɔƒɔtaadi bukpludi?

Etemila 3:18

Na lɛ́nu lɛ́ti ka bɔkɔku na Katɔti ɔɔkɔ́ku abu bekyuli bayawine ƒui taanu na bɔnu bɔti ka bútavumanaku bebuo.

Kɔgya 73:22

Nsu kɔdɔlɔ ku lɛla tati ala na lɛ́bla. Na lílieku ebuo na ƒula anumi.

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.

Romaƒuɔ 12:16

Bɛbla unwi ku bina bakpana na bina ngba bulie kemmo. Bitatalaku lɛlɔ katɔ, mmomu bɛtuna na bɛsala ku bani neeebo kenyekɔ kadi na bekyuli anumi. Na bitanu lɛlɔ bitetulo bakladi.

Romaƒuɔ 1:22

Na baanu lɛlɔ aani bekyuli bani na báda anu, nsu bénwini badɔlɔdi.

Yeremia 2:24

Bise aani bebuo ala betine beledi bani nkɛ kalɔ kakwiidi kemmo ƒaa, na bana enwu eti kayaa beenwenyi ɔƒɛƒɛɛ teenu, na bani mɔɔwia-ma bakɔ belebo abi asa baanu-ma.

Kɔgya 92:6

Ususu ɔdi ulakana-ka bɔnu bɔti na ɔdɔlɔdi lɛnɔ ulénu-ka kalɔ.

Kɔgya 51:5

Na sɔsɔ ni, likpidi udu ɔkya-mi lɛlɔ kemmo ɔ́si uwi ɔni na mina uni ɔ́da-mi kaƒɔ. Na mɔɔbla-nya ɔ́si ɔni na ɔ́wɔ-mi.

Hiob 28:28

Na ɔ́su ukyuli ɔyawine ɔnini, ‘Awɔ ɔni mɔɔyia Katɔti na aabu-nwu ni, aadá anu. Na awɔ ɔni muukeli likpidi ni, aakɛ́ ala kalɔ bunu.’ ”

Hiob 15:14

“Bi na aabu anii ukyuli ɔdi na ɔdubɔkana na use kedee ɔwɔlɔ? Munuu aabu anii nwuna ablala adubɔbla siin bɔwɔlɔ?

Hiob 6:5

Ebuo ala utine ulénye taava ukpludi si ɔ́kɛ livo ɔɔkun, iye ɔmantɛ akɔ si unye ɔɔkun livo.

Hiob 5:13

Bana kayawi lɛnunda ƒui lɛɛwɔ́ ulu. Na bana ablala eenwíni kɔkpagyuɛ na kuudie-ma.

Kɔgya 39:5

Ati, ábla na mina ngba emeyi ese klukui. Na mina akwa ƒui aaadi lɛla lɛdi na ƒula anumi. Na ukyuli ɔyawine biala ngba buse aani ɔƒɛƒɛɛ ɔni mɔɔlɛ́ ukyuli enwu.

Kɔgya 39:11

Aaní-bu kɔtu kpakplaa na bula ekpidi ɔsu. Na ala ani na bɔɔsia anu geen eebie aani kalɛ na kubweyi kuubile bula akɛla ani na áƒɔ kuye. Na sɔsɔ ukyuli use kpɛtɛ kpɛtɛ aani ɔƒɛƒɛɛ ɔni mɔɔlɛ́ ukyuli enwu kemmo.

Kɔgya 144:4

Buse aani ɔƒɛƒɛɛ. Na bula emeyi ese aani ɔƒɛ ɔyuli ɔni mɔɔyii taakya kani na ɔ́sa.

Etemila 1:2

Ala ɔtinane ɔmɛni ɔɔsu ɔnini, “Lɛla biala liiibo kalɔ budie geen bɔdi, mmomu ala ƒui ese-bu suu geen!”

Etemila 11:10

Taya na kasusu kekpoku-ɔ na ulu biala lɛlɔ na akya lɛlɔ ɔlɛ, ɔsika lɛkloƒu uwi ala abuni ammɔ adubo abavi ɔƒɛni kani.